امي وايد تشك فيني ..!!

**ذلتهمے عيونيے** · 2009-10-17, 00:18

السلام عليكم

شحالكم ..

الصراحه هذي اول مره اشكي لكم مشكلتي

المهم ..

مشكلتي انه امي واايد تشك فيني يوم تشوفني يالسه ع اللاب تتحسبني اسوي اشياء غلط .. بس انا والله العظيم وربي شاهد اني ماقد سويت شي غلط ويوم تشوفني بالغرفة يالسه انزل تقارير ولا بحوث تشوفني وتطلع وكانه في بالها شي وتروح تخبر اخوي العود وعاد اخوي مايعطيني فرصه يقعد يحقق معاي وانا احلف لهم اني ماسوي شي وبعدين اروح غرفتي واصيح منهاره يعني ليش تشك فيني وظالمتني امي واخواني .. ويوم يشوفوني اقفل غرفتي عسب ابدل ملابسي يقولون لي اكيد يالسه ع اللاب ماتبين حد يشوفج شو تسوين ويوم اسمع هالسوالف ارد واصيح ماعرف شو ارد عليهم لانه بعد بيشكون فيني .. بس انا وايد احب ايلس عاللاب يعني مرات انزل لعبة لي والعب عسب مايشكون .. بس مافي فايدة بعد يشكون اذا يلست ابروحي ع اللاب وفي الغرفه.. والله ماعرف شو اسوي ..؟؟

والله اني مظلومه انا ..

وانا اكتب لكم واصيح دموعي اربع اربع .. اتمنى انه امي ماتقعد تشك فيني ..

والله يخليها لي يارب

بليز عطوني حل بس بدون حد يجرحني .. لاني ما استحمل ردود تجرح الواحد

المزيد من آخر المواضيع من نفس القسم:

**فديتني حبوبة** · 2009-10-17, 00:25

الغالية....
أنا يوم أفتح اللاب دومي أقعد في الصالة...إذا يو خواتي أكمل عادي بدون ما سكر، أو اتهرب...
ممكن أختي تيي وتقرا أنا شو فاتحة بس عاااادي جدا عندي...
حتى أنا ما أسجل خروج من المنتدى..
يعني عادي أختي تفتح النت أو تشارك بالنك نيم مالي...

والحمد لله رب العالمين...مرتاحة ولا حد جد شك فيني...

**ام عيون.** · 2009-10-17, 00:27

مااعليه حبيبتي حتى انا امي كانت جي تسويبي هذا لحرصها الزاايد علييج ماتبااج تختربين

انتي قعدي معاها فهميها حتى يوم تيلسين ع الاب يلسي عدالها راويها شو تسوين عسب تفهم

ولاتتضايقين ها الشي عاادي كل الامهات يسونها^^

والله يخليج امج وامهات المسلمين كلهم...

**حگومة راگے** · 2009-10-17, 00:29

يوم بتيلسين عالاب ايلسي فالصاله

و قـللي من يلستج عند اللاب

**ذلتهمے عيونيے** · 2009-10-17, 00:30

المشاركة الأصلية كتبت بواسطة فديتني حبوبة

الغالية....
أنا يوم أفتح اللاب دومي أقعد في الصالة...إذا يو خواتي أكمل عادي بدون ما سكر، أو اتهرب...
ممكن أختي تيي وتقرا أنا شو فاتحة بس عاااادي جدا عندي...
حتى أنا ما أسجل خروج من المنتدى..
يعني عادي أختي تفتح النت أو تشارك بالنك نيم مالي...

والحمد لله رب العالمين...مرتاحة ولا حد جد شك فيني...

اختي انا بعد كذا ايلس في الصاله بس بعد يشكون يريدون يعرفن شو فاتحه انا ومع منو اسولف يعني أسأله وايد مالها جواب

ومرات ايلس عدال امي عشان تعرف اني ما اخونها

قدامها ما تشك فيني بس يوم اروح غرفت الكل يشك .. الله المستعان

تسلمين على المرور السريع

**ضاع عمري وراك** · 2009-10-17, 00:30

مادري بس يمكن يخااااااافوووون عليج

حتى انا لابي يتم مفتووح واروح تحووط وارد ومسن والمنتدى وكل شي بس امايه فيها فضووووووووووووووول

تحب تطالع شوة اسوي وعادي ما اسكر المحادثه ولا شي رغم انها اغلب الوقت تقعد وراي تشوف شوة اسوي وانا طبعي ما عندي شي خايس اسويه من الافضل تفعدين وسطهم وانتي تسوين شغلج ولا تلعبين علشان يتاكدون انج ما تسوين شي وبيرتاح بالهم ما عليج من حد خليج واااثقه من نفسج ترا هم يشكون اكثر يوم يشوفونج مهزوزة الثقه وتصيحين اثبتيلهم انج ما تسوين شي غلط وقعدي وسطهم وخلج عادي

**tOffee** · 2009-10-17, 00:33

عليج السلام والرحمة ..

الغلا شيلي اللاب ويلسي عندها (بس مب تعطينها ظهر اللاب) .. يعني خليها تشوف وترتاح وترتاحين انتي بعد فديتج ^^ بدون ما تقوليلها شوفي انا ما اسوي شي غلط .. واذا بتصكين الباب خلي اللاب براا .. اذا قدرتي .. يعني المشكلة في اللاب وبس لا تحاتين عيل .. هونيها وبتهوووووووووون ^^

الله يخليلنا أمهاتنا يا رب

**عبير العنزي** · 2009-10-17, 00:33

عادي حبيبتي كل البنات جذي يعانون من أخوانهم

وترى أخوانا واهلنا يسوون جذي من خوفهم علينا..

المفروض تفرحين في ناس تخاف عليج ومهتمه لج

في بنات مسكينات ضايعات والسبب أهمال اهاليهم من البدايه

لكن احنا الحمدلله عندنا من يحافظ علينا ويخاف علينا.. حتى لو كنا واثقين من أنفسنا ومن أخلاقنا لابدّ

رقابة من الأهل تكون رادعه للبنت أن سولت لها نفسها او حاول الشيطان استفزازها فهناكـ من تخافه

وطبعا لو كانت البنت تخاف من ربها فماله داعي خوف الاهل الزايد...

بس مع هذا كله لازم اهلج يعطونج الثقه لانج اكيد بتكونين قدها واهم عارفين اخلاقج وتربيتج عدل

صدقيني يالغلا لو كانت البنت تبي تسوي شي غلط محد يقدر يمنعها لو الف واحد يراقب تصرفاتها

والبنت المتربيه عدل اخلاقها وخوفها من ربها هذا الشي اهو اللي يمنعها من الغلط بدون مراقبه وغيرها

الله يحفظ لج الوالده واخوانج ياارب ويحفظ كل أم على وجـه الأرض

لا تكبرين الموضوع حبيبتي ترا كل البنت مثلج

**دمـعے العيونے** · 2009-10-17, 00:35

من خوفها عليج حبوبه لا تحطين فخاطرج كلنا جربنا هالشئ ^__^

**شبه الملاك** · 2009-10-17, 00:38

انا ضد هالاسلوب لان الثقه مهمة في التعامل والوحده يوم بتسوي شي غلط مايمنعها غير دينها واخلاقها اما الشك اشوف نتيجته عكسيه

**غلويـه** · 2009-10-17, 00:39

حبيبتي امج خايفه عليج تغلطين بشي بس تحملي فديتج
وحاولي تفهمينها شو اتسوين وخلج يالسه معاها وفاتحه اللاب فالصاله مثلا
بتلاحظين تغير بتصرفاتها وايد بعد
والله يهدي بالها عليج حبوبه بس كله ولا دموعج غلايه

**بيلساااان** · 2009-10-17, 00:48

حبيبتي كل أم تخاف على بناتها لان الصرااااحة الزمن وااايد يخوف

ومثل ما قالو الخوات ييلسي ويا أهلج حسسيهم انج كبيرة وقد المسؤولية

والله يعيييييييينج ويوفقج

**مس تاتوتة** · 2009-10-17, 01:03

الله يعينج

**دلع 2009** · 2009-10-17, 01:08

فديتج والله لا تزعلين ولا تصيحين ترا والله هذا كله من الي تسمعه امج عن مشاكل اليوم والله ماتنلام

انا اختي الكبيره جذا اتسوي فينه مرات تجذا فجأه اتي اتنط عندي واتم اتشوف شو اكتب وشو اسوي والله عادي ماعندي شي اخشه عليه

اخلي كل شي مبطل حتى المسن يوم اسولف مع اربيعاتي وفي المنتدى وتم مرات تفتح المنتدى بأسمي وتم تقره المشاركات

حبوبه لا تلومين امج ولا تزعلين منها ومهمن يكن والله هذي امج واهلج وخافون عليج

**مهاريـ ..** · 2009-10-17, 01:14

وعليكم السلام ورحمة الله وبركاته
اذا كنتي يالسه ع الاب وكنتي في الحجرة خلي الباب مبطل كامل
وخلج واثقة من نفسج ورددي لا حول ولا قوة الا بالله العلي العظيم
الله يعينج حبوبه

الموضوع: امي وايد تشك فيني ..!!

أدوات الموضوع

عرض

امي وايد تشك فيني ..!!

المزيد من آخر المواضيع من نفس القسم:

المواضيع المتشابهه

كيف اتصرف مع ولدي متعلق فيني وايد

ما عرف ليش اثر فيني وايد

ولدي وايد متعلق فيني ابا حل

ريلي وايد يشك فيني !! تعالوا شوفوا ليش؟؟؟؟؟!!!!!!!!!!!

دوام ريلي وايد مأثر فيني