سكر الحمل ..؟؟

**الدومي** · 2009-10-06, 23:13

هلا .. شحالكم ..؟؟

اليوم سويت فحص سكر الحمل

أول مره ... وانا حامل لاول مره .. والحينه ف نهاية الشهر السادس

وعطوني اشرب شي جييه شرات الميرندا .. المهم عقب ساعه سحبوا مني دم

وقالولي اتريي نص ساعه عسب النتيجه .. اذا طلعت ايجابيه بنكمل الفحص ..

وحسيت اني مدوووخه وتعباااانه .. وماقدر ايلس .. ولا اتنصخ .. عقب زقروني

وقالولي فالمختبر السكر مرتفع وايد .. وقالولي باجر تعالي الصبح صايمه بيسون لي الفحص

مره ثانيه وانا وايد خايفه ؟؟ واحاتي ويلست اقرى فالمنتديات عن سكر الحمل وكاتبين انه البيبي يموت فجائيا وخايفه وايد

دخيلكم طمنوني هالشي عادي ولا كيف ؟؟

المزيد من آخر المواضيع من نفس القسم:

**x.maitha.x** · 2009-10-06, 23:17

هييييييييييه انا بعد البارحه سولي نفس ها الفحص ومن شربته لاعة جبدي وحسيت بدوخه شوي
بس اناااا عقب اسبوعين موعدي الياي وبتكون النتيجه طالعه لاني مسويه تحليل بول بعد قبل لا اشرب هااا السقم مالهم

**فوفو 2008** · 2009-10-06, 23:17

**ام فطامي11** · 2009-10-06, 23:20

ما شر انشاء الله اذا تابعتي السكر..

**ام اخر زمن** · 2009-10-07, 00:06

حبيبتي لا تخافين
انا جاني سكر الحمل 4 مرات والحمد لله كانت ولادتي طبيعية واتبعت حميه في الحمل وخلاص
اعتقد يموت الجنين اذا كان السكر يوصل 200 وانتي صايمه
الدكتوره بتحدد اذا محتاجه حميه او ابر انسولين
اهم شيء تحافضين على نفسج من المأكولات اللي ترفع السكر وتقيسين السكر في البيت عند الصيام وبعد الفطور بساعه وبعد العشا بساعه

**الريم519** · 2009-10-07, 08:44

أنا اول مره اييني سكر الحمل حملت 3مرات قبل ما ياني بس ها الحمل ياني والحين انا ماشيه على الحميه ومرات اخرب شويه واتبهدل على طول يرتفع بس راجعي الدكتوره وانتظمي على الحميه واذا ما نفع بيعطوش ابر بس لا تحاتين لان التفكير والمحاتاه ترفع السكر فلا تعصبين وحاولي تنتظمين على الحميه احسن من الابر والله يحفظ اللي في بطنش ويي بخير ويسهل على الجميع

**أم عـفـاري** · 2009-10-07, 10:49

الله يعيننا غناتي,,,
أنا من بداية حملي سوولي فحوصات قالولي السكر عندج مرتفع وايد ,,,, وعطوني محاضره طويله وعريضه ,,,
وفي بداية حملي كنت وااايد خايفه واتبعت حميه شوي كانت قاسيه وانتظم عندي السكر ,,, لكن عقب مليت ماقدرت أستحمل صرت آكل كل شي بس بحدود ماعدا الحلويات والسكريات ,,, وعندي جهاز للفحص دايما أفحص ساعات يكون مرتفع نسبه بسيطه بس والحمدلله مستمره على هالحال,,, الله ييسر ولادتنا يارب ويرزقنا الطفل المعافى السليم,,

الموضوع: سكر الحمل ..؟؟

أدوات الموضوع

عرض

سكر الحمل ..؟؟

المزيد من آخر المواضيع من نفس القسم:

المواضيع المتشابهه

سكر الحمل - علاج سكر الحمل - معدل سكر الحمل - معلومات سكر الحمل

طريقة لمعرفة هل أنت حامل أو لا. جربيها قبل الحمل وبعد الحمل لتأكد من صحتها

كيف تهتمين بنفسج خلال الحمل و بعد الحمل و كيف تخلين بطنج لاصق بظهرج في%%% صور%%%

اكتشاف الحمل قبل موعد الدوره بيوم من خلال جهاز الحمل المنزلي