انا و ريلي و البيبي..

[ظبيانيــه]

مرحبااا بنات اشحالكم عساكم بخير .. عندي استفسااارو خاااصه للمعرسات

انا توني والده من اربع شهور و ها اول بيبي لي و من و لدت و ريلي يرقد في حجره و انا و البيبي في حجره ليش اني ما اشغل المكيف عشان البيبي و هو يحب البراد و و بعد لانه البيبي تعود يرقد حذالي و يرضع و هو واقد... بليييز خبروني انتوا كيف تصرفتوا و يا عيالكم و ازواجكم وخبروني شسوي لاني مليييت و انا ارقد بدونه؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[روح الورد21]

للرفع

[القمر 2008]

من يكبر البيبي ويصير عمره سنه بترتاحي بترتبي افكارج

[هنوده]

كلنا مرينا بالحاله بس من ينتظم رقاد البيبي بيرد كل شي طبيعي

[ام.سيف.]

انا ولدي عمره اربع شهور وفديته اول ولد الله يحفظه حقي بس الحمدالله مرتاحه وريلي يرقد حذالي وريلي نفس ريلج يحب البراد
وعادي مافي اي مشكله اعلي عــ المكيف ..وولدي اكون بس فليل مقمطتنه وشبريته فيها ستاره وفوق الستاره
احط 3 وقايات مال البيت والحمدالله موول ماييله هوا المكيف يكوون داافي حتى مرات اكون بردانه اشله من شبريته
عشان يدفيني هههه... ويوم ينش عشان يرضع احطه حذالي ارضعه واترياه يوم يخلص احطه على شبريته

واي استفسار انا موجوده فديتج ^_^

[ام دودي]

ما اعرف شو اقول لج .. غير .. ان الياهل انتي اللي تتحكمين فيه .. مب هو اللي يتحكم في حيااتج ...
يعني انتي عودتيه على عادات المفروض ما يتعود علييها .. خاصه انه يرقد عدالج ؟؟ وهذا اكبر غلط ..

[اخت بوحميد]

ياقلبي انا كنت نفس وعقب رمسه وقلت له هذا هب عذر وجي وعقب كسرت خاطره ورقد حذالى خهخخخخ

[شلال محبة]

الغالية البيبي لفيه عدل وخلي سريره حذالج والرب حافظنه

وعن الرضاعة في الليل..البيبي على ما تعودينه
الرجده حذالج خطر عليه سبحان الله من التعب لا تنجلبين عليه

حاولي تشبعينه..وحطيه بسريره

وعالاقل بيرجد كم ساعه ورا بعض..وان نش مب على اي بكي تشلينه على طوول

الياهل من اذكى المخلوقات سبحان الله ويقدر يمشيج على الي يريحه هو

بس لازم تكونين ام فطينه والاكيد رحيمة..وترتبين رجاده وشوي شوي بريحج ان شاءالله
وبيسحب رجاده للصبح

[مجنونة ريلها]

انا نفس الشي بنتي ترقد حذالي وريلي حذالنا نحن الثنينه مستحيل يخلينا فحجره وهو في حجرة نحط المكيف يبدل روحه مرة بارد مرة دافي الحمد لله لاتعودين ريلج يرقد بروحه فحجرة عقب بتندمين فديها انا بنتي يوم احطها فسريرها مادري ليش ماارتاح طول اليوم عادي فسريرها بس من ااييي الليل اييبها حذالي ارتاح يوم ارقدها بس مااحطيها مرة صوبي ارتب مكانها واقمطها وارضعها وفديتها نوم العوافي للظهر انا وياها مخرسة رقاد بس اشوفني احينه بحطها بسريرها عسب تتعود عليه

عقب ماباخذ راحتي فالسرير بتم كل حركة بتفز وبتقوم بسريرها اأأمن لها

[الله يحفظهم]

حبيبتي ..لانج بعدج ..فرش على المواضيع هذي ..وصغيره وخبرج في تربيه الأطفال محدوده ..حبيبتي لا تعودين الياهل لانه يرقد حذالج ..ترى هذي اكبر غلطه ..عقب ولدج بيرفض سريره ..حبيبتي انت وايد من خوفج على البيبي ..هان عليج إن ريلج ..يطلع عنج ونام في غرفه ثانيه ..عسب النونو ما يستبرد في الليل ..لا حبيبتي تصرفج وايد غلط ..حسستي ريلج ولو بدون قصد إن حبج لنونو نساج ريلج وهان عليج إنه يرقد خاري الغرفه ..حبيبتي لفي النونو عدل ولحفيه زين ما زين ..عقب لحفي السرير كله ..بشرشف خفيف ..وخلاص ..عقب شغلي المكيف ..بس لا تواجهين سرير النونو للمكيف ..حاولي إنج تحطين السرير في مكان إن المكيف م يلحف عليه وايد ..وخلي ريلج ينام في سريره وأنتي وياه ..وحسسيه إن حياتكم قبل النونو وعقب النونو ما غير عليكم ..وربي يحفظلج النونو

[مرت المحامي]

بس أهـــم شي لا تعـــودين ولــدج انه يــرقد عدالج , لأنه إذا تعــود مشكــلة
و قــولي حق ريــلج يخف على المكيــف عشــان الولد ولا تعــودين ريلج انه يــرقد بروحــه .

[الم امرآه]

انا اختى عكسج انا ولدى تعود يرقد حذالى السنه يوم سافرنا رقدته حذالى بس انا الى تعودت انه يرقد حذالى يوم ارقده في شبريته انا ما ارتاح وما كان معارض طول هاذيج الفتره بس الحين بدا يزعل ويرقد في الحجره الثانية

[ظبيانيــه]

الله يعيني و الله ما اعرف شو اسوي

[mazyo0na]

غلط اختي

ردي عودي ولدج على الرقده في منزه

انا في البدايه كنت جي بس تلاحقت على عمري وبنتي صرت احطها في شبريتها والحمدلله الحين هي عمرها 3 شهور تعدل رقادها تنش بس عشان الرضاعه

وترى مب زين سبحان الله ما تحسين بعمرج وانتي ترضعينه تنام عليه بسم الله عليه الله يحفظه

مب زين اختي

وريلج بيتعود على ان يرقد بروووحه غلط فديتج وولدج ما عليه شر ان شاء الله قمطيه ولحفيه عدل وما بييه المكيف

[ونة اشعاري]

الغاليه عندي نقطه حبيت اعقب عليها
اكبر غلط اتعودين البيبي يرقد عدالج ..

بقولج موقف الله يبعده عن عيالنا ويحفظهم يارب ..

وحده من معارفنا كانت دووم اترقد بنتها عندها ع الشبريه والبيبي تعودت وصارت ماترقد الا ع الشبريه ،، لين صار عمرها 8 شهور وماشاء الله عليها قامت تحبي وصارت تنش من رقادها والام راقده ،، ويوم من الايام نشت البنوته والام ماحست فيها ويلست تلعب وتحبي لين طاحت من فوق الشبريه على راسها ،، من قوة صوت الطيحة فزعت الام وعلى طول ودوها المستشفى بس المسينه توفت اول ما وصلو المستشفى ( ياها نزيف في المخ )
طبعاً هي كتكوته ماتحملت وماتت ،، الله يرحمها ويصبر اهلها ..

وغير اللي ترقد البيبي عندها وماتحس بعمرها الا ايدها على ويه البيبي ويختنق بسم الله عليه ..

حاسبي الغلا هذا اخطر شي اتسويه الام .. والبيبي انتي اتعودينه على اللي اتشوفينه صح مب هو اللي يعودج ع العادات السيئة ..