زهـاب عرايـس أول *(بالصـور)*

**7nona** · 2009-10-08, 09:00

بسم الله الرحمن الرحيم

اشحـالكن خواتـي

حصـلت موضوع حلـو يخص زهبـه العروس أيـام أول

إن شاء الله ما يكون مكرر لأني سويت سيرج فالقسـم عن شرات هالموضوع وما حصـلت ^_^

زهبـة عرايـس أيـام أول

تتكون بشكل رئيسي من مجموعة من العطورات النسائية المعروفة قديماً

كالعود والمسك والعنبر التي تجلب بشكل رئيسي من الهند، وكذلك الحناء

والصندل والزعفران والبخور وخلطات متقنة من الدخون من بعض أنواع العطور

والورد والصمغ وطحين العود..،

كما تضم الزهبة ثياباً تقليدية مزركشة

ومزينة بخيوط حرير فضلاً عن بعض الأقمشة ومجموعة أدوات للزينة ومواد تجميل

وهذي صورة ثـانيه للزهبـه
اشحلاتهـا صراحـه بسيطـه وحلوه ومش معقـده
جان زين تمت الزهبـه الحين شرات أول
جان احنـا ابخير خلال يومين خلصـنا ازهابنـا بلا ويع راس

وعدة قطع من إكسسوارات الذهب تتمثل في الطاسة ذات السلاسل الذهبية وتوضع على الرأس،

والشغاب وهي قرط للأذن، والحيول وهي أساور ليد العروس،

أما الكف فهو سوار تتدلى منه سلاسل ذهبية تنتهي أطرافها بخواتم خمسة،

والمرتعشة هي عقد تتدلى منه سلاسل الذهب ويوضع في جيد العروس.

وتوضع زهبة العروس او الدزه في الغرفة المخصصة للعروس قبل موعد الزفاف بعدة أيام،

وذلك ضمن صندوق خشبي متين ومزين بنقوش جميلة يسمى صندوق المبيت او المندوس

وأخيرا هذي كشخـة العروس أيـام أول
اشحلاتهـا وهي متزكرتـه ويالسـه في غرفتهـا اليديده تحتري معرسهـا
لا كوشـه ولا قـاعه ولا صدعـه لوول

وهذا اللي عندي
طبعا منقـول مع بعض الإضـافـات ^_^

سبحـانك اللهم وبحمد أشهـد أن لا إلـه إلا أنت استغفرك وأتوب إليـك

المزيد من آخر المواضيع من نفس القسم:

**! بنت الورد !** · 2009-10-08, 09:03

ما شا الله كشخه و من بساطتها اتبين بنت عز

يالسه اتخيل شكلي مكانها لوول

**اسيرة الهيام** · 2009-10-08, 09:10

بعد الحين العرس حلو

**7nona** · 2009-10-08, 09:39

المشاركة الأصلية كتبت بواسطة ! بنت الورد !

ما شا الله كشخه و من بساطتها اتبين بنت عز

يالسه اتخيل شكلي مكانها لوول

اذا مب امعرسـه الله يرزقج الزوج الصالح واتكونين أحلى عروس يارب

آمين

**7nona** · 2009-10-08, 09:40

المشاركة الأصلية كتبت بواسطة اسيرة الهيام

بعد الحين العرس حلو

حلو

بس متعب أكثر

بس بيني وبينج قبل أحلى ^_*

**وحدة_كووول** · 2009-10-08, 10:02

موضوع روعه....و معلومات حلوة

**مس بحرينية** · 2009-10-08, 10:26

بسم الله الرحمن الرحيم

قبل العرس راحة للعروس الحين هم، كانت العروس تتخيط لها الثياب وتتجهز لها الأغراض الحين تختار ثياب وتختار باقات وتجهيزات ويلات ياريت العرس نفس اول كانت الناس بخير وبساطة، الحين الأعراس راويني وأراويج.

تشكرين على الموضوع تمنياتي للجميع بالسعادة

تحياتي

**snow-white** · 2009-10-08, 10:47

ياريت زمان أول يعووود ..

**7nona** · 2009-10-08, 11:37

المشاركة الأصلية كتبت بواسطة وحدة_كووول

موضوع روعه....و معلومات حلوة

ومرورج أحلى يا حلوه

**7nona** · 2009-10-08, 11:38

المشاركة الأصلية كتبت بواسطة مس بحرينية

بسم الله الرحمن الرحيم

قبل العرس راحة للعروس الحين هم، كانت العروس تتخيط لها الثياب وتتجهز لها الأغراض الحين تختار ثياب وتختار باقات وتجهيزات ويلات ياريت العرس نفس اول كانت الناس بخير وبساطة، الحين الأعراس راويني وأراويج.

تشكرين على الموضوع تمنياتي للجميع بالسعادة

تحياتي

آه صدقج والله

بس ربج كريم

عقب ما يمـر العرس تتذكرين التعب والمراكض وبتكون ذكرى حلوه ^_^

**7nona** · 2009-10-08, 11:39

المشاركة الأصلية كتبت بواسطة snow-white

ياريت زمان أول يعووود ..

^_^

ربي يتمم لج ع خير

وتظهرين أحلى عروووس

**so0sa** · 2009-10-08, 11:45

بساطة بمعنى الكلمة
تسلمين ختيه على الصور
ربي يعطيج العافية ..^^

**ام سالم** · 2009-10-08, 12:16

الله احلو

**h2h** · 2009-10-08, 12:23

حلو والله يعرسون ببساطه

جي تحسين ايام قبل غير بس الحين احلى ههههههههه ^^

**نواعم الصغيرة** · 2009-10-08, 12:27

ماشاء الله على الزهبة بسيطه وحلوه تنمنى هالزمان يكون نفس الشي بس صعب

وكل شي غالي

الموضوع: زهـاب عرايـس أول (بالصـور)

أدوات الموضوع

عرض