:؛؛ ريجيم السوائل ؛؛:

**شيخه الغيد** · 2007-04-11, 11:09

السلام عليكم ورحمه الله و بركاته ^_^

خواتي للى طلب مني ريجيم السوائل للى خذته من دكتوره تغذيه ..

هذا الريجيم بس حق للى وزنها من 100 وفوق ...

خواتي المطلوب إرادة ...صح هو يتعب بس للى تبا تنزل اتجربه ...

أول شي وصفت لى حبوب الفايتوشيب ...

اليوم الأول:

الفطور: عصير برتقال غير محلى

الغداء: صدر دجاج نصف الصدر مب كله + عصير برتقال

العشاء: تشربين عصير برتقال غير محلي

اليوم الثاني:

الفطور : عصير تفاح غير محلى
الغداء: نصف تفاحه + عصير تفاح غير محلى
العشاء: عصير تفاح غير محلى

اليوم الثالث:

الفطور: عصير أناناس غير محلي
الغداء: شوربه ( كرفس + ملفوف )
العشاء: عصير أناناس غير محلي

اليوم الرابع:
الفطور: عصير برتقال
الغداء: عصير برتقال
العشاء: كلي أي شي تبينه بس بحدود الممنوع فيه هاليوم الباستا والجبن الدسم

اليوم الخامس:

الفطور: عصير برتقال غير محلي + أو أي نوع من العصائر للى موجوده في الريجيم
الغداء: نصف صدر دجاج مشوي
العشاء: عصير برتقال غير محلي أو شوربه الموجوده في الريجيم

اليوم السادس:

الفطور: عصير تفاح
الغداء: عصير تفاح
العشاء: نصف خبز أسمر + عصير تفاح

اليوم السابع:

الفطور: عصير أناناس غير محلي
الغداء: عصير أناناس غير محلي
العشاء: عصير أناناس غير محلي

هذا هو الريجيم خواتي في الاسبوع تخفين خمسه كيلو ..يعني في أسبوعين 10 كيلو ..بس نصيحه ابتعدن عن المشروبات الغازيه بكل أنواعها و الحلويات كلها ...و الأرز بعد قطعيه مره ..حتى الدايت ببسي لا تشربينه ...وتقدرين ع العشاء أو الغدا تشترين مشاوي أسهل ...

في شهر بتخفين 20 كيلو وللى تبا تجربه حياها الله ..بس حق للى أوزانهم 100 وفوق خواتي ..حطي في بالج انج لازم يكون جسمج حلو .. حاولى تلهين عمرج بأي شي و لا تنسين أن أن غلطتي بيزيد وزنج الضعف ..

معلومه عن البيبسي و الكوكولا و المشروبات الغازيه ..قالت الدكتوره انها تزيد كيلوين في الأسبوع لانه غاز وينفخ الجسم ...ابتعدي عن الاشياء الدهنيه ...

واشربي ماي وايد ...

وبالتوفيق للجميع ...

واذا أي حد عنده سؤال يتفضل انا حاضرة ..

السموحه ^_^

المزيد من آخر المواضيع من نفس القسم:

**gentlewoman** · 2007-04-11, 12:38

هلا الغلا

ما تعتقدين بانه الوزن اللي بينزل من هالريجيم بيرد بسرعة
وهل استفسرتي من الدكتورة بخصوص هالشي

هذا سؤالي ^^

**دلوعة زوجي** · 2007-04-11, 12:48

امممممممممممم

انزين ما يناسب اي وحده وزنها اقل عن 100 ؟؟؟؟؟

**شيخه الغيد** · 2007-04-11, 13:22

ختيه ما بيرد لانج تستخدمين حبوب الفايتوشيب ...وانتي طبعاً بتقللين من الأكل ..

لا ما ينفع ختيه حق للى اوزانهم من 70 وتحت ...

**gentlewoman** · 2007-04-11, 13:33

حسافة حبوب الفايتوشيب خذيت علبة وعقب وقفتها لانها ضرتني
والدكتورة ما نصحتني بها

موفقة ^^

**شيخه الغيد** · 2007-04-11, 13:40

ختيه جربيه بدون حبوب بعد بتنزلين ..

واشربي كمون مع ملعقة صغيرة عسل و شرائح ليمون .. علشان تذوب الشحوم ..^_^

وبالتوفيق ختيه ..

**حديث الورد** · 2007-04-11, 22:12

يزاج الله خير اختي

هو صدق شكله متعب بس المهم انه ينزل

بيرب وبخبركم ان شاء الله

دعواتي لكم بالتوفيق

**حديث الورد** · 2007-04-11, 22:13

نسيت أسأل هل في كمية معينه للعصير؟

**مس-وانتد** · 2007-04-11, 22:24

الغاليه كيف يسوون الشوربه (كرفس+وملفوف)
واذا شي شوربات ثانيه للرجيم !!!

**شيخه الغيد** · 2007-04-12, 07:55

حديث الورد : بالتوفيق ختيه ..لا ماشي كميه معينه .. تقدرين تستخدمين الكميه للى تبينها ..

مس وانتد: هيه في شوربات ثانيه و ان شاء الله بنزلها..أما عن طريقة عمل شوربه الكرفس و الملفوف..تقطعينهم شرائح كبار علشان تشبع ..وتغلينهم مع ماي مع اشويه ليمون ( نصف ليمونه) وتغلينهم بالماي ..

**um isa al kabi** · 2007-04-12, 11:18

الغاليه ,, مايصلح الريجيم للي وزنهم 50

لان ابا اصير 45

**spa** · 2007-04-12, 11:28

مشكووره يالغاليه عالرجيم والله اني صج محتاجه لرجيم يخفف من وزني
انا اليوم اول يوم بديت في حبوب الفيتشيب وان شاء الله ينفعني وانزل بها وزني ادعوولي خواتي
واسمحيلي عالاسئلة الوايده بس اري اعرف انا من زمان عندي امممممممم امساك
و كل ما بديت رجيم يستويبي نفس الشي واريد حل شو رايج بشاي رويال اوكي لو خذيته مع الحبوب
وان شاء الله تظلين تتواصلين ويانا في موضوعج عسبت تعم الفايده على الكل وتخبرينا اول ما تقيسين وزنج يالغاليه

**الحياة** · 2007-04-12, 14:56

هل اتبعتي الريجيم؟؟
وكم نزلتي؟؟

**الحياة** · 2007-04-12, 14:58

العشاء: كلي أي شي تبينه بس بحدود الممنوع فيه هاليوم الباستا والجبن الدسم

شو ناكل في هاليوم؟

**مس-وانتد** · 2007-04-13, 13:18

المشاركة الأصلية كتبت بواسطة شيخه الغيد

حديث الورد : بالتوفيق ختيه ..لا ماشي كميه معينه .. تقدرين تستخدمين الكميه للى تبينها ..

مس وانتد: هيه في شوربات ثانيه و ان شاء الله بنزلها..أما عن طريقة عمل شوربه الكرفس و الملفوف..تقطعينهم شرائح كبار علشان تشبع ..وتغلينهم مع ماي مع اشويه ليمون ( نصف ليمونه) وتغلينهم بالماي ..

ممممم عادي احط كويكر ؟؟

الموضوع: :؛؛ ريجيم السوائل ؛؛:

أدوات الموضوع

عرض

:؛؛ ريجيم السوائل ؛؛:

المزيد من آخر المواضيع من نفس القسم:

المواضيع المتشابهه

ريجيم السوائل..5/12/2010

جديدي..مضخة السوائل..املئيها بمزيل صبغ الاظافر أو التونك أوغيرها من السوائل..

ريجيم السوائل ولا السلطات ..

لمتبعات : ريجيم هوليود - ريجيم السوائل - ريجيم الجريب فروت - الخ

ريجيم السوائل خاص فيني