بنتي وتسوس الاسنان اتمنى اتساعدوني...........

**شقااااوي** · 2009-10-13, 19:14

مرحبا

اشحالكم

عندي مشكله اللي هي بنتي عمرها سنتين الله يحفظها من كل شر

اسنانها بدت اتسوس واسنانها اللي جدام عليها طبقه من الجير ومب راضيه اتخوز

استخدمت لها معجون الاطفال نفس الحاله احسه ماله اي فايده

حتى من كثر ما الجير متراكم على اسنانها مسوي لها خط جنه محفور يعني اتحسين بوجود الخط وانتى تلمسينه

مب عارفه شو اسوي
لاتقولون لي وديها العياده الانه ريلي مب راضي الانها صغيره

ومب راضه تاكل لاجبان او تشرب الحليب

تعبت معاها

ياليت اللي تقدر اتساعدني

يعني شو استخدم لها او كيف احببها في الجبن او الحليب ...........

المزيد من آخر المواضيع من نفس القسم:

**حلم صيفي** · 2009-10-13, 20:28

في عيادات مختصة باسنان الاطفال ...

وانا وديت بنتي يوم كان عمرها سنة ونصف يعني طبيعي ...

من الحين لازم تبتدين بالاهتمام باسنان بنتج ...

**بيت البسكويت** · 2009-10-13, 23:44

انزين حلم صيفي كيف نهتم في اسناهم من هم صغار انا شاريه لولدى معجون بس والله مارو م اسويله اخاف اغسل اسنانه بدون معجون

ياليت تنصحونى لانى نفس مشكلة صاحبة الموضوع بس اللهم انا شرات الجير من الحليب

**كازو ترف** · 2009-10-13, 23:53

الاهتمام بأسنان الاطفال مهم جدا
وليش زوجج مب راضي تودينها العياده
الاطفال لازم يتعودون على طبيب الاسنان
عشان ما يخافون منه
في اعتقاد خاطئ عندبعض الامهات
ان الاسنان اللبنيه بتطيح فمافي داعي للاهتمام بها

ماشي منظر يعور القلب مثل ابتسامةطفل واسنانه مسوسه
لا تفوتين الوقت
سيري عند طبيب الاسنان وهو بيقولج الحل
في أمهات الله يهديهن يضيفن سكر للحليب
ويرضع الياهل في الليل ويبقى السكر ويسبب التسوس
تلاحقي عمرج

**البدواويه** · 2009-10-14, 00:32

انا وديت بنتي سنه واربع شهور عند دكتور الاسنان
وديها خلي يشوفها الدكتور احسن

**أم علووش** · 2009-10-14, 02:01

عافاكن الله بنتي عمرها 3 سنين و4 شهوور واسنانها مسوسه لا وفيها لين عظام ....بس الحمدلله اكتشفت هالشي بسرعه وما كان واايد ...كنت انظف اسنانها بالمسواك من طلعتلها اسنان هي و أخوها "توأمها"ويشربون نفس الحليب ونفس الاهتمام بس هيه سوست أسنانها وهو الحمدلله ماياه شي؟؟

بخصوص الاسنان الدكتور عطاها معجون اسمه "ألودنت" بالفراوله ما حبيته بس قال انه انسب نوع لهم مع اني كنت آخذ لهم كولجيت 2-6

واسوي لها سلطة الخياربالروب - سندويش لبنه بالزيتون لانها تحب الزيتون واقنعتها انه مايصير تاكل زيتون بدون لبنه ؟؟وهاي طبعا خطه عشان الكالسيوم واحيانا اسوي لها حليب بالهورلكس عشان تشربه- وكورن فليكس بالحليب الطازج==بس لازم بشكل يومي تعطينها هالوجبات

عشان ما يزيد التسوس لازم تعطينها فلورايد 7 نقاط كل يوم؟؟وحاولي تقنعين زوجك لان دكتور الاطفال ما يخوف وضروري يشوفها قبل لا يسوي لها آلم لا قدر الله وهي صغيرونه على عذاب الاسنان

والسموحه عالاطاله ان شاءالله اكون افدتج

الموضوع: بنتي وتسوس الاسنان اتمنى اتساعدوني...........

أدوات الموضوع

عرض

بنتي وتسوس الاسنان اتمنى اتساعدوني...........

المزيد من آخر المواضيع من نفس القسم:

المواضيع المتشابهه

طلب ..اتمنى اتساعدوني

اتمنى انكم اتساعدوني

اتمنى اتساعدوني دخليلكم

الحمل وتسوس الاسنان ..