حيرتوني صراحه .!!

**شهد1** · 2009-10-06, 12:56

الله المستعان
وانتي ليش اتصدقينهم
خليج ف عمرج احسلج

**حرمه يديده** · 2009-10-06, 13:23

المشاركة الأصلية كتبت بواسطة أم المر

لا تخلين الكلام يأثر عليج انتي تقدرين اتحافظين على بيتج لا تخلين الشيطان والوسواس يلعبج والله يسعدكم ويا بعض

**الم امرآه** · 2009-10-06, 17:23

والله اختى حركات الريايل هيه الى تخلي الواحد يعيش في دوامة الشك يعنى انا مثلا ريلي اول مره هو من نفسه يقول لي رقدي بيت اهلج استغربت منه
وكان قبل طول الوقت يالس في البيت ما يطلع والحين يوم بدا يظهر قلت اكيد السالفه فيها بنت
الله يعينا على الريايل

**أم ود!د** · 2009-10-06, 17:35

المشاركة الأصلية كتبت بواسطة the duchess

هيييه والله ما تعرفيلهم

لكن بعد ساعات الريال ما تعرفيله وما تظمنينه

**زوجة عبودي** · 2009-10-06, 21:22

اعوذ بالله من الشيطان الرجيم

استغفر الله العلي العظيم

الدلوعة* · 2009-10-06, 21:26

الله يستر.....

**نـادره** · 2009-10-06, 21:38

حبيبتي الكلام كله صح ..

لانه الرياييل انواع

ويمشون على حسب الدرسه الغربي والشمالي شي جي ..

يعني كله صح

يوم يخون يحن لحرمته وينابه ظمير .. يوم يخن يمل حرمته

***مهايه*** · 2009-10-07, 11:02

حبيبتي

انتي مع االعشره بتعرفين طبع ريلج ..
ان تغير علشانج ,, او لانهـ مخبي شي عنج ..

كل ها انتي وشطارتج ,,
يمكن انتي باهتمامج لفتي انتباههـ وحسستيهـ بتقصيرهـ وصار يهتم فيج زود.

لاتاخذين ع كلام الناس ,, تجربهـ عن تجربهـ تختلف ,,
وتفرق شخص عن شخص ..

واللهـ يحفظلج بيتج ويسخر لج ريلج ^^

**أم عزه** · 2009-10-07, 11:53

أنا في رايي أن كل وحده أدرى بشخصية زوجها .. ومب كل الرياييل سوا.. أنا يتني فتره داومت على قراءه المشاكل الزوجيه في المنتدى وخارج المنتدى والله صابني وسواس واستويت كله مكتأبه وشكاكه ..

**كابتشيتووو** · 2009-10-07, 12:47

انا سمعت هالكلام فبرنامج الدكتوره فوزيه الدريع ..

انه بعض الريايل يوم يخونون يدلعون ويهتمون وايد فحريمهم عسب ماتحس عليه انه يخونها وفنفس الوقت ضميره يأنبه ...

وهذا ع حسب طبع ريلج وشخصيته حبوبه ..

انتي ماعليج من رمسة الدكاتره ورمسة البنات .. انتي الادرى بطبع ريلج ..

**أم سيفان** · 2009-10-07, 16:39

هالنظرية صحيحة

بس الوحدة ماتعمم ولكن هي ادرى بريلها وماضيه وحركاته..الخ

**الم امرآه** · 2009-10-07, 17:57

المشاركة الأصلية كتبت بواسطة مسألة وقت

أنا بقولج هذي نظريه صحيحه بس مب كل الحالات يعني مب كل الرياييل نفس الشي في رياييل اذا خانوا حريمهم يعوضونهم بالكلام والهدايا بسسسسسسسسسسسس في حالة اذا كانوا يحبون حريمهم بصدق وشي رياييل يوم يخونون مايسوون سالفه حق حريمهم مافي حب ومعزه أصلا بس هذي مب قاعده على كل الريا ييل ماأييج ريلج يدلعج خلاص تشكين فيه كل وحده تعرف ريلها وشلون تفكيره بس جد أنا مقتنعه في هاي النظريه لأنه قبل كنت أسمعه ماأصدق كنت أقول خرابيط بعد ماصارلي موقف خفيف لايروح تفكيركم بعيد تأكدت بصدق هالكلام
الله يسلمكم أنا و ريلي نحب بعض أحبه واحترمه وكل اللي في بالكم وهونفس الشي الله يحفظه حقي وحق أهله ألحين بنكمل ست سنوات متزوجين الحمدلله وهو عادي مش مطوع لكن ملتزم في صلاته ودينه ومش مال بنات من قبل مايعرس حتى خواته يخبروني أنه هو أخو الثاني غير عن باجي أخوانهم المهم مره كناسايريين المول وتعرفون البنات كيف هالأيام بعضهم طبعا الشعر والميكب واللبس يلفتون انتباهنا فما بالكم بالرياييل ومرت وحده صوبنا أحس ريلي لمحها بطرف عينه على السرييع حسيت بالغيره في داخلي وبعدين مشينا وجيي وبعد مرت بنيه غاويه وأحس لمحها وبعد انتبه لها هني بوزت عادمع أنه هو مب جي بس ماأقول الا العيب مب منه من هالبنات استغفرالله وهويسألني فييج شي قلتله لا مافيني ومرينا صوب محل سمره للمجوهرات قالي فديتج خذي هالبيزات وخذيلج شي من عندهم من فتره مب ماخذه شي قلتله مابي حسيت أنه حاس بتأنييب الضمييرخخخخخخ أنه هوشافهم وانتبه ويبا يعوضني هني حسيت بهالكلام أنه صدق بس مب في كل الحالات ميروح بالكم بعيد كل ماهدالج ريلج هديه خلاص تشكين فيه

الله يهنيج بريلج واحمدى الله واشكريه يا حسره على الى عندى عمره ما يفكر انه يسوي نفس الى ريلج سواه لج

**queen الشوامس** · 2009-10-07, 18:05

هههه صدق الحريم ماينعرفلهم حبوبة

بالعكس يعني مدام الريل مهتم فيج اهتمي فيه ولاتشكين ابد بريلج والكلام السلبي اللي ينكتب من العضوات دخلي من هالأذن وطلعيه من الإذن الثانية

**أسيرة حبه** · 2009-10-07, 18:24

المشكلة الوحيدة فرمسة الحريم ان كل وحدة يوم تي تنصح تتكلم بناء على تجربتها ولا تجربة حد تعرفه .. سواء فالزين ولا الشين .. يعني نفس الشي بتلاقين حريم ينصحونج ويقولوج اذا تبين تكسبين الريال عن تجرررربه سوي جيه وجيه .. اذا من تجربتها ريلها تقبل واستانس في رياييل شخصياتهم العكس وممكن ما يتقبلون مول ..

عشان جيه الواحد ما يعمم .. اذا الوحدة صارلها موقف ويا ريلها هذا مب معناته انها تقول كل الرياييل فيهم وفيهم وفيهم .. اذا هي تعقدت كيفها بس حرام تعقد بباجي الحريم ^^

انا على كثر ما اقرا مشاكل الرياييل والحريم بس ما فكرت اطبق الي اقراه على ريلي ..

انا اشوف بدال ما نتعب اعصابنا بالشكوك خلنا نتعلم نفهم ازواجنا وشخصياتهم وعلى اساسها نقدر بكل ثقة نحكم على تصرفاتهم .. بدون ما نشك فكل كلمه ولا نظرة ولا تصرف يسوونه ..

**خيوط الزعفران** · 2009-10-07, 18:29

ما في قاعدة عامة

كل ريال يختلف عن الثاني

الموضوع: حيرتوني صراحه .!!

أدوات الموضوع

عرض

المواضيع المتشابهه

حيرتوني؟؟ شو الأفضل الظفره والا الاتحاد؟؟

حيرتوني فامكياج يا بناات

الخيااااااااطة ....منو أصدق ..حيرتوني بنات

والله حيرتوني ودار راسي منو الاحسن ريحوني