شو احسن محلات للمطابخ

**طاف عمري** · 2009-10-13, 23:37

هلا بالغاليين السؤال واااضح محتاية العون منكم شو احسن محلات للمطابخ في الشارجة و الامارات الي بعدها و اسعارها معقولة مب خشب ...ستيل

بوظبي نااااااااااااااااااار من زادت الاجارات نحن في مرحلة نسوي مطابخ حق فلل خواني يعني مطبخين و مب ذاك الزود كبار مطبخهم ...........سرنا محل في بوظبي قال مع الادوات الكهربائية المطبخ الواحد 40000 الصراحة واااااااااااااااااااااااايد لو المطبخ عووود بقول اوكي بس مايسوى و الله ..............و انا باجر نازلة الشارجة الظهر فمحتاية العون منكن الي تعرف محلات حلوة و شغلهم يمدحونة تعطيني اسمة .........................و ما تقصرون يا بنات منتداي الغالي

المزيد من آخر المواضيع من نفس القسم:

**المشموم** · 2009-10-14, 00:29

محل طهبوب في بوظبي .. بس برفعلج الموضوع ..،

**البشاير 1** · 2009-10-14, 01:14

و الله لو أعرف بقولج بس ما أعرف بس إذا حصلت ممكن اتخبرينا الغالية

**buss-girl** · 2009-10-14, 10:37

الغالية الحين نحن فمرحلة المطبخ وسرنا عند كذا محل و خذ القياس وسوى لنا تصميم و عطونا الاسعار

شوفي فالشارجة عندج مطابخ الجزيرة عندهم اشياء حلوة بس اسعاره غالية وهذا فشارع الوحدة

و سيري بناية الياسمين .. جيه قريب الشهباء مادري شو هالمنطقة بالضبط اظني الصناعية هيه الصناعية

بتلقين كذا محلين اظني محلين فبانية الياسمين .. و فيه فالشارع الي مجابلنهن كمن محل بعد مال المطابخ حلوة سيري و شوف

و الاسعار الي عطونا اياهن ارخص عن الي قلتيه بوايد النص تقريبا بس انتي وطول مطبخج .. و شو الماتييريل الي تبينه

**طاف عمري** · 2009-10-14, 13:45

المشاركة الأصلية كتبت بواسطة المشموم

محل طهبوب في بوظبي .. بس برفعلج الموضوع ..،

تسلمين حبوبة بس وين مكانة ها ....؟؟؟

المشاركة الأصلية كتبت بواسطة البشاير 1

و الله لو أعرف بقولج بس ما أعرف بس إذا حصلت ممكن اتخبرينا الغالية

ان شاء الله بس لو يدلنا ع محل زوين ............

المشاركة الأصلية كتبت بواسطة buss-girl

الغالية الحين نحن فمرحلة المطبخ وسرنا عند كذا محل و خذ القياس وسوى لنا تصميم و عطونا الاسعار

شوفي فالشارجة عندج مطابخ الجزيرة عندهم اشياء حلوة بس اسعاره غالية وهذا فشارع الوحدة

و سيري بناية الياسمين .. جيه قريب الشهباء مادري شو هالمنطقة بالضبط اظني الصناعية هيه الصناعية

بتلقين كذا محلين اظني محلين فبانية الياسمين .. و فيه فالشارع الي مجابلنهن كمن محل بعد مال المطابخ حلوة سيري و شوف

و الاسعار الي عطونا اياهن ارخص عن الي قلتيه بوايد النص تقريبا بس انتي وطول مطبخج .. و شو الماتييريل الي تبينه

تسلمين حبوبة بسير اليوم و بشوف و ان شاء الله خير

لو حد عندة بعد اسامي لا يبخل علينا

**المشموم** · 2009-10-14, 17:42

هلا إختي محل طهبوب في أبوظبي راقي الصراحه ..
خذي رقمه من الدليل عشان تعرفين مكانه بالظبط وإستفسري عن أسعارهم بالمره بعد ..،

**طاف عمري** · 2009-10-16, 22:38

المشاركة الأصلية كتبت بواسطة المشموم

هلا إختي محل طهبوب في أبوظبي راقي الصراحه ..
خذي رقمه من الدليل عشان تعرفين مكانه بالظبط وإستفسري عن أسعارهم بالمره بعد ..،

تسلمين يا قلبي بس اتصلت و ما حصلت رقمة في الدليل حتى مركز لمعلومات ما عندهم يقولون شالووة من السستم

**طاف عمري** · 2009-10-16, 22:45

الي سالني شو اخبار مطابخ الشارجة ...................كلمة زبالة و موديلات جديييييييييييييييمة شوي علية ...............نوعية الالمنيوم الخفيف عندهم و هذا كان مطبخنا في البيت العود و سويناه عند محل فيرونا في بوظبي و احين كمل معانا تقريبا 5 نوات بس زبااااااااااااااااااااااااااااالة و راح نغيرة شو بنسوي لاحول و لا قوة و اسلوبهم المحل خرا عافاني الله نتصل عليهم تعالو عدلو الكبت الفلاني البيبان و غيرة و ان شاء الله يقولون ومن هناك طاااف لان بيزاتهم عندهم و كذا مرة راح الوااالد عندهم بعد ان شاء الله و طاف.................................المحلات الي سرتها صوب الياسمين اظني بس الجزيرة وما رحتة من الزحمة ................سرت دبي عند محل اسمة الميدور نوعيتة و موديلاة حلوة بس ما راضيين يعطونا سعر تقريبي و لا راضيين يسووون بناء ع المخطط لاااازم ندفع 500 و ينزل الريال البيت و يقيس و غيرة و تعاملهم صراحة ما عيبنا ......و النوعية ستيل يخترب مع الزمن ...لان يصدي و نحن نبي المنيوم ..........................

على قولة القايل اصبر على مينونك لا ييك اين عنة و شكلنا بنتم ع محل الموارد في بوظبي جيرانا مسويين عندة و الكل مدحو شغلة و نوعية الالمنيوم الثقيل وااااااااااااااااايد اوكية ....عطانا سعر تقريبي للاغراض الي نباها و الديزان بس الخبر لااكيد يوم الاثنين ................عاد بنشوف اضطرينا ندفع 500 و ينزل الريال البيت عسب يقيس و نقول للمقاول وين يحط الكهرباء و عاد بنشوف السعر النهائي و اذا ما عيبنا عاااد بنفر و نفتر في محلات بوظبي .....

و انا امشي في السيارة شفت محل وايت المنيوم و الشبكة للمطابخ و احين اسمع طهبوب في بوظبي بسير لهم و بنشوف بعد شو نوعية الالمنيوم اذا شرات بيت ابوي النوعية الخفيفة ما نبي ......

بس ما ابي اذم الشارجة كلها ...سرت عند محل اسمة المميز للمطابخ موديلات رهيبة و الوان غريبة الفوشي و الاورنج و غيرة و غيرة بس هو يسوي نوع من انواع الخشب الثقيل و الحركات الي يسويها مكلفة سالت عندة ع سمبل موجود في المحل قالي يمكن يوصل 40 من دون اجهزة كهربائية لا الي في المحل مطبخ عوود بس يعتمد شو ما تبين ........الاجهزة و القصة و عدد القطع و ما ادري شو ....بس ترددنا لان نوعية خشب ملبوس بطبقة .....و يحاول فينا ياجماعة مب خشب هو ما مادري شو كلمات اجنبية يطريها عااد انا ترددت .....لان نحن هدفنا المنيووووووووووووووووم

و قبل لا اروح محل الموارد ................سرت عند المطابخ الايطالية شي شي.اسمة ....... بس بعد المنيوم خفيف و شغلة يبين في المحل مب مرتب و ما عجبني الالوان الموجودة

احين بنشوف الموارد يرسم المخطط لان المقاول ينتظر وين يحط الكهرباء في المطبخ ..........فقلنا براية 500 فدوة بس اهم شي يعطينا مخطط حق الكهربا وين تنحط و بنشوف سعرة اذا عجبنا يالله يا كريم و اذا لا بنشيل المخطط و بسير عند محل 2 في بوظبي و دعواتكم............ حق هاي الفلتين حق خواني ..............هم 2 الله يحفظهم و كل واحد بنى فلة صغيرة عسب يعرسون و يكون السكن جاهز لا قسم و لا شياتة ................و يارب تتسهل المهمة و يخلصون تاثيث الفلل و يحصلون بنات الحلال و يستقرون .......................

سموحة منكن ادري طولت عليكن بس ها كلة رد وافي و مفصل ع الأسألة الي وصلتني ..................

دعواتكم الحلوة

**نوارة الشارجة** · 2009-10-16, 23:28

بتحصلين اللي تبينه عند

كيتشن كينج

في الشارجة شغلهم نظيف و مطابخهم روعة الصراحة ، خذي رقمه من الدليل

**أم خالد @** · 2009-10-16, 23:48

سيري Kitchen King في عيمان و الشارجة شغلهم وايد حلو و معاملتهم طيبة بيفصلولج المطبخ الومنيوم و خشب حسب اللي تبينه موديلات رهيبة و بتحصلين موقعهم على جوجل

**روز2009** · 2009-10-16, 23:57

اختى نحن مسويين عند الميدور ، سعرهم شوي غالي بس بصراحه الموديلات و الفينيشن روووعه

**فــداكـ العمر** · 2009-10-17, 01:04

كيتشنج كينج رحتله وبصراحه غالي
شفت عنده سمبل مطبخ يمكن 3 امتار بس وقالي جان تبين هذا
اقل سعر بعطيكي اياه دغري ب 9000 درهم

وانا مطبخي 9 امتار تقريبا .. صح حلو ورهيب وشغله اوكي بس بعد غالي

ووصدقج مطابخ عيمان والشارجه مب لين هناك
بس الجزيره حلو وفخم واسعارهم معقوله

**المشموم** · 2009-10-17, 12:51

طهبوب في شارع حمدان ..،

**طاف عمري** · 2009-10-21, 16:09

تسلموووووووووووووووووون ع الردود

**لمن تثمر الزهور** · 2009-10-21, 17:21

السلام عليكم...نحن امسوين المطبخ الخارجي والتحضيري عند ابو الحصا دبي بناية الياسمين شغلهم نظيف..ويوم بنينا الملحق فصلنا عندهم

الموضوع: شو احسن محلات للمطابخ

أدوات الموضوع

عرض

شو احسن محلات للمطابخ

المزيد من آخر المواضيع من نفس القسم:

المواضيع المتشابهه

مطلوب محلات للمطابخ

احسن محل للمطابخ ف الشارجة او عيمان

احسن محلات الفساتين .؟؟!

محلات الاقمشة بالسطوة كيف اوصلها ساعدوني وشو احسن محلات عندهم وشلون اسعارهم

ابي احسن محلات دبي