ساعدونى إريولى

[أمـ حراير]

السلام عليكم بنات أنا دشيت الشهر الثامن

و جسمى كلة يوجعنى و بأخص ريولى

ما أدرى شد عضلى أول مرة تحصل عندى

هالحالة للعلم حامل فى توم رحت على الدكتورة

و عطتنى حبوب تخفف بس لأسف ماشى فايدة
حد عندها الحل تقولى ترا تعبانة الليل ما أنام

ساعدونىىىىىىىىىىىى

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعة ع]

ما عندي حل ...وسلامتج

[*متميزة*]

سلامتج

[أم أسما]

ما تشوفين شر والله يعافيج

[مشاعر الروح]

ما تشوفيين شر بعد الولاده بترووح كل هالآلام كلنا مثلج الله يشفييج ويخخف عنج الالم مزعج الله يقومج بالسلامه

[ام وعووودي]

فديتج انا بعد تستويلي هالحركه بس يوم اييج الشد حاولي ماتتحركين موليه ولاتاخذين ادويه ابدن
الله يهون عليج وعلينا

[مرسى المحبين]

اصلا ما في حل الا لين تولدين والله يتمم عليج بخير ،انا كان عندي نفس الشي بس من اول شهور الحمل و كان معاي لين ما ولدت بس بعد الولاده لازم الام والشد يروح و اذاما راح لازم تراجعين الدكتور مرة ثانية

[][ام نوف][]

حبوبه عندي حل بسيط ويمكن يساعدج
انا اعاني من نفس الشي

بس اهم شي ترفعين ريولج فوق
يعني وسديلهن مخاد بحيث يرغعن ريولج فوق

والله يسهل عليج

[m!ss prestige]

انا بعد الغلا نفس الشي ... بدا وياي من دشيت الثامن ... ما اقدر ارقد من كثر الالم ....الله يسهل علينا

[أميرة2009]

الله يشفيج الغالية
هذا شئ عادي أنا يصير لي من بداية الحمل ويزيد كل شهر
بس إذا ياج الشد وقفي على أطراف أصابعج شوي أو إذا كني نايمة ردي القدم لورا يعني يعني القدم بس مو كل ريلج رديها شوي لصوبج ما أدري إذا عرفتي

[شمس خالد]

كل الحريم يقولون نفس الكلام
كلهم استوا لهم جيه

صدقيني اختي الالم يخف إذا حطيتي فبالج ان كل ذرة الم معاها اجر باذن الله

الله يخفف عنج يارب

[][ام نوف][]

الله يشفيج الغالية
هذا شئ عادي أنا يصير لي من بداية الحمل ويزيد كل شهر
بس إذا ياج الشد وقفي على أطراف أصابعج شوي أو إذا كني نايمة ردي القدم لورا يعني يعني القدم بس مو كل ريلج رديها شوي لصوبج ما أدري إذا عرفتي

علييج لمبه وفنر لوول

صح حبوبات نفس ما قالت اختي اميره
يعني اتييبين القدم
وتحطين ايدج على راحته واتحاولين اتشدينه على جدام
يعني على صوب جسمج مب على صوب الارض

[دنيا الولهه]

الله يسهل عليج الغاليه ما تشوفي شر............

[شوق وبس]

انا نفس الحالة من دشيت الثامن وانا الشد ما يفارقني بصراحه فضيييييع .. خاصة لما اقوم من النوم احس اني اتخبل من هالالم .. واحس به كل يوم يزيد .. ومن اسبوع لما ارقد احس عضلة الريل اللي ارقد عليها تتبنج من الويع من الورج لاخر الريل .. الحمدالله على كل شي .. الله يهون علينا ..

[أم_سعيد]

الغاليه مافي حل انا هذا العوق فيه من اول حمل والحين هذا حملي الثالث

الله يسلمج اتم ريلي اتعورني ريل وحده وساعات والله ماروم امشي عليها وكان في حملي الاول والثاني يبتدي من الثامن والتاسع واول ماتولدين يروح كله ان شاء الله
اما في حملي الثالث ياني من الرابع ماعرف ليش يمكن لان وزني زاد اكثر

والوزن ترا يلعلب دور خبير في ها الشي
وبعد اذا ماتاخذين كالسيوم وفايتمينات ترا بعد يزيد
انا انصح كل حامل لاتتهاون في الفايتمينات والكالسيوم لان جدا يفيدها في الحمل وبعد الحمل

اسمعو من مجربه هالامور