انا محتاره....

**الثقلين** · 2009-10-03, 23:54

السلام عليكم و رحمة الله و بركاته

اخباركم اخواتي ان شاءالله الجميع بخير و سلامه

انا بحاجه لمشورتكم و رايكم لاني بجد محتاره من كثر حيرتي حاسه اني راح انصاب بأنفصام شخصيه

اخواتي انا مالجه و زواجي قريب اذا شاء الله... المشكله انا ما اريد اعمل حفلة زواج لاسباب معنويه... يعني ما عندي حد يفرح لي بجد غير امي الله يحفظها اما الباقين احسهم ينتظرون علي الزله و طبعا في تراكمات و مواقف كثيره من بعض الناس المقربين لي صرت ما اطيق اشوفهم

كلما افكر اني ما راح اعمل حفله احس بخوف... انا احب زوجي كثير و هو كمان لكن اخاف مستقبلا اندم لاني ما عملت حفله خاصه اني عندي بنات خاله في سني و هم على ابواب زواج اخاف من ربي يشاء و تجيهم قسمه طيبه بعون الله و احس بغيره منهم لاني ما عملت زيهم...انا الحمد لله طبعي مو غيور ولا حسود العياذ بالله لكن ابقى خايفه

حتى زوجي احتار معي و يقول الي يريحك خبريني فيه و انا تحت امرك و انا كل يوم في راي... مره اقول اعمل حفله بسيطه ... ارجع اقول لا ما يستاهلون مره اقول هي مره وحده ارجع اقول ما عندي حد يفرح لي

مو عارفه حل لهذي الحيره والله

في اخت ما عملت حفلة زواج!! ياريت تفيدني برأيها و اكون شاكره

المزيد من آخر المواضيع من نفس القسم:

**(ة إماراتيةة)** · 2009-10-04, 00:14

السلام عليكم ورحمة الله وبركاته

غريبه أختي

كل بنت تتريا هذا اليوم بفارق الصبر عشان تستانس وتشارك فرحتها ويا اصدقاها واهلها

الله يوفقج الغاليه

**الثقلين** · 2009-10-04, 00:17

هي فعلا غريبه و لانها غريبه انا محتاره اختي

تسلمين على المرور

**حزينة المساء** · 2009-10-04, 00:17

أفضل إنج اتسوين حفلة

***ام عبودي*** · 2009-10-04, 00:20

السلام عليكم اختي

مبروك مقدما ،،، و الله يسعدكم دنيا و اخره

شو السبب الاساسي في انج ما تبين تسوين حفله؟

رأي الناس و الخوف من كلامهم و شماتتهم ،، صح؟

اذا ما سويتوا حفله راح يتشمتون فيج اكثر ،، و راح يتكلمون عنج اكثر ،، و انتي اللي بتكونين خسرانه

من وجهة نظري ،، ماعليج من كلام ،،، سوي الحفله ،، افرحي ،، و خلي امج تفرح فيج ،،، نظرة الفرحه في عين امج و انتي عروس تسوى الدنيا ومافيها ،، فلا تحرمينها من هاللحظة

وايضا هذي ليلة العمر ،، لا تحرمين نفسج منها عشان كم شخص

و خلي ريلج يفرح اكثر ،، يمكن اهو ماله راي الحين لانه ما يبغي يضغط عليج ،، بس صدقيني لو كان القرار بايده اكيد بيسوي الحفله

توكلي على الله ،، و عيشي حياتج وماعليج من كلام الناس

ولا تنسين تعزمين عضوات المنتدى *_^

دمتي بود و سعادة

**Maryam22** · 2009-10-04, 12:43

سوي حفلة حبوبة حتى لو شي بسيط وبين اقرب الناس لج واللي يعزون عليج

لأن بعد مرور الوقت مب انه غيره لكن هذا حلم كل بنت بتتحسفين، لأن المشاكل مصيرها يوم وبتنتهي مهما طال الزمن او قصر.. وبتتحسفين انج خربتي فرحة احلى يوم بعمرج

نصيحتي لج سوي حفلة لو بسيطة ولا تحرمين امج فرحتها فيج هذي امنيه كل ام تشوف بنتها عروووس صدقييييني

**Candy Licious** · 2009-10-04, 00:27

الزواج بدون حفله لو حفله بسيطه مب شي
ماعليج منهم سوي حفله واستانسي لو مثل ماقلتي بس امج اللي بتفرح هاذي تسوى الدنيا ومافيها
الناس والناس والناس لين متى يعني !!!!!!!!!!
ماعليج منهم افرحي وانبسطي حرام هاذي فرصه ومره وحده في العمر وماتكرر مرتين !
اقتنعي وخليج قويه ولاتخلين مثل هاذي الامور تخرب عليج وعلى مستقبلج

@@ الله يكون فيعونج

**أميرة الحلوه** · 2009-10-04, 00:31

مبروك حبوبه

لله يكتب لج الخير ياااربي

مثل ما قلن البنات

سوي حفله وكل بنت تتنظره هاليوم بفارغ الصبر

وانا وحده منهم ترا بس انتظر اعرس بس عشان اسوي لي حفلات لوووووووووول

لله يوفقج ياااربي

اعزمينا نحن ماراح نقصر صح سيدات الامارات ^^

مبروك مره ثانيه

ادعي لي اتزوج بسرعه ^^

**نك نيم** · 2009-10-04, 00:56

فديتج الحفله بتسويلنها لج .. مب للناس ..

انتي بتفرحين في هاليوم ...

لاتحرمين عمرج من هالفرحه ... المفروض اتسوينها ..

الله يوفقج ان شاء الله

**MAHA21** · 2009-10-04, 00:58

حبوبة ما عليج من حد افرحي واستانسي وهو يوم بالعمر ما يتكرر

**UAE Joori** · 2009-10-04, 00:59

سوي حفلة و استانسي هي يوم و بتذكرينها طول عمرج..
الله يتمم عليج بالخير

**اذكروا الله** · 2009-10-04, 01:02

اختي انتي يوم بتعرسين

بتعرسين لنفسج لأن حفلة زواجج مب حفله لهم

**x REEM x** · 2009-10-04, 09:20

سبحان الله نفس تفكيري ،،، بس محد يأيدني فيه

الله المستعان

**مجروحة وأكابر** · 2009-10-04, 09:25

بالعكس سوي حفله واستانسي مب شرط الناس تفرح فرحة امج تكفي الدنيا وما فيها بج وبهذا اليوم السعيد والصور والذكريات في هاللحظة لا تعوض توكلي على الله وخليج واثقة من نفسج ولاتقولين ما يستاهلون مهما سوو يظلون اهلج حبيبتي واكيد بيفرحولج حتى لو شو ماكان

**قـرمـوشه** · 2009-10-04, 09:48

ما عليج من الناس

ليش تحرمين نفسج وامج وزوجج من هالفرحة ّّّّّّّّّّّّّّّّّّّّّّ!!!!!!11

رضا الناس غاية لاتدرك فديتج

الموضوع: انا محتاره....

أدوات الموضوع

عرض

العرض المتطور

انا محتاره....

المزيد من آخر المواضيع من نفس القسم:

المواضيع المتشابهه

محتاره

محتاره وين

محتاره

محتاره؟؟؟؟!!!!!!!!!!!!!!!!!!!!!!

محتاره