مستشفى صقر

**العفوره** · 2009-10-03, 01:10

مرحبا خواتي

بليييييز بغيت خبراتكم و خلفياتكم عن مستشفى صقر.. من خبره دكاتره و ممرضات و ولادتهم و خياطتهم و عنايتهم بعد الولاده بالام و البيبي و معاملتهم...

و ابغي اعرف من الدكاتره اللي يناوبون للتوليد؟؟
و اذا طلبت دكتوره معينه عادي و لا أنا وحظي
لا تبخلون علي .. لان مثل ما تشوفون ماتم شي ع ولادتي انشاءالله و ابا اقرر وين بربي و بغيت اعرف عنه اكثر..

المزيد من آخر المواضيع من نفس القسم:

**أغلى من عيوني** · 2009-10-03, 01:14

الغاليه ما ابي اخووووووفج.. لكن على حظظج .. اذا بيوون ممرضات اوكي ولالا

بس للأسف هالمستشفى عندناا في رااك معرووف انه مب شي؟!! وايد تلعووزواا..

ويكفي انه اختي تووفت عندهم بسبب غلطتهم الله يااخذهم..

الله يخلييج غيري المستشفى.. رووحي لأي مستشفى غير صقــر اضمن لج.. والف مبروووك والله يسهل عليج

ياارب.. ما بغيت اخووفج لكن رمستج بواقعيه ومن بااب تجررربه..

**نبض حبك** · 2009-10-03, 03:20

حبيبتي انا بعد انصحج تغيرين المستشفى

انا بولد ان شاء الله في راك هوسبتل حذال صقر

مع انه خالتي وعموتي والكل يقولي ربي في صقر

احسن لج مب مستشفى خصوصي ما يعرفون شي

يقولون رحنا كلنا ربينا في صقر ومحاضرة من أ لين ي

وقلت خلاااص بربي في صقر

بس من يومين كنت منومه عندهم

عشان بالليل تعبت وايد وقبله كان ينزل عندي ماي من تحت

سرت وسالتني الدكتورة المناوبة انتي وين فاتحة ملف الولادة

ما قلتلها في راك بس قلت انا اسير عند احلام ما راح اربي في صقر

عقب عصبت قالت ليش يايه عيل سيري عند احلام خليها تعالج

اي عيادة مفتوح بنص الليل حسبي الله عليها

وبعد محاولة من عموة كشفو علي من تحت وشفو نبض البيبي

ونوموني عندهم والصبح يت دكتورة ثانيه وهي كشفت علي من تحت بعد

كانت دفشةوالله عورني وايد اقولها الدكتورة امس شافت مافي شي

تقولي لا انا تشخيصي غير وهي غير...وبعدين الدكتورة يتني الدكتورة الثالثة والرابعه

وهم لحينهم ما عرفو شوفيني بس كانو يعطوني ابر عشان يكتمل رئة الياهل
وانا بدخل الثامن...كل دكتورة تقول شي اللي تقول ولادة مبكرة واللي تقول
الماي افرازات عادية واللي تقول مافيج شي...عيل ليش الابرة وهالخرابيط؟؟؟

وعقب ثالث يوم خليت ريلي يوقع ع مسؤليته وظهرت ورحت عيادة بارملا الهندية

قلتلها السالفه وشافت فالتلفزون وعقب قالت الماي اللي ينزل مب افرازات
عادية هذا ماي البيبي وعندج الماي شويه و وزن الياهل 1كيلو والمفروض يكون اكثر

ولازم ما تتحركين كله تشربين ماي واطيحين على ظهرج وتاكلين اكل وتاخذين حبوب حديد

والحمدلله سمعت كلامها وما ينزل ماي بس وايد اتعب خاصتن بالليل بس لازم اتحمل هانت

ولا انه يستوي شي فيني وفالبيبي...والحمدلله على كل حال

وهذا السالفه فديتج

والسموحة طولت عليج

**معصبة** · 2009-10-03, 03:30

في كل مكان الغاليه الزين والشين
انا ماانصح ف مستشفى معين لان حتى مستشفى صقر فيه النوعين
شي دكاترة زينات ويبارون المرضى وشي العكس
انتي احسن شي تسوينه تصلين الاستخاره وتشوفين وين الله رايدلج الخير

**العفوره** · 2009-10-03, 07:14

مشكورين خواتي
الله يجازيكم
خير

**الهدى1** · 2009-10-03, 07:36

والله يالغااااااااااالية على حسب أنا صراحة مبرية في صقر 4 مرات والحمد لله ارتحت ويااهم واااااااايد الدكااااتر مال التوليد ممتااااااازة خص دكتورة عاشة ودكتووورة وفاااااااااء وبعد الممرضات ممتازااااااااااات إذا عاملتيهم اوكي بيحطوووونج فوق رااااسهم

كذا حد نصحني أربي براك اليديد بس أنا الحمد لله مقتنعة وااااايد بصقر وأهلي وخواتي كلهم يربون هناك الحمد لله ولا وحدة اشتكت

ومثل ماقالولج الخوات لااااازم تصلين أستخاااارة واللي فيه الخير بيجدمة رب العاااالميييييييييييييييييين

**خيماويه 999** · 2009-10-03, 11:48

انا بعد مربيه مرتين فصقر
وياختي رب العالمين في كل مكان سواى في صقر ولا في غير صقر

وموفقه حبوووووووبه
واللهيسر علينا جميع

**كتكوته الامارات** · 2009-10-03, 14:58

انا ربيت ابصقر الحمدالله الدكتوره وممرضاااات ما شاء الله عليكم ما تركوني ابدا لين ولد بسلامه
حتى دكتوره عائشه كانت تمسح ظهر تقرا فيه وممرضات يردودنى لي دعوات لتسهيل الولاده
واخواتي كلهم ربو في المستشفى الحمدالله ولا وحده اشتكت

وان شاء الله يوم بولد بولد مستشفى صقر

**يمامة أيوب** · 2009-10-04, 00:04

المشاركة الأصلية كتبت بواسطة كتكوته الامارات

انا ربيت ابصقر الحمدالله الدكتوره وممرضاااات ما شاء الله عليكم ما تركوني ابدا لين ولد بسلامه
حتى دكتوره عائشه كانت تمسح ظهر تقرا فيه وممرضات يردودنى لي دعوات لتسهيل الولاده
واخواتي كلهم ربو في المستشفى الحمدالله ولا وحده اشتكت

وان شاء الله يوم بولد بولد مستشفى صقر

نفس الاخت

و انا مربيع شهر 3 وماشاء الله هم حتى ديكور الغرف امغيرنها

وانا كانت عندي دكتورة عاشة في البداية من النوع اللي يهدي و يقرا عليج و يذكرج بالادعية و

يطمنج

وحتى اللي يت عقبها وايد زينه وممرضات هاديات و الفلبينية كانت عندي وايد زينه احسن من

الهندية الثانية بس الهندية لانها كانت بار\ة بس زينه ... انا صراحة ارتحت لهم ...

وكل واحد و تجربته و الله يسهل عليج الغلا

**bnt al_shj** · 2009-10-03, 15:41

موفقه غلايــــــــــــــــــــــــــــــه
انا عن نفسي .. عقب اللي سمعته ..\ما افكر اني اربي ف صقر ..
ان شاء الله بربي ف راك اليديد وخصوصا عقب ما انتقلت انديرا من صقر ل راك

والله يسهل عليج يارب

**خوله الشحي** · 2009-10-03, 15:43

اختي انا بعد ناويه ان شاء الله اربي في صقر والي يصير لانسان اكيد رب العالمين كاتبه له وبصراحه انا مرتين ربيت في دبي مستشفى الوصل والله حسيت عادي اذا انتي تعاملج مب اوكي وتصارخين على الناس بيعاملونج نفس الشيء اما اذا انتي تعاملينهم اوكي وباحترام بتحصلين نفس المعامله واحسن اهتمام هذا راي وراي خالتي لانها مربيه ثلاث مرات في صقر وعند الدكتوره وفاء اتقول لج قمه في الطيبه والعنايه والسموحه بس حبيت افديج

**العفوره** · 2009-10-03, 17:37

الله يسهل علينا ان شاء الله

**مروهاج** · 2009-10-03, 19:22

انا الحمد لله ربيت هناك قيصريه والحمد لله كل شي اوكه

**فديتني اماراتية** · 2009-10-03, 21:43

انتي وحظج

**M!ss angle** · 2009-10-03, 23:21

ما انصحج ابمستشفى صقر

ف حملي الاول كنت تعبانه من الكلى ابشكل فضيع لانه السكري عندي مرتفع وهم بقر عافاني الله مايعرفون شو فيني
يعطوني مغذي ونا مصفره حتى الماي ارجعه كنت ف حاله مايعلم ابها غير الله..

وعقبها الحمدلله ريلي يا من بوظبي ويا اخواني وطلعوني وقالوا لي على مسؤوليتج قلت اموت فالشارع ولا اموت عندكم اكيد على مسوؤليتي ..

والحمدلله على طول ريلي خذاني الكورنيش ف بوظبي وعلى طول عرفوا شو فيني وعطوني مهدئات وارتحت بعد ماكان ويهي شاحب ومادش ف بطني شي من يومين...

الموضوع: مستشفى صقر

أدوات الموضوع

عرض

العرض المتطور

مستشفى صقر

المزيد من آخر المواضيع من نفس القسم:

المواضيع المتشابهه

ايهما افضل مستشفى الواحه ام مستشفى الامارات الدولي في العين؟

اي مستشفى احسن بالعين لمتابعة الحمل والولادة؟ مستشفى توام ولا مستشفى العين

شو احسن مستشفى للولاده مستشفى ويلكير والا الامريكي ولا مستشفى دبي الحكومي

بنات هذا حملي الثالث ونا في التاسع وشورو علي وين اربي في مستشفى الزهره ولا مستشفى دبي

ايهما افضل مستشفى الواحه ام مستشفى الامارات الدولي في العين؟