مشكلة بسيطه بس حبيت .......

[مس.ع]

السلام عليكم والرحمه

شحالكم بنوتات حريمات عساكم الا بخير.....

امممممم ما اعرف شو اقول انا مرتاحه ويا اهلي بس ما اعرف حبيت افضفض اللي في خاطري لاني ما اقول لاحد بس من كثر ما اقرا انكم تشتكون لبعض حبيت انا بعد اكون شرات اختكم واقولكم اللي في خاطري
تعرفون انا مطلقه ولله الحمد بس دايما احس هالشي بيكون مشكله اذا حد تقدم لي بيقلو هاي مطلقه لان المجتمع اللي عايشين فيه جيه مثلا حتى لو من اهلنا جيه بيقلون يعني اذا المطلقه نا يكون لها رب احس جيه حراام خاصه اذا ما كانت هي السبب يعني الغلط من الريال شو تسوي يعني مثلا ربيعتي تباني حق ولد اخوها العود بس قالو لا مطلقه ما ييوز وجيه وااااايد ازعل بس ما ابين لحد هالشي يكون بيني وبين عمري وساعات ابكي بس اتذكر انه ربي فوق وهو بيده النصيب اعرف هالشي بس حبيت افضفض اللي في خاطري يعني اقول اني بتم جيه العمر كله عسبت اني مطلقه اكره هالكمله والله بس ما باليد الحيله ومن عنا محد يتقدم لمطلقه لاا اونه البنت اولى المطلقه تااخذ شيبه ليييييييييييش شو اسوي اذا انا بعدني شباب شوووووو بس الله كريـــــــــــتم ورحيـــــــم

ودعــــــــــــواتكم لي يا حلوااات انه ربي يرزقني ويسر اموري يااااااارب والسموحه ع الاطاله

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[لؤلؤة ah]

يأختي نحن عايشين ف مجتمع كله انتقادات..بس انتي لا تهتمين من كلام الناس كل شي ف الحياه قسمه ونصيب والله يرزقج بالزوج الصالح..

[مس.ع]

مشكوووره اختي لؤلؤةahهيه والله صدج الله يعين الكل ينتقد والنقد من اساسه هوو

[طمطمه22]

الله يرزقج بزوج صالح يارب ... ويرزق كل بنات المسلمين يارب .. وانا وياكم

[Elyaziah]

اختي لا تحطين في خاطرج

المجتمع الي نحن عايشين فيه يفكر بطريقه غلط ..

وبعدين يوم بيي نصيبج بيي غصب عن الجميع .. الله يرزقج الزوج الصالح قريب جدا .. و يرزقني انا بعد

صدقيني اختي اغلب الاسر الي اعرفهم بناتهم يعانون من مشاكل عديده في موضوع الزواج .. تحسين انهم يعرقلون الزواج و مافي شي يعيبهم و ما يرضون باي حد .. كله عشان كلام الناس اونه ..

صدقيني .. هذيل الناس الي يرمسون .. هم اول ناس يطلع منهم ها الشي .. وهم الي فيهم العيب .. ومب معناته انج تطلقـتي يعني خلاص .. انتي واثقه من نفسج انه انتي بييج الريال الي يستاهلج و يحافظ عليج ويحطج في عيونه ..

ربيعتي ملجت و تطلقت وردت ملجت مره ثانيه وعرست الحمدلله في نفس السنه

وربيعتي وحده ثانيه.. تزوجت وسوت عرس و بعد كم شهر تطلقت .. و من فتره وصلني كرت عرسها لانه بتعرس مره ثانيه .. يعني تزوجت مرتين في خلال سنه و نص او سنتين تقريبا ..

لا تفقدين الامل .. عيل لو تشوفين مصايب غيرج شو بتقولين .. قولي الحمدلله انتي مرتاحه في بيت اهلج ..


الله يقربلج نصيبج ان شاء الله

[مس.ع]

تسلميييييين اختي طمطمه22 ع ردج

وتسلمين اختي Elyaziahع ردج الحلوو وربي يرزقني ويرزقج ويرزق جميع البنات انا اعرف النصيب بي وانا ما اتكلم عسب ليش ما عرست بس قاهرتني نظرة المجتمع وربج كريم

[فديت اماراتي]

حبيبتي إنتي بهالتفكيير السلبي ادمرين عمرج..لأنه بينعكس على شكلج وأسلوبج ..

صدقيني إذا اتفائلتي يمكن ايكوون لج نصيب أكبر في الزواااج ..

دووم أٌقول هالشي حق البناات اللي متعقدين من مسألة الزواج ..

المشكلة يسألوون كييف..!؟ ويستغربون من جوابي..

أول شي حطي في بالج إن هالشيء قضاء وقدر..

وعذا ربج كاتبلج ..وما تدرين شو كاتب لج ربج بعد..

يعني لا تيأسين ولا تفكرين بهالشيىء جنج عيووز ..

وترى التفكير باليأس ايغير من شكل الإنسان ..يخليه إنطوائي ومعقد حواجبه امبين انه مهمووم..
وهالشيء يبعد الناس منج..

وأغلب المطلقات يكونون بعد الطلاق حساسات ..وايحسوون الناس يرمسوون عنهم..

ترى مب كل الناس تفكيرهم شرات بعض..

الله يوفقج حبوووبة..

[وردة جوريه]

هذا نصيب فديتج اعرف وحدة تطلقت مرتين وتزوجت من واحد ما سبق له الزواج واذا الريال ما كان معرس من حقه هو يختار وحدة مو معرسه
و كل شي نصيب لاتسيئين الظن بالله والله يرزقج الزوج الصالح

[Candy Licious]

لا تضايجين يالغاليه

انا اعرف وحده من هلنا تطلقت من ريلها بعد يمكن 7 سنين او 6 سنين جيه تقريبا عرست
ترا كلن بنصيبه
ولاتفكرين في العرس وايد اهم شي تعيشين حيااااااااااتج ومتى مايا النصيب ترا بيكون لج ان شاء الله
وكثري من الدعاااااااااااااء هاذا اهمممممممم نقطه لازم تحطينها في بالج

سلالالالالالالالالالالالالالالالالالالالالالالام

[عبيطه كووول]

اللي يسمع كلااام النااس يتعب وبيتعب ... وصدقيني مااتعرفين يمكن كل تااخيره فيهااا خيرره ..وداامنج وااثقه من عمرج مااعليج من رمسه الناااس مااشي يترس عيونهم .. ويمكن فتره وتشوفين عمرج في بيت الريااال ااميييين
والله يخليلج اهلج ...

[مس.ع]

مشكوورات خواتي ع الردود تصدقون انا اذا حد متضايق واحب اسمع له بس حبيت اقول اللي في خاطري وبالعكس والله عاااايشه حيااااتي ومستاانسه بس احيانا لازم افكر في هالشي يعني تمر اوقات بس الحمدالله ومشكوورات ع الردود الحلوه صج انكن خوات

[فديت طاريك]

بالعكس حبوبه انا اعرف مطلقة قريبه مني كنا نقول مابتتزوج لكن سبحان الله خذت واحد زين الشباب صح انه مطلق بس ريال وعمره صغير .. مافيها شي حبيبتي الارزاق بيد الله ونصيبج موجود يبالج شوية صبر بس شويه وانشالله كل شي بيتحقق انتي ماعليج الا انج تكثرين من الذكر والاستغفار
الله يوفقج ياااااااااااااااااارب

[مَجَــانْ]

الله يرزقج بزوج صالح يارب
ويرزق كل بنات المسلمين ,,

[مس.ع]

مشكورااااات حبوبات ع ردودك والله يسعد كل وحده فيكن

[مايخونك قلبي]

الله يرزقج بزوج صالح يارب ... ويرزق كل بنات المسلمين يارب ..