هلا

[عيون الحب]

اخواتي ريلي مداوم بيرجع بعد اسبوووع ابي اغير شي فالبيت مليت من غرفتي والصاله وحجرة العيال ابا يوم يدخل البيت يحس بتغي لو بسيط اباكم تساعدووني اريد انظم الكباته بطريقه حلووة ياريت تاعدووني

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[ام برقع]

انا بخبرج شو اسوي في بيتي

اول شي ببدأ بالصالة

اولا أطلع كل ألعابهم من الصالة وارتب مكتبة التلفزيون يعني اخوز كل الاشياء اللي على المكتبه من اشرطه فيديو و بعض الاوراق و العطور يعني أخلي المكتبة فاضية بس إذا بغيت احط زينة مثل برواز فيه صور أفراد العائلة او شمع او مزهرية

ثاني شي ايي دور الأثاث

انظف الكراسي وارتب المخدات و أنظف الطاولات الصغيرة

انا احب أغير اماكن الكراسي والطاولات دايما عشان جي احس ان الصالة تتغير

ودايما أخبر العيال ما ييبون العابهم الصالة بس ماشي فايده... وانا ماشي وراي غير ارتب من وراهم... المهم

الحين دور حجرة العيال

أول شي اسوي فرز حق الألعاب اعق اللي متكسر والباقي احط كل نوع في صندوق وإذا ما عندج صناديق استخدمي كراتين الشيبس او كراتين الفواكه
انا مسويه كرتون حق السيارات وكرتون حق المكعبات وكرتون حق الكور وكرتون حق لعبة التركيب

علشان تخلين غرفتهم مرتبة خلي الشباري علي صوب وسوي مساحة فاضية في الحجرة حقهم عشان يلعبون فيها وخليهم هم دايما يرتبونها ويردون الالعاب في مكانهن

أخر شي دور حجرة النوم

اولا ابدي بالشبريه غيري الكفر ودخنيه

اما الطاولات الصغيرة (الكوميدينو) خلي عليها اباجورة و برواز صغير بس واذا حبيتي تزيدين حطي شمعة وانثري عليها ورد مجفف واذا عندج قطعة خفيفة حطيها تحت الشمعة بس سوي فيها حركة مثلا حطيها على طرف الطاولة وكشكشيها

اما التواليت رتبي اشيائج اللي في السدات وقللي منهن قد ما تقدرين لان زحمة الاشياء تخلي المنظر مب حلو

و حاولي ما تحطين شي على الطاولة على الأقل خلي العطور بس


الحين دو الكباته

هذا اصعب شي لان كل مره بغينا نطلع شي ندور اللي نباه ونخرب وما نرد كل شي مكانه

عشان جي حاولي ترتبين الكبت على اساس ان الشي اللي تستخدمينه دايما حطيه في المقدمه واتخلصي من الملابس اللي نادرا تلبسينها او اتبرعي فيهن ونفس الشي سويه بملابس العيال
خلي كل رف حق شي مثلا رف للبناطلين ورف للفنايل و رف للملابس الداخلي و رف لملابس الطلعات

إن شاء الله تستفيدين من أفكاري وإن شاء الله البنات يساعدونج

[Elyaziah]

ما شاء الله .. ام برقع ما قصرت

بس حبيت اضيف من عندي

انا يوم احب اغير جو الغرفه .. دائما اغير الوان الكوشنات و المفارش بحيث تكون تناسب الوان الصاله او الغرفه.. بس غير عن اللون القديم .. .. فقط لمجرد كسر اللوم و تجديد المكان .. ها يعطي منظر جميل للغرفه ..

وبعد غيري اماكن بعض الاشياء الخفيفه الي يسهل حملها و تغييرها ..

بالنسبه للغرفه .. غيري الكفر و اختاري لون جديد بالكامل .. عشان ما يكون قريب من اللون القديم .. ونثري شوي كوشنات على السرير .. و اذا في امكانيه .. تقدرين تحطين على جنبين السرير سجاده صغيره .. تعطي لون على الارضيه .. وفي فكره ثانيه .. بأنج تحطين مفارش جديده و تكون بيضا و ريش .. ها حلو لانه يعطي انطباع وشعور بالراحه مثل الفنادق .. ^__^ ..

بالنسبه لي .. احب اغير اباجورتي على لون الغرفه .. بما انه اثاثي من ايكيا .. اغير بس راس الابجوره .. كل مره احط لون يديد .. و يطلع كأنه الابجوره يديده بالكامل .. مع انها نفسها .. بس الراس يختلف

غيري نوع الدخون .. او العطر .. حطي شي فريش .. عشان يعطي انطباع غير اول ما يدخل زوجك الغرفه ..

اضيفي بعض الاكسسوارات الصغيره الي ما تسوي زحمه .. انا افضل الاكسسوارات المودرن .. لانها اجمل و اخف للنظر ..



ان شاء الله اضافتي تكون فادتج اختي

[دلوعة 2007]

للرفع