كيف نتخلص منه؟؟؟؟؟

**يكة** · 2009-10-04, 15:05

السلام عليكم...
خواتي .... انا توني مربيه ... وطبعا هذا ثاني بيبي عندي .... بس بعد الولاده يصير شب لابد منه.... يحطمنا نفسيا .... ولازم نسوي شي عشان نتخلص من هالشي .. ألا وهو (((( أكتئاب بعد الولادة)))

شو الحل ؟؟؟ كيف نتخلص منه؟؟
افيدونا افادكم الله .... خاصه اني اعاني منه والله ...

المزيد من آخر المواضيع من نفس القسم:

**_BENT_UAE_** · 2009-10-04, 15:31

ياليتني اقدر افيدج انا صار معاي في ولادتي الاولى كان عمري 14 سنه وما احب امسك بنتي كله عند عمتي كنت انفر منها ولا جني ام بس مع الوقت رجع الوضع عادي

**أم زيودي** · 2009-10-04, 15:31

في هالفترة حاولي انج تلهين عمرج بالكريمات والماسكات والزيووووت ووالاشياااء الشعبية اللي منها اتردج عرووس وفي نفس الوقت تلهيج فما اتحسين بهالاكتئاب

ترومين تاخذيلج افلام وتشغلينهم طوول ما انتي راقدة بحجرتج لان معروووف ان الحرمة بهالفترة ما تتحرك وايد

خلي امج وخواتج يزورونج كل يوووم عسب يغيرون من نفسيتج

واذا يااتج الصيحة صيحي ولا تكتمينهاااا وعليج بتشغيل القرآن لانه وايد يهدي

والا يلسي على النت حطي الاب تووب حذالج ويوم اتشوفين عمرج مكتأبة دشي اشوووي

وربي ييسر امووورج ويفرحج بالبيبي

انا في نفاسي اكتئبت الصراحة وامي وخواتي كانوا مسافرات وخذوني معاهم وفعلا غيرت جو صح اني ما طلعت من الشقه اللي كنا مأجرينها بس نفسيتي ارتاحت وايد

**غلا بن شامس** · 2009-10-04, 15:36

استغفري ربج وادعيه...وشغلي القران واذا حسيتي تبين تصيحين صيحي بكل ما تقدرين
اتنفسي...دايم اوقفي فالهوا واتنفسي بشكل عمبببق
فكري بولدج انه يحتاجج وحطي في بالج انها فتره وبتمضي..شعور مؤقت ويروح
كلنا نمر بهالمرحله وتروح
الله يعيينج

**Hard2Ctrl** · 2009-10-04, 15:42

هالشي هرموني فا بيتلاشى ويا الوقت

اما عن الاشيا اللي تقدرين تسونها .. تشغلين عمرج و وقتج .. اتمين دور مداير قوم امج و هلج او الناس اللي ترتاحيلهم قولي حق ريلج يوقف وياج هالفتره عساس ما تضيجين زياده .. تودني فالحوض .. حطيلج زيوت ترخي الاعصاب مثل الافندر و تابعي مسلسل معين .. اقري كتب اشغلي عمرج و الخوات كفوا و وفوا

**فديت دبي** · 2009-10-04, 15:45

الغالية هالشي طبيعي ولازم يصير بس لازم تتعايشين وياه وتعدين هالمرحله

انا بصراحة يتني حالة اكتئاب وعصبية وعدم ثقة بالنفس من شكلي ومظهري وكنت منهارة بس امي ما قصرت وياي كانت تيلس وياي 24 ساعة واخواني فالبيت يدخلون عندي ويلاعبون ولدي كنت استانس والوالد الله يحفظه اييني ويلس وياي الصبح ويلاعب ولدي ويشلونه عني كنت ارتاح نفسياً

يعني اللي حواليج لازم يسوولج جو وكان ريلي ما يفارقني ايي ييلس عندي للساعة 1 من الليل ويروح كنت هاللحظة اكتئب بس يتصل بي واتذكر ايام ملجتنا هههههه استانس كنت احس فيها نتوله على بعض

وكان ريلي دوم يقول لي متى تطلعين من الاربعين حتى ما كملت الاربعين بس شهر يلست ههههه والحمدلله فترة وعدت

الحين اتذكرها اقول يالله ان شاء الله هالايام ترد في ولدي الثاني لانها كانت حلوة ونونو يديد وصياح ورضاعة كان الوقت يمر بسرعة اما الحين ما يمررررررررر وانا حامل

يالله حبوبه فكري بالجانب الايجابي الحلو وخلي الاشياء اللي تكسر خاطرج وتحسسج بالاكتئاب

شغلي نفسج بالتلفزيون والبيبي ويلسي عالنت وصوري ولدج لحظة بلحظة وطرشي صورة لاهلج وريلج

بتحسين ان الاكتئاب يخف

الموضوع: كيف نتخلص منه؟؟؟؟؟

أدوات الموضوع

عرض

العرض المتطور

كيف نتخلص منه؟؟؟؟؟

المزيد من آخر المواضيع من نفس القسم:

المواضيع المتشابهه

الكرش........................كيف نتخلص منه؟؟

كيف نتخلص من تعب السسسسسسسسسسفر

كيف نتخلص من الكبر

كيف نتخلص من مصاصة الياهل

عاده نبا نتخلص منها