هذا اللي صار

**اعياد راضيه** · 2009-10-01, 08:07

صباح الخير

عندي كلام وابا اكتبه

اهم شي عندي محد يظلمني ولايظلم صاحبة الموضوع وبأمانه اتمنى ان الموضوع ماينحذف

بصراحه الشي اللي صار مب زين ومافي حد يعرف اللي صار عشان جي ابا افضفض لكم واهم شي لاتظلموني ... ولاتظلموها انا بتكلم بالنيابه عنها .....

جنها السالفه صارت لي

طبعا الموضوع حساس وايد هو سالفة خيانه عبر النت والتلفون

اكيد انتقام وتجربه وفراغ

متزوجه وعندي مشاكل من كل صوب حاولت ارتاح ماقدرت الكل صاير ضدي زوجي مب حاسس فيني مل الصبر مني كل الظروف ضدي حاولت اكون صداقات مالقيت انسان ارتاح له مرت سنين ومافي شي يتغير ..... بس للاسف لقيت الراحه بمحادثة الشباب في النت ومب اي حد يعيبني هو واحد ارتحت له واخترته طبعا زوجي يدري ومايدري الوضع تم على ماهو عليه محادثات عالمسن وانا اقول باجر بترك هالشي اتركه شهور وارد اتمنى حد يسرق ايميلي او يتسكر حسيت باحساس ان هالشي استغفر الله رحمه من ربي لي عشان احس بالراحه الموهم مانبض قلبي الا لواحد والله احسه من يكتب كلمه عالمسن موجود وياي طبعا هالشخص رقمني حاول وياي اكثر من مره وعشر وميه عاد بذيج الفتره انا بعد كرهت ومليت سوالف النت وخفت حد ايراقبني لان اخوي دوم ايحذرني ان النت مكشوف .... وقبلت الرقم وكانت عندي اسباب اولها التجربه حبيت اتعرف على هالشخص طبعا هو مغازلجي محترف كنت افكر انه بمجرد اتصال واحد واثنين بقدر ابتعد عنه ... واتحلفوني والله العظيم ماكنت ادري عن سوالف المكالمات الهاتفيه كنت اسمع من خواتي ان الشاب يغازل وحده بس عبالي يسولفون ويسكرون وانتهى كل شي كان هو دوم يقول لي اذا حبيتج وحبيتيني وكنت اضحك عليه واقوله وحده مثلي عاقله مستحيل اتحب واحد مثلك انا بس بكلمك يومين وبقطعك ... لكن اللي صار مااقدر اوصفه كنت يوم اكلمه احس اني بالجنه ارتحت له راحه غريبه للاسف مب بس حبيته ... اكتشفت انه توأم روحي ارتحت وياه راحه مايعلمها الا ربي وطبعا مستحيل يصبر الريال ويكتفي بمجرد مكالمه تلفون وانا صرت بعد ابا شي اكبرمستحيل وحده وواحد يصبرون صدقوني مستحيل وصار ايطالبني بالصور واشياء ماتخطر على البال ...وليما اهني وبس سنه من العذاب حلفلي اذا تبيني بالحلال بس تطلقي من زجج وكل اللي تبينه بيصير .... وفي لحظه نهيت كل شي لو تدرون شو كثر المعاناه اللي عانيتها كنت اجاهد نفسي عشت المعصيه كرهت نفسي مسحت كل شي يذكرني فيه بالنت والتلفون لكن للاسف ماقدرت امسحه في داخلي ساعات اقول في خاطري شو بيصير لو فكرت فيه بالحلال يمكن ايكون نصيب ويوم حسبتها شفت اني بكسب انسان واحد وبخسر الف شي

الله يكون في عونها وزوجها ليومكم يدري ومايدري

هذي تجربه من انسانه لعبت بالحرام وغرتها الحياه ونست ان ربها مطلع عليها ....

واعتبروا ياولي الالباب

اللي تبا تدعيلها او تقدم لها نصيحه

المزيد من آخر المواضيع من نفس القسم:

**المياسيه** · 2009-10-01, 08:17

أحيانا في حالات الضعف
الشيطان يزين لنا المعاصي خصة لو كنا بعيدين عن ربنا
أنا أنصحها أنها أدور أشياء حلوه في زوجها
ما في إنسان كله عيوب
وتحاول تتقرب من ربها أكثر
وهذا مستحيل ياخذها بروحها قالت مغازلجي
كيف تأمن على حياتها بعدين مع واحد مغازلجي ؟؟
الله يهديها

**queen الشوامس** · 2009-10-01, 08:26

لاحول ولاقوة إلا بالله

كله ولاخيانه الزوج

ومشكورة حبوبة ع النصيحة

**.Um Hamad** · 2009-10-01, 09:53

للاسف...

رميتي ذنبكِ بوجه زوجكِ وعدم احساسه

علماً انها حجج واهية لا اساس لها من الصحه

طبيعة الرجل الشرقي غير رومانسي على الاغلب

وهناك بيوت عديدة تفتقر الى اهم دعائمها وهو وجود الرجل

ولكن هل هذا يعطي الحق لكِ ولها ولكل من عاشت ذاك الفراغ العاطفي ان تخون وتنسى ربها

نجري خلف الملهيات الدنيويه ضاربين بالقيم الاسلامية عرض الحائط

اين خوف الله؟

اين الاستشعار بوجود من لاينام ولا تأخذة سنة ؟

فلــ نكن اكثر واقعيه.... ماتعانيه ليس مجرد فراغ عاطفي

انما عدم خوف الله ونقص الوازع الديني

اتقي الله في نفسكِ عزيزتي

وفي زوجكِ

وفي واهلكِ

ولاتدنسي عرضاً وشرفاً سعيتي للحفاظ عليه سنين طويله

قربكِ من الله عزوجل وايمانكِ بقسمته لكِ ويقينكِ انه معكِ حتماً يهون عليكِ

ويزيل ماتراكم من جليد ...

التغير لن يأتي بالخيانة وتعدد العلاقات التغيير ينبع من الداخل

تغيري... سيتغير زوجكِ

استشعري وجوده تعالى ولو للحظات..

حتما سيخشع القلب المؤمن ويخجل

**الأصالة** · 2009-10-01, 10:23

المشاركة الأصلية كتبت بواسطة ÷ ~ امـ حمد ~ ÷

للاسف...

رميتي ذنبكِ بوجه زوجكِ وعدم احساسه

علماً انها حجج واهية لا اساس لها من الصحه

طبيعة الرجل الشرقي غير رومانسي على الاغلب

وهناك بيوت عديدة تفتقر الى اهم دعائمها وهو وجود الرجل

ولكن هل هذا يعطي الحق لكِ ولها ولكل من عاشت ذاك الفراغ العاطفي ان تخون وتنسى ربها

نجري خلف الملهيات الدنيويه ضاربين بالقيم الاسلامية عرض الحائط

اين خوف الله؟

اين الاستشعار بوجود من لاينام ولا تأخذة سنة ؟

فلــ نكن اكثر واقعيه.... ماتعانيه ليس مجرد فراغ عاطفي

انما عدم خوف الله ونقص الوازع الديني

اتقي الله في نفسكِ عزيزتي

وفي زوجكِ

وفي واهلكِ

ولاتدنسي عرضاً وشرفاً سعيتي للحفاظ عليه سنين طويله

قربكِ من الله عزوجل وايمانكِ بقسمته لكِ ويقينكِ انه معكِ حتماً يهون عليكِ

ويزيل ماتراكم من جليد ...

التغير لن يأتي بالخيانة وتعدد العلاقات التغيير ينبع من الداخل

تغيري... سيتغير زوجكِ

استشعري وجوده تعالى ولو للحظات..

حتما سيخشع القلب المؤمن ويخجل

عين العقل

**LADY 4 DUBAI** · 2009-10-01, 09:59

الحمدللهـ انها ردت لصوابها و بطلت هالشي ...(:

و تقدر تنساهـ باستعانتها برب العالمين ..

و ربي يستر عليها و علينا و على جميع المسلمين ...(:

||

**نملة جامعية** · 2009-10-01, 10:23

لا حول ولا قوه الا بالله

الله يهدينا وهدي الجميع

ما ادري احس الانسان يوم يتعب ويضيج ويحس انه الدنيا انتهت يحاول يدور ع شي يسعده والاكثر يكون بالحرام

ليش ما ادري هاي الاعيب الشيطان

بس لو فكر وقتها يلجا لرب العالمين ربي بفرج همه وبسعده

الله يغفر ذنوب الجميع يارب

**دعج الاعيان** · 2009-10-08, 10:35

المشاركة الأصلية كتبت بواسطة نملة جامعية

لا حول ولا قوه الا بالله

الله يهدينا وهدي الجميع

ما ادري احس الانسان يوم يتعب ويضيج ويحس انه الدنيا انتهت يحاول يدور ع شي يسعده والاكثر يكون بالحرام

ليش ما ادري هاي الاعيب الشيطان

بس لو فكر وقتها يلجا لرب العالمين ربي بفرج همه وبسعده

الله يغفر ذنوب الجميع يارب

**مَجَــانْ** · 2009-10-01, 12:01

ربي يستر عليها و علينا و على جميع المسلمين ,,

**قمر444** · 2009-10-01, 12:17

مافي اي مبرر يقنعني ان الحرمة تخون زوجها ..

لان شرفها اغلى من عاطفتها و كلمتين حب تسمعهم من شخص رضى يهين كرامتها و يكلمها و هو يعرف انها متزوجه !

هذا اللي سلمت نفسه له لو فية ذرة رجوله و نباله و اخلاق جان ما راح يرضى عليها .. لكن هو استغلها !!

سوري اعرف كلامي قااااااااااااااسي لان الموقف اصلا قاسي ..

اذا ريلج ما يستحق انج تصونينه ,, وين غيرتج على نفسج و شرفج ؟؟

رب العاااااااااااااااااااااااااااااااااالمين .. ما خافت منه ؟؟

خلها اتوب لرب العالمين و تروح بيت الله .. عسى الله يغفر لها يارب

**بهلولة** · 2009-10-02, 09:41

الحمد لله ردت لطريق الصواب
بس عقابها بيكون عدم الراحة
وتفكيرها الدائم بالثاني
الحرام طعمة حلوووووووو
ولكن دربة كلة شوك
لازم تجاهدين نفسج
وتصونين قلبج من وسوسة الشيطان

**ahaat_2015** · 2009-10-02, 09:53

مستحيل ارد الخيانه بخيانه ثانيه لاني اخاف الله ومستحيل

والله يسخر لي زوجي

اذا بفكر بالخيانه

بفكر اقضي وقتي مع احلى

شي

في

الوجود

والكل يعرفه

والبعض ناسنه او متناسيه

"القران"

**farst dubai** · 2009-10-02, 09:59

يوم اكلمه احس اني بالجنه

اصرااحه هالكلمه موول ماعيبتني اسمحيلي يعني منو هو عشان تقوول عنه هالرمسه

الحمدالله انه الله هداهاااا

**الم امرآه** · 2009-10-02, 11:51

سبحان الله اختى انا سويت نفسك بس كانت مسجات فقط
لكن والله حصلت المنتديات والسوالف احسن حل

**اعياد راضيه** · 2009-10-08, 07:20

تسلمون عالردود الطيبه

ولاتنسون نحن بشر نغلط

بس اكيد غلطه عن غلطه تفرق

بس هذا اللي صار

الموضوع: هذا اللي صار

أدوات الموضوع

عرض

العرض المتطور

هذا اللي صار

المزيد من آخر المواضيع من نفس القسم:

المواضيع المتشابهه

بنات أبوظبي اللي مجربات أو اللي عندها خلفية عن الاكل الصحي اللي مثل سلم ن لايت و غيره

لكل اللي يراجعون او اللي راجعوا عند الدكتورة كاميليا اللي كانت في بوظبي ويت الشارجه

بناات اللي تعرف المطووع اللي فبوظبي اللي من قوم الهااشمي تتفضل