المواطنة والوافدة

**طبعي زايد** · 2009-10-05, 17:50

بليز ابغي وحده اترد علي وتفهمني ليش المواطن يوم يتزوج المواطنة ايكون تعامله وياها غير ويوم يتزوج الوافده ايكون مثل التيس معاكم معاكم عليكم عليكم ليش ها الكلام انا ما يبته من عقلي هذا من الواقع اللي اشوفه من ربيعاتي ومن خواتي ومن الجيران ومن اللي حوالي الصراح اا اتعقدت وما عندي ثقة بأي ريااال ما ابغي وحده تتفلسف واتقول لا الرياييل ما شاء الله عليهم قمة من الوفاء والاخلاص ممكن وحده اتفهمني السبب الغلط فينا احنا المواطنات عسب طيبات وينقص علينا او طبيعة البيئة اللي اتربينا فيها او شو موب عااارفة الدنيا صاكة فيني من الاشياء اللي اشوفها واسمعها عيل توها حميتي اتخبرني ان ريلها اللي متزوجنها من 15 سنة قالها انتي الطالعة من البيت والثانية هي الكل بالكل هل يعقل هذا الكلام الله ينتقم من كل ريال ما يخاف ربه فحرمته الرجاء اللي عندها رد ايغث لا ترد

المزيد من آخر المواضيع من نفس القسم:

**اليافعيه** · 2009-10-05, 17:55

انسي الموضوع ما بتستفيدين شي
انا تميت جيه اكل عمري واسمع الي حولي واقرا قصص الحريم الين ما مرضت نفسيا والحين اتعالج بالادويه والله
صدقيني كل انسان الله كاتبله حظه في الدنيا واهم شي الوحده تكون شخصيتها قويه
انا اهلي كلهم ولا واحد عرس على حرمته لا من خوالي ولا اعمامي ولا ابوي فديته بس كنت اقولهم كل الرياييل خونه وكلهم مامنهم امان
وريلي كنت اراقبه فكل شي وكل يوم ضرابه مع انه انسان بيتوتي ومن الشغل للبيت بس من الي كنت اقراه والوسواس كان يذبحني وما استفدت شي
ع العموم الريال الي تهون عليه العشره هاذا ما يستاهل الاحترام ولا له بالرجوله اي علاقه
والله يعينا احنا الحريم دوم مظلومات

**راعية_دبي** · 2009-10-05, 18:05

عندهم اسلوب تتمسكن لحد ما تتمكن .......بس نحن ما انعرف انجامل ولانجاري ........على طبيعتنا...دفشات نوعا ما

**انا دلوعه انا** · 2009-10-05, 18:10

لانهم دفشات وملسونات هههههه

لاتزعلون السموحه

**ميميتا** · 2009-10-05, 18:30

بصراحه ماعرف شو اقول بالضبط لان اللاسباب واايد انا بقول اللي اشوفه

الوافده مع احترامي للمواطنه عندها سلاح الدلع والدلال
المواطنه وايد تاخذ اللامور بجديه

الوافده واثقه من نفسها حتا لو كانت خسفه والريال يحب اللي تكون واثقه من عمرها

الوافده دوم اطنش وماعندها غيره ابدا حتا لو ريلها رمس غيرها اتم يالستله فالبيت وماتطلع لين يموت الريال
المواطنه علا كل شي اتعصب واتشك وتربع بيت اهلها وكل مشاكلها يعرفونها
المواطنه من اتيب اول ياهل تهمل عمرها واتم لاهيه باليهال وتهمل الزوج
وبعد طيبه واايد ويعرف يقردنها الزوج مو شرات الوافده اتم زعلانه لين ايبلها رضوتها
والوافدين عندهم اسلوب التقردين تعرف اتسايس امووورها
ممكن اتسمونه خبث ولا مكر لين توصل للي تبيه ودومها تتبزا
ودوم تكشخ وتتعدل ومحافضه علا جسمها

اعرف ان وااايدين بيزعلون من كلامي بس والله انا اقول البعض مو الكل ومن تجربه اللي حولي قيمت هالشي

فالسموووحه منكم لاتزعلوون بس خلنا واقعيين اكثر اذا تبون حل

**بشوورة** · 2009-10-05, 18:32

أستغفر الله العلي العظيم

**BabY_Sol3eiah** · 2009-10-05, 18:36

على حسب شخصية الزوج حبيبتي

مب كل واحد تزوج وافده عااش معاها متهني و مخلتنه خاتم في صبعها

و لا كل واحد تزوج مواطنه عااايش معاها في نكد

فديتج على حسب الريال في رياييل حتى ما يملي عينهم التراب

و في رياييل ما شاء الله عليهم قنوعين و راضين باللي عندهم

و يمكن اللي يشد الريال للوافده انها خجوله وقت اللزوم و جريئه وقت اللزوم و معظمهم (قنوعات) و (وأغلبهم) كلامهم عسل

بس ( معظم ) المواطنات يستحن من رياييلهم حتى لو بينهم عشرة سنييييييييين و (مب قنوعات ابدا الا من رحم ربي)
(و كلامهم سم)

و انا ما اقصد الكل والله

وكل واحد فيه الزين و فيه الشين

**نور حياتي** · 2009-10-05, 18:40

في وافدات ما شاء الله عليهم عندهم اسلوب حلووو مب بس مع زوجها حتى مع عيالها تحبهم و تحترمهم

اما المواطنة ما تسمعين منها غير الحنة و الرنة وما تعرف تجامل وكله تطلب ابغي ابغي ما تختار الوقت المناسب مثلا الريال الحين تعبان و راد من دوامة تحن ع راسه و تقول له ابغي تشتري لي و ابغي و ابغي وابغي

بصراحة انا عندي ربيعاتي وافدات كانوا معاي ف الجامعة ما شاء الله عليهم ذوووق و ادب و اخلاق وكل وحدة منهم تزوجت بوافد تعالوا شوفوا كيف اسلوبهم حلووو مع الكل حتى معانا نحن المواطنات كل دقيقة تقول تأبريني والله استانس منهم

وما شاء الله محافطات ع جسمهم دوووم رياضة وحتى منهم محافظات ع دينهم

الوافدة تيلس ف بيت ريلها لو تضاربت وياه ما تطلع مكانها بيتها

اما المواطنة بس زخت ريلها ع شي قامت و هدت له البيت

الوافدة ذكية تعرف تستخدم عقلها اما المواطنة تستخدم عواطفها

الوافدة خجوووولة و جرئية ف نفس الوقت اما المواطنة فيها شوية دافشة ومرات تسوي عمرها ناعمة ما ادري كيف

شوفوا الوافدة ادرس عيالها وما تلقون عندها بشكارة هي اللي تطبخ وهي راعية البيت و المواطنة عيالها عند الخدامة وهي حضرتها رايحة العرس ولا رايحة تسوي لها بدكير ف الصالون

طبعا ما اعمم الرمسة ع الكل بس هذا اللي اشوفه
ومن قهري كتبت كل ها الكلام لان دوم الحريم يسألون ليش ليش ريلي تزوج بوافدة و اخر شي هذا هووو الجواب ؟؟؟

**Nsayem37173** · 2009-10-05, 18:42

المشاركة الأصلية كتبت بواسطة ميميتا

بصراحه ماعرف شو اقول بالضبط لان اللاسباب واايد انا بقول اللي اشوفه

الوافده مع احترامي للمواطنه عندها سلاح الدلع والدلال
المواطنه وايد تاخذ اللامور بجديه

الوافده واثقه من نفسها حتا لو كانت خسفه والريال يحب اللي تكون واثقه من عمرها

الوافده دوم اطنش وماعندها غيره ابدا حتا لو ريلها رمس غيرها اتم يالستله فالبيت وماتطلع لين يموت الريال
المواطنه علا كل شي اتعصب واتشك وتربع بيت اهلها وكل مشاكلها يعرفونها
المواطنه من اتيب اول ياهل تهمل عمرها واتم لاهيه باليهال وتهمل الزوج
وبعد طيبه واايد ويعرف يقردنها الزوج مو شرات الوافده اتم زعلانه لين ايبلها رضوتها
والوافدين عندهم اسلوب التقردين تعرف اتسايس امووورها
ممكن اتسمونه خبث ولا مكر لين توصل للي تبيه ودومها تتبزا
ودوم تكشخ وتتعدل ومحافضه علا جسمها

اعرف ان وااايدين بيزعلون من كلامي بس والله انا اقول البعض مو الكل ومن تجربه اللي حولي قيمت هالشي

فالسموووحه منكم لاتزعلوون بس خلنا واقعيين اكثر اذا تبون حل

ابدعتي بصراحة ،، بارك الله فيج

**اليافعيه** · 2009-10-05, 18:43

معرف بس احس الموضوع ما يخصه مواطنه ووافده
كل وحده وشخصيتها

**بهلولة** · 2009-10-05, 18:48

جارت امي سورية
وهالكلام من عشرين سنة واكثر
قالتلها انتوا وايد عصبيات
ولاززززم اموركم كلها تاخذونها بالصراخ والعصبية
قالتلها يا حياتي خليج هادية
وخذي كل اللي تبينه من الريال
لكن بهدوووووووووووووووء
وهذا الصح
والله برافو عليهم

**alyazih** · 2009-10-05, 18:52

أنا أحس لأن تربيتنا غير عن تربيتهم

وهذا يلعب دور كبير في الموضوع

**يَمّ** · 2009-10-05, 18:54

أول شي أقول لج إن الرسول عليه الصلاة و السلام قال : ( دعوها فإنها منتنة ) و قصد بذلك العنصرية المقيتة..

جاء في البخاري أن

رجلان من المهاجرين والأنصار تشاجرا
فَقَالَ الأَنْصَارِىُّيَا لَلأَنْصَارِ. وَقَالَ الْمُهَاجِرِىُّيَا لَلْمُهَاجِرِينَ
فَسَمِعَ ذَاكَ رَسُولُ اللَّه صلى الله عليه وسلم فَقَالَ
مَابَالُ دَعْوَى جَاهِلِيَّةٍ
قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ .
فَقَالَ
دَعُوهَا فَإِنَّهَا مُنْتِنَةٌ
فذكر النسب أو الوطن
على سبيل الإفتخار والتكبر على الآخر
من دعاوى الجاهلية التي أبطلها الإسلام

قال رسول الله صلى الله عليه وسلم
لا فضل لعربي على أعجمي ولا لعجمي على عربي
ولا أبيض على أسود ولا أسود على أبيض
إلا بالتقوى الناس من آدم وآدم من تراب

وقال الله تعالى
إِنَّ أَكْرَمَكُمْ عِندَ اللَّهِ أَتْقَاكُمْ
( الحجرات : 13 )
فالأكثر تقوى هو الأكرم عند الله ولو كان عبدا حبشيا
والأنساب لا تغني شيء عن العبد

و الفتنة نائمة لعن الله من أيقظها !

☆ ★☆

**سحر الخزرجي** · 2009-10-05, 18:54

لا الغاليه موب شرط حتي احنا عندنا بالعراق نفس الشي من ياخذ بنت بلده يبهذلها و من ياخذ الغريبه يحترمها اخر احترام طبيعه بالبشر محد يحب بنت بلاده يحبون الغربه

***الماسة*** · 2009-10-05, 19:00

ايش دعوه خليتوا الامراتيات كلهم دفشات وغير خجولات ؟؟؟
بالغتوا الصراحه اصلا معروف عن الخليجيات (الخجل الحياء عكس الغير ) و ايضا الانوثه جسم ماشاء الله والنعومه والدلع والدين والمحافظه ولسان حلو وكل همها زوجها وعيالها
اللي الاحظه الخليجيين اللي متزوجين اجنبيات اغلبهن غير جميلات لكن قويات مسيطرات سليطات اللسان كلمتها هي اللي تمشي وماهم خجولات بل العكس
ولعلمكم في بعض اجنبيات اقصد الغير عربيات خاصه الاسيويات في اشياء يعطونه للرجال الشواذ اللي مايخافون الله الخليجيات مايسوونها لانه حرام وماقدر اقوله
انا مو اماراتيه بس خليجيه 100%

المهم بعض الرجال يحبون اللي شخصيتها قويه سواءا كانوا مواطنات ولا اجنبيات
والبعض لا يحبها العكس ضعيفه وتحسسه انه هو القوي الرجال

الموضوع: المواطنة والوافدة

أدوات الموضوع

عرض

المواطنة والوافدة

المزيد من آخر المواضيع من نفس القسم:

موضوع تافه جداً ..

المواضيع المتشابهه

مكياج المواطنة ميثاء

تجارة المواطنة

مكياج ليالي المواطنة و له شمس؟؟؟؟؟؟؟

المواطنة والاجنبية