بنتــــي ما تقول ماما ولا بابا مع ان عمرها فديتها سنه وشهرين ،،،

**هنودة1985** · 2009-10-06, 17:19

السلام عليييكم ورحمة الله وبركاته

بغيت أسألكم ،،، بنتي فديتها لا تزاقرني لا ماما ولا تزاقر ابوها بس يوم اتصييييييح اتقول ماما أول بابا

يعني يوم تباني اشلها أو العب وياها موووول ما تزاقرني ،،، مع ان فديتها يعني عااادي ترمس رمسة

يهال يعني خراااابيط مب ساكته يعني ،،، ودووووم أقولها ماما ماما بس ما تزقرني هههههه

شو أسوي وياها

المزيد من آخر المواضيع من نفس القسم:

**dandan** · 2009-10-06, 17:41

افحصي اذنها

**شلال محبة** · 2009-10-06, 18:28

الغالية خذيها عند دكتور ارشيد

هو شاطر وبطمنج ان شاءالله

**هنودة1985** · 2009-10-06, 21:13

لا خواتي هي سمعها الحمدلله ما فيه شي بس ما عرف ليش ما تزقرنا

**●●ندى الروح●●** · 2009-10-06, 22:05

ولد اختي جي

بس يقول كلمة هيه

بس اختي تقول ها شي طبيعي

لان البيبي يتعود شوي شوي

انا بنت اخوي ما كانت ترمس مووووول بس يوم تصيح تقول بابا بس تعرف كلمة بابا

وبعدها تمت تتعلم شوي شوي

**um sheikha** · 2009-10-06, 22:45

عزيزتي
بنتي لين عمرها سنتين ونص ما تزقرني إلا بأسمي وأسم أبوها
وتعرفنا أنى أمها وأبوها بس سبحان الله ما تزقرنا .. لين دخلناها الحضانه بعمر سنتين ونص وكلمت المدرسه
وقلتلها أنها ما تنادينا غير بأسامينا .. عاد الضحكه يوم المدرسه الأجنبيه قالتلها بأنها تنادينا بـــ مامي ودادي
ويوم سمعها أبوها تناديه داااادي تم يضحك قال بغينها طرب صارت نشب .. ياشين البدو يوم يقولون داااادي ,,وأبوها يقولها أنا هب دادي أنا أبوج وتحملي تقولين جدام يدج دادي .
بعد فتره قصيره قامت تناديني ماماتي وقامت تنادي أبوها حبوبي .. وتمت لفتره سنتين بعدها تناديه حبوبي هب باباتي .

**يابس رقيص** · 2009-10-07, 00:03

فديت بنتج يا ام شيخه حبيتها فديتها بوسيلي اياها

**um sheikha** · 2009-10-07, 10:00

المشاركة الأصلية كتبت بواسطة يابس رقيص

فديت بنتج يا ام شيخه حبيتها فديتها بوسيلي اياها

حبج العافيه عزيزتي .. بنوتي عمرها 11سنه العمر الطويل لبنوتج ويوم أقولها ما تصدق وأنا مصورتنها بالفيديو بكل مراحل عمرها السنيه ويوم تشوف عمرها أتم تضحك وتقولي معقوله أنا كنت جذيه .

**هنودة1985** · 2009-10-07, 14:57

مشكورين خواتي للي ردوا عليييييييه

**أم البنوته** · 2009-10-07, 17:10

أنا بنتي عمرها سنه وشهرين تقول ماما بابا بس ما تعرف منو ماما ومنو بابا بالضبط
وحافظه اسم الخدامه اللي ما تيودها أبدا لأن اسمها سهل ويوم أسكر الباب تزقرني تاتا على اسم الخدامه تاتي
ما أحس الكلام عندها يتطور بسرعه , كل ياهل عن ياهل يفرق بس خيرتهم بيرمسون

**أم توتة** · 2009-10-07, 19:40

بنتي أنا عاد .. غير شكل !!

من كملت سنة وشوي ,, قامت تزقرني باسمي !!

وعقب كملت سنة .. البشكارة كانت تقول لها لا تقولين _ (... اسمي انا ..) وقولي ماما ,,

الحين تقول ماما .. ومرات لا ,, تزقرني باسمي لا واتدلعه بعد ..

اما ابوها .. تزقره بابا ,, وتزقره باسمه واكثر شي تزقره حبيبي !!!

**هنودة1985** · 2009-10-07, 22:19

مشكورين وربي يحفظ نونواتكم

الموضوع: بنتــــي ما تقول ماما ولا بابا مع ان عمرها فديتها سنه وشهرين ،،،

أدوات الموضوع

عرض

بنتــــي ما تقول ماما ولا بابا مع ان عمرها فديتها سنه وشهرين ،،،

المزيد من آخر المواضيع من نفس القسم:

المواضيع المتشابهه

ماما&بابا

بنتــــي فديتها بتكمل السنه الأسبوع الياي ،،، عندي استفسار بخصوص الحليب

متــــى أقدر أتقب بنتــــي ... يوم كم بيكون عمرها ؟؟؟

بنحب ماما ... ولا بابا؟؟

شو اعطي بنتي تاكل ؟؟ ( عمرها سنة وشهرين)