انا ظالمه امي؟

**نبضي استغفاري** · 2009-10-06, 23:04

بقولكم كل شي وبعتبركم خواتي اللي مايابتهم امي

خواتي امي وابوي تزوجو زواج تقليدي بس للاسف محد منهم قدر يتقبل الثاني وهالشي سبب لهم

مشاكل واااااااااااااااااااااااااااااايده منها ضرب ابوي لامي واهانتها والاساءه لها جدام الكل ابوي

ماكان يحترم امي جدام يدتي ولا جدام اي حد وامي تقول غيور بس انا اسميه مرض شك عنده مايحب

انها تطلع ولاحد يزورها واذا امي استئذنت منه قال لها كيفج واذا طلعت تم معصب ويفتعل المشاكل

صحيح امي ماتحب ابوي بس كانت تحاول ترضيه باي طريقه بس مايرضى كانت اذا مرض تهتم فيه

وتحاتيه وهي لو مرضت مايسال عنها الا اذا حالتها زادت كان عادي يضربها جدامنا بعصا بفيش

الكهربا بالشبشب عزكم الله لين اشتكت عليه في الشرطه وكتبوه تعهد ان ماتعرض لها بنات انا بنت

بعدي 4 اولاد وكنت اكثر من تاثر بالسالفه هذي امي فديتها ماقصرت صبرت وصبرت والسبب الاكبر

هو انا مايعطيها مصروف مايمشيها حتى حقها في العيال منها واكتفى فينا ابوي الحمدلله يشتغل

ومعاشه اوكي صح نحن مانعرف حتى امي مايخبرها كم معاشه وشو له وشوعليه وصبرت فنشوه من

دوامه واخذ حقوقه وطلبت بيزات عشان ذهب مارضى والحين هالفتره صار افضع من قبل صار مايمر

اسبوع الا ومسوي مشكله مع امي بس عشان ماتطلب منه بيزات واذا عطاها مثلا يعطيها 300 مع

مصروف البيت بالله ها كلام نحن عياله لا مصروف لا ثياب لا حتى اغراض مطبخ وكل مره نساله

ماعندي ماعندي بس عنده لشربه(الخمر)(ومايصلي) عنده لمفاخر بين ربعه حتى لما ييونا ناس البيت

مايهتم لوجودهم ويصارخ ويضارب ويفشل امي

لو اتكلم والله مااخلص اشياء واشياء تجرح وتفشل مااروم اتكلم اكثر

الحين امي تقولي امي طفح الكيل تعبت مااروم اتحمل اكثر من جذه انا بسير بسافر بسير عند اخواني

وبطلب الطلاق وبشوف اللي يقدرني وايب عيال انتو كبرتو ماتحتاجوني تقدرون اتدبرون عمركم

تتوقعون بقدر اعيش فهالجو بروحي بدون ام؟تتوقعون بقدر اتحمل مسؤوليه مع ابو تقريبا مايعرف شي عنا؟
تتوقعون في ان امي انانيه ماتحبنا (تييني وايد هالفكره بس من اذكر دموعها اقول من حقها تعيش بس

انا وين اروح)

(نحن مانروم نروح مع امي لان لمحنا لابوي الموضوع قال ماشي روحه والجوازات عنده عدا جواز امي)

المزيد من آخر المواضيع من نفس القسم:

**قـرمـوشه** · 2009-10-06, 23:14

الله يعينج فديتج

امج استحملت وصبرت وكل انسان له طاقة

امج صبرت وايد ع ظلم ابوج وتعذيبه النفسي والجسدي لها

ما اعرف شو اقول لج غير ان الله يصبركم

واذا امكم بتسافر سيروا معاها لااتمون هني رواحكم
ابوج --الله يهدي- مب في وعيه وما تعرفين شو بيسوي اذا سافرت امج

عادي يطلع حرته فيكم

الله يصبركم

وخليج اسم ع مسمى واستغفري وربي بيفرجها

**نبضي استغفاري** · 2009-10-06, 23:40

ربي كريم اختي دعواتج

**عروس العيم** · 2009-10-06, 23:50

الله يعينكم فديتج
فعلا االانسان طاقة وتحمل وامج تحملت بما فيه الكفاية لكن مادري والله حبوبة شنو اقولج
بس كل اللي بقوله ان مافي بيت ما يخلا من المشاكل
ادعي ربج ع قد ماتقدرين

**الهوى دانة** · 2009-10-06, 23:57

اختي الله يعينكم وييسر لكم اموركم يارب .. حبووبه قومي قيام الليل وداومي ع الاستغفار وصدقيني بتشوفين

كل اللي يرضيــج .. وادعي ان الله يهدي ابووج ويسخره لكم .. وعسى الله يرزقج بالزوج الصـــالح وتتغير حياتج

للأفضل بأذن الله .. بــس اتأكدي ان رب العالمين مايبتلي الانسان الا لانه يحــبه ويبي يختبر صــبره وانتي خــلي ثـقتج

بــرب العالمين كــبيره ومابيــصير الا اللي تبينه ان شاءالله ^_^

الدلوعة* · 2009-10-07, 00:16

الله يعينج >>>

**bnan** · 2009-10-07, 00:34

الله يعينكم يااختي ويحنن قلب أبوج عليكم

عليكم بالاستغفار في الاسحار وراح تتيسر الاموزر بأذن الواحد الاحد

والدعاااااااااااااااااااء ثم الدعاااااااااااء ثم الدعاااااااء

والله يفرج همكم ان شاء الله ~

**x.maitha.x** · 2009-10-07, 00:50

فديتهااااااااااااااااااااااا امج والله

لاتلومينها يوم اتقول بسير عنكم لانها وايد صبرت

**نبضي استغفاري** · 2009-10-07, 01:09

الله يستر اخواتي

**حزينة المساء** · 2009-10-07, 01:13

الله يكون في عونكم

**ورد جـوري** · 2009-10-07, 01:13

الله يسهل امورج اختي و يهدي ابوج
مالج الا الدعاء

**بنوته ذووق** · 2009-10-07, 01:20

حبيبتي حاولي تصبرين امج اكثر دام انها عايشه وياه عشره عمر واذا شفتوا الموضوع على نفس الحال دخلو حد من اهل ابوج ومن اهل امج على شان يحاولوون يحلوون هالخلافات بينكم .. حبيبتي قلبي وياااج والله يصبرج ويفرج همج عاجلا غير آجلاً..

**بنوته18** · 2009-10-07, 01:27

فدييييييييييييييييييييييييتج يااااااااااااااااانبوووووووووووووووضه
الله يهدى ابوووج يااااااااااااااااااااارب ويحنن قلبه ان شاء الله ويعيييييييييييييييين امج يارب

**GMS** · 2009-10-07, 01:34

ربي يفرج همج وايسر اموركم ويهدي امج وابوج وايلن قلبهم ع بعض

**BabY_Sol3eiah** · 2009-10-07, 02:07

فديييييييييت رووووووووحج والله

فديتج احس امج ما تقصد شي يوم قالت انها بتسااافر

تعرفين الانسان يوم يعصب او يتضااايق يقول اي شي

لا تحطين شي في خاطرج يا الغاليه و ربي يهدي ابوج

انزين ليش الوالده الله يحفظها ما تسير المحكمه (قسم التوجيه الاسري)

خليها تقول لهم مشكلتها و هم بيتصرفون بيستدعون ابوج و بيرمسونه

و اذا عاند و ركب راسه احس عادي ياخذون جوازاتكم منه و يخيرونكم بين العيشه معاه او مع امج

او بيجبرونه بمصروف شهري لكم

صدقيني والله انا اعرف البنات اللي في قسم التوجيه الاسري والله حبوبات و متفهمات وااااااااايد

و كل شي يستوي هناك يتم سر و محد يدري عنه

و ربي يهدي ابوج

و امج لا تلومينها اكيد قالت هالرمسه في لحظه غضب و ضيقه و اللي شافته مب شوي

الله يجزيها خير على صبرها

الموضوع: انا ظالمه امي؟

أدوات الموضوع

عرض

انا ظالمه امي؟

المزيد من آخر المواضيع من نفس القسم:

المواضيع المتشابهه

ظالمه او مظلومه؟؟؟

اتقي الله في نفسك يا ظالمه

معلمه في الأيتدائيه ظالمه

معلمه في الأيتدائيه ظالمه