Orbitrek ....ممكن حد يجاوبني

[--أم سيف--]

Orbitrek Elite

شفت هالجهاز في اليوتيوب.....والكل يمدحه

بليز الي جربته ممكن تقول لنا هل هو فعلا مفيد.....يعني صدق شد جسمها.....وهل هو سهل الاستخدام؟

وبكم اشتريتيه ومن وين لو سمحتي؟

بارك الله فيكم......

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[--أم سيف--]

صورة الجهاز

[um jumana]

ما عندي فكرة
بس حبيت ارفع لج الموضوع

[--أم سيف--]

اتمنى حد يجاوبني

[تيوليب78]

أنا من سنتين كنت مشتركة في النادي والمدربة نصحتني إني دايما استخدم هالجهاز بدل جهاز المشي بصراحة نزل تقريبا 3 كيلو من وزني (بس كل اللي شافني كان متوقع إني نازلة أكثر عن 7 أو 10 كيلو) بس جسمي إنشد بطريقة حلوة وقياساتي نزلت وايد في خلال شهر واحد..
أنا كنت أتمرن على الجهاز لمدة ساعة كاملة + كنت أسوي تمارين للبطن 500 مرة في اليوم (تثنين ركبتج وإنتي راقدة على ظهرج وتحطين إيديج تحت راسج وترتفعين شوي عن الأرض وتردين بتحسين بألم في بطنج بعد ما تكملين 50 مرة ورا بعض)

بالنسبة للجهاز مب شرط تاخذين orbitrek، في وايد أجهزة في السوق نفسه أنا خذت جهاز من السوق الصيني ب 350 درهم وللحين موجود

نسيت أقولج، طبعا البداية بتكون صعبة على الجهاز يعني 10 دقايق وتتعبيين بس حاولي إترصين على عمرج وتكملين الساعة وعقب كم من يوم بتحسين التمرين صار سهل. والأفضل إنج إتابعين شي في التلفزيون خلال التمرين

[--أم سيف--]

مشكورة على الرد

وان شاء الله بروح السوق الصيني....وبدور على الجهاز هناك

[meshad]

للرفع

[امة الرحمان]

للرفع

[&هجير&]

ان شالله حد يفيدج من المجربات

[deemah]

نصيـــــــــــــــــــــــــــــــــــــــــــــــ ــــــــــــحه اذا صدق تبين تضعفين وجسمج يستوي روعه اشتريه
انا قبل لا اعرس كنت دايما اسوي عليه وعاد كم اسوي يوميا يمن نص ساعه وساعات اقل اذكر اكثر شي سويته عليه 45 دقيقه بالضبط واحلفلج الله انه جسمي كان مشدود وروعه وكل حد يمدح جسمي حتى اذكر يوم اتزهب حق العرس الديزاينر تقولي انتي جسمج لبيس كل شي حلو عليج .............طبعا عرست ويبت عيال ومرت السنين وتعالي شوفي الكلاكيع الحين خخخخخخخخخخخخخخخخخخ لاني ما اسوي رياضه وهوه موجود بس الهيازه هالاسبوع رديت اسوي عليه لاني طفرت من المتن ....بس والله كان جسمي مشدود منه لانه انا طبيعه جسمي مربرب شوي ...خذيه من التلفزيون انا كنت طالبتنه وارد اقولج احسن جهاااااااااااااااااااااااااااااااااااااااااااااز

[--أم سيف--]

اشكر خواتي الي ردوا عليه