إطالة اليوم الدراسي لمصلحة الطالب ؟؟؟!!!

[جوهرة111]

خواتي يوم الاربعاء كان يوم طويل حق ولدي والله العظيم احس مول ماستوعب شي الساعه5:30 العصر واصل البيت والله حرام

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نسيم الأمل]

انتوا زاايدين 5 دقاايق بسسسس ؟؟؟

نحن 15 دقيقه يعنيي الحصه ساعه و خمس دقااايق تخيلوووا ؟؟ نعفن ف المدرسه هههههههههه

[نسيم الأمل]

و اصلن تعبوونا زياده .. يعني نخلص 3 و ربع .. و نحن ف السياره ياذن !! برد البيت .. بتسبح .. بتغدى .. استوت 4 و نص !!

ابا ارقد اريح شويه .. بنش 6 و نص !!

متى بنلحق نذاااكر يعني و نحضر و نحل الواجبات ؟؟؟ متى بنلعب و نيلس و يا الاهل متى بنظهر متى بشوف تلفزيون و متى و متى ؟؟

لا و اذا ما حليتي الواجب او نسيتي شي بسيييييييط تنقصيين 5 ما عندهم قوم درجتين .. ناااااااااااقصين نحن ><

[@ريم الفلا@]

والله خلهم يستااهلوون بسهم اجاازه ودلع

[ياحلاتي]

خواتي الغاليات
يوم بنتكلم في موضوع اطالة اليوم الدراسي لازم نفرق بين بوظبي وبين الامارات الثانية لان الطالب والمدرس ينتهي دوامهم الساعة 3 ونص في بوظبي وهالشي مالة خص برمضان أو أجازتة لأن هذي خطة تطويرية مثل مايقولون والصراحة لا شفنا تطوير ولا شي الا عوار القلب والهم يوم يرن الجرس الساعة 3ونص يكون مأذن ويوم نوصل البيت نشوف الناس الطبيعيين طالعين سوق والا مول ونحن يادوب يايين البيت لا ندري عن بيوت ولا عن رياييل ولا تستهونين بالامر ياختي لاني أنا وحدة فكرت في الاستقالة بس قلت اجرب وجربت والله ما نقدر نستمر هالشكل وحشنا نظامنا مال أول ...البنت في المدرسة ما زاد عليها الا الوقت وما أشوفها أكتسبت اي شي مفيد
خواتي قالتها وحدة منا قبل التعليم اللي نهض بدولتنا زمان وخلاها وخلانا نوصل لليوم مب عيزان عنا نعم محتاج تطوير وزيادة معلومات وطرق حديثة بس مش محتاج ارهاق بدون فايدة طالبة الثانوي اليوم حايرة بين بحوثها وتقاريرها ومشروعاتها وبين راحة العقل والجسم وهذا ما يمنع وجود بعض اللي لا تعنيهم زيادة ولا نقصان اليوم الدراسي وهم قلة ما يأثرون عالاغلبية الواعية اللي تقول لأأأأأأأأأأأأأألأطالة اليوم الدراسي لا خمس ولا غيرة وكنت اتمنى من الوزارة أنة اطبق النظام على عدد معين حتى تشوف تأثير هالشى على الدرجات وان كان فية فايدة يعمم وبعدين احنا المعلمين العنصر الثاني في العملية التعليمية لا بد ان نشاور مب خذوة فغلوة وتحياتي لكم
واخيرا السالفة مب قصة دلع وبكرة بتحسيين أذا كان لج بنت او ولد في الثانوية يدخلج منهار كل يوم 4 ونص والا خمس .....

[الغنّ]

.


:




UP UP فخاطريه رمسة ..
بس ما عنديه وقت =/






/

[بثـينه]

انا عيال خواتي في الروضه يرودون البيت الساعه 12 بالكثير ؟؟؟ اذا مدخلين يهالكم خاص فانا تراني اتكلم عن الحكوووومة .. مالنا خص في الخاص !!

كـــــــــــــــــــــــــــــــيف يردون 12 ؟؟؟
ليش متى يخلصون دراسه ومتى يبدون ؟؟؟

أنا ولدي في روضه حكوميه .. يبدون دوامهم الساعه 8 و يخلصون الساعه 1 ؟؟
قبل كان نظام التدريس عندهم لين 12 بس بعد نظام الوزاره صار لـ 1 ..
و طبعا بعد تلفليف الباص يوصل البيت الساعه 2 الا ربع او الا عشر دقايق ...
مب حرااام .. والله حرااااااااااااااااام ... و فوق كل هذا يعطونهم وايد واجبات وعاد تعالي للي يستوعب .. خاصه اليهال يبالهم طولة بال في التدريس لانهم بعدهم في أول مرحله في حياتهم وما يعرفون حتى يمسكون القلم ... يعني صج احس حرااام هالدوام صج مهلك ..

شو بيصير يعني لو حذفوا وحده من كل منهج ؟؟؟ بعدين وين الأشياء المهمه في التاريخ مثلا أو في الوطنيه او الجغرافيا او الأدب العربي ؟؟؟ بامكانهم يحذفون الأشياء اللي مالها أهميه واللي الطالب ما يستفيد منها في حياته ولا يتذكرها اصلا من بعد ما يطلع من الامتحان يسوي لعمره غسيل مخ من كل هالامور لانها مب مفيده ولا يطلع منها بنتيجه ؟؟
صح الرياضيات فيه اشياء وايد مهمه بس بعد في اشياء ماله أهميه في الحياه نهائيا ..
و في كل ماده لو قعدوا يتمعنون في الكتاب بيلاقون انه ربع اذا مب نص الماده ماله اهميه وبامكانهم يحذفونه ^^

اللي ايده في الماي مب شرات اللي ايده في النار ..

الله يعين الطلاب والمدرسين والله ...