ماتوا...رحلوا من هالدنيا... (للحين تذكرونهم؟؟؟...)

**سحــر العيـون** · 2009-10-10, 01:33

السلام عليكم ورحمه الله وبركاته...

بعد ما قريت موضوع الاخت فراغ العاطفه شفت ردود بعض البنات...

كانت وحده كاتبه ان صديقه عمرها اتوفت وللحين تتصل عليها ومانستها...

فطرى على بالي هالموضوع...

في حد كان في حياتج وراح عنج (مـــــــــــــــــــــــــات)

شخص ترك فراغ كبير بعد موته ورحيله من هالدنيا...

للحين تذكرينه؟؟؟...

شو اخر كلام دار بينكم؟؟؟...

وللحين تذكرين اخر جمله قالج اياها؟؟؟...

وللحين تذكرين المواقف الي صارت من بينكم؟؟؟...

باتظاركم خواتي للمشاركه...

المزيد من آخر المواضيع من نفس القسم:

**مــوني** · 2009-10-10, 01:39

مشكوره حبوبه ع الموضوع و بتكلم عن انسان غالي علي حيل وغلاته و صورته ابد ما فارقوا قلبي هو اخوي الله يرحمه و يغمد روحه الجنه مات بحادث سياره وابد مانسيته دوم اذكره واحرص قبل لا اسوي شي اني اتاكد انه هالشي بيرضيه و بيكون فرحان به

للحين تذكرينه؟؟؟...
طبعا و اتذكر لحظاتي معاه و دايما احب اشوف صوره الله يرحمه

شو اخر كلام دار بينكم؟؟؟...
كان يذاكر لي و عقب ظهرت برع البيت فكان يكلمني و يضحك و يقول يلا رجعي البيت احسن

وللحين تذكرينه؟؟؟...
اكيد

وللحين تذكرين المواقف الي صارت من بينكم؟؟؟...
تقريبا كلهاااا وفيه مواقف ماتنسى الله يرحمه يارب

**ريم العاصمة** · 2009-10-10, 01:40

أمي الله يرحمها ... والله وحتى بعد ما توفت قعدت اتصلبها الصبح وانا رايحه الدوام انسى انها توفت لاني كنت متعوده اتصلبها وانا رايحه الدوام كل يوم .. كان إجباري ..

**سحــر العيـون** · 2009-10-10, 01:45

عن نفسي نعم...

واحد من الاهل...كنت وايد اعزه...اعتبره مثل اخوي الصغير...

كان اصغر عني 7 او 8 سنين...

كنت اتواصل معاه على الماسنجر دايما...

ومرات يتصل يسال عني... (دوووم كان ايقولي من غيرج ماكنت اعرف كيف اتصرف في حياتي)...

في كل شي كان ايشاورني...

دووم كان ايقولي لو ما كنتي مخطوبه وكنت انا اكبر عنج اكيد كنت باخذج...حرام حد ياخذج ما ايقدرج (مالحق على عرسي)...

اخر مره كلمته كنا على الماسنجر...

قالي اختي دخيلج ادعيلي...

قلتله بشو تباني ادعيلك...

قالي الله ايخليج ادعيلي ان مافي شي ايفرق بيني وبين الي احبها الا الموت... (كان ناوي يخطبها اول ما ايدش الجامعه)...

فقلتله يارب ان شاءالله مافي شي ايفرقكم غير الموت...

رد قالي (امين)...

الاهل يدرون انا اشكثر احبه ومتعلقه فيه شرات اخوي الصغير...

اذكر اتصل فيني اخوي الصغير...قالي شو اتسوين...قلتله ماشي يالسه بالغرفه...

قلتله خير شو بلاك...ليش صوتك جذي...(فيه صيحه)...

قالي ابى اقولج شي بس مب عارف شو اقولج...قلتله خير بليز لا اتخوفني...

قالي فـــــــــــــــــــــــــــــــــــــــــــــــــ ـــــلان مــــــــــــــــــــــات...

انهرت...صحت صياح...تميت ازعج...هو بعده وياي على الخط...ايهديني...

الاهل كلهم اتيمعوا عليه يبون ايهدوني...

انهرت وصحت صياح...

حضرت عزاه...محد كان ايصيح كثري...

اتخيلو اخته اتهديني وانا اصيح...

كانت اتقولي المرحوم ماله طاري غيرج...

من عقبها انا ما دخلت بيتهم...

ومالي خاطر اسير جدا بيتهم وحتى الشارع الي ايطل عليه بيتهم ماحب امر عليه...

هو الي كان امحلي البيت...

بيتهم من غيره ومن غير حسه ولا شي...

الله يرحمك يالغالي ويغفرلك...

للحين ما نسيته ودوومه في بالي...

**سحــر العيـون** · 2009-10-10, 01:50

المشاركة الأصلية كتبت بواسطة مــوني

مشكوره حبوبه ع الموضوع و بتكلم عن انسان غالي علي حيل وغلاته و صورته ابد ما فارقوا قلبي هو اخوي الله يرحمه و يغمد روحه الجنه مات بحادث سياره وابد مانسيته دوم اذكره واحرص قبل لا اسوي شي اني اتاكد انه هالشي بيرضيه و بيكون فرحان به

للحين تذكرينه؟؟؟...
طبعا و اتذكر لحظاتي معاه و دايما احب اشوف صوره الله يرحمه

شو اخر كلام دار بينكم؟؟؟...
كان يذاكر لي و عقب ظهرت برع البيت فكان يكلمني و يضحك و يقول يلا رجعي البيت احسن

وللحين تذكرينه؟؟؟...
اكيد

وللحين تذكرين المواقف الي صارت من بينكم؟؟؟...
تقريبا كلهاااا وفيه مواقف ماتنسى الله يرحمه يارب

الله يرحمه ويغفر له...

هاي هي الدنيا...

كلنا ضيوف عيلها...

ان شاءالله الله ايصبرنا على فراق الغاليين...

تسلمين حبيتي على المرور والمشاركه...

**سحــر العيـون** · 2009-10-10, 01:52

المشاركة الأصلية كتبت بواسطة ريم العاصمة

أمي الله يرحمها ... والله وحتى بعد ما توفت قعدت اتصلبها الصبح وانا رايحه الدوام انسى انها توفت لاني كنت متعوده اتصلبها وانا رايحه الدوام كل يوم .. كان إجباري ..

مافي اغلى من الام...

الله يرحمها ويغفر لها وايصبرج على فراقها حبيبتي...

تسلمين على المشاركه يالغاليه...

نورتي فديتج...

**little lulu** · 2009-10-10, 01:53

اخوي أحمد

الله يرحمه

الله يرحمه

**تيمى نانا** · 2009-10-10, 01:54

ايوة اختي انا اللي ابتقصديها في موضوع فراغ العاطفة

انا الي باتصل على صديقتي وما بترد علي لانها في عالم آخر

يالله شو هالمواضيع بتفتح جروحي

اما عن اللي كانو وراحو ورتكو فرااغ كبير فهم كتار جدي وجدتي وصديقتي هي زوجة خالي واخي الشهيد

باتزكر ادق تفاصيل الحياة والمواقف اللي صارت بيننا

باسمع صوتهم بادني ومرات بصير اضحك ومرات بصير ابكي

والله والله صديقتي صوتها بدااني باسمعها مرات بتنادي علي ومرات ابتحكيلي موقف مضحك حتى اضحك وبصير اضحك وابكي على فراقها بنفس الوقت

ربنا يصبرنا على افراق احباااابنا وخلاااننا

والله الموت اصعب ابتلااااااء والمؤمن القوي هو ياللي ابيصبر وابيحتسب

ربنا يصبرناااااا ويحسن خاتمتنا ويحشرنا مع احبابنا بجناات الفردوس

**سحــر العيـون** · 2009-10-10, 01:58

المشاركة الأصلية كتبت بواسطة little lulu

اخوي أحمد

الله يرحمه

الله يرحمه

الله يرحمه ويغفر له...

تسلمين حبيبتي على المشاركه...

**ام اموله 3** · 2009-10-10, 01:58

زوجي ـالله يرحمه ـ توفى من خمس سنوات
ولا لحظه تمر علي وهو ما يكون في بالي..اذكر كل شي قاله لي مانسيته ولا راح انسى...
ليت كل الرياييل مثلك يا الغالي.....

**سحــر العيـون** · 2009-10-10, 02:00

المشاركة الأصلية كتبت بواسطة تيمى نانا

ايوة اختي انا اللي ابتقصديها في موضوع فراغ العاطفة

انا الي باتصل على صديقتي وما بترد علي لانها في عالم آخر

يالله شو هالمواضيع بتفتح جروحي

اما عن اللي كانو وراحو ورتكو فرااغ كبير فهم كتار جدي وجدتي وصديقتي هي زوجة خالي واخي الشهيد

باتزكر ادق تفاصيل الحياة والمواقف اللي صارت بيننا

باسمع صوتهم بادني ومرات بصير اضحك ومرات بصير ابكي

والله والله صديقتي صوتها بدااني باسمعها مرات بتنادي علي ومرات ابتحكيلي موقف مضحك حتى اضحك وبصير اضحك وابكي على فراقها بنفس الوقت

ربنا يصبرنا على افراق احباااابنا وخلاااننا

والله الموت اصعب ابتلااااااء والمؤمن القوي هو ياللي ابيصبر وابيحتسب

ربنا يصبرناااااا ويحسن خاتمتنا ويحشرنا مع احبابنا بجناات الفردوس

حبيبتي والله...

صح انتي الي قريت ردها...

ردج جدا اثر فيني...

اسفه اذا فتحت جروحج حبيبتي...

الله ايصبرج على فراقهم...

وكلنا على الطريق عاجلا ام اجلا...

نورتي حبيبتي...

**ام_شذى** · 2009-10-10, 02:01

ابوي
الله يرحمه اخر شي قال لي ايااه تحملي ع نفسج وشدي حيلج ><
لانه كااااااااااااان مسافر للعلاج ومن عقبها ماااااااااااا رد

><

الله يغمد روحه الججنه اميييييييييييييييييييييييييييييييييييييييييييين

**^حلـى قلبـي^** · 2009-10-10, 02:01

ياربي شوهالمواضيع والردود تعور القلب اكثر

شو اقول شو اخلي ! ماقدر اتكلم عن مواقف صعبه وايد مرت عليه ,, الله المستعان

الله يرحم جميع الاموات المسلمين والمسلمات .. ويالله بحسن الخاتمه..

**سحــر العيـون** · 2009-10-10, 02:02

المشاركة الأصلية كتبت بواسطة ام اموله 3

زوجي ـالله يرحمه ـ توفى من خمس سنوات
ولا لحظه تمر علي وهو ما يكون في بالي..اذكر كل شي قاله لي مانسيته ولا راح انسى...
ليت كل الرياييل مثلك يا الغالي.....

ياعمري والله...

الله ايصبرج...

والله يغفرله ويرحمه ويدخله جنات الفردوس...

يارب يجمعج فيه في جنه الخلد مع الحبيبت المصطفى...

تسلمين على المشاركه...

نورتي...

**سحــر العيـون** · 2009-10-10, 02:03

المشاركة الأصلية كتبت بواسطة ام_شذى

ابوي
الله يرحمه اخر شي قال لي ايااه تحملي ع نفسج وشدي حيلج ><
لانه كااااااااااااان مسافر للعلاج ومن عقبها ماااااااااااا رد

><

الله يغمد روحه الججنه اميييييييييييييييييييييييييييييييييييييييييييين

الله يرحمه ويغفرله...

الله ايصبرج يالغاليه...

الابو غااااااااااالي...

تسلمين حبيبتي على المشاركه...

نورتي...

الموضوع: ماتوا...رحلوا من هالدنيا... (للحين تذكرونهم؟؟؟...)

أدوات الموضوع

عرض

ماتوا...رحلوا من هالدنيا... (للحين تذكرونهم؟؟؟...)

المزيد من آخر المواضيع من نفس القسم:

المواضيع المتشابهه

ناس ماتوا وذنوبهم لم تمت

هل صدق اللي اختشوا ماتوا!!؟؟

ياربي!!! ماتوا بثنينتهم

أرى الاحبة .. من دنياي قد رحلوا

الي تبي نقابات الاخت غتالي لوو تذكرونهم