مشكلتي المحرجة

[حرم ♥ سلطان]

السلام عليكم و رحمة الله وبركاته

شحالكم يا بنات
انا متابعه هالمنتدى من زمان وعندي نك ثاني اشارك فيه
بس اليوم سجلت بهالاسم حفاظا على الخصوصية لانه كل حد يعرف اسمي الثاني من اهلي

الصراحة ماعرف كيف ابدا ومستحية ماعرف شو اقول
ترددت وايد في طرح مشكلتي بس ماعندي حد يساعدني غيركم

اول شي انا مالجة من من شهرين وطبعا في اتصالات بيني وبين ريلي
في البداية كنت استحي منه وايد بس الحين بديت اتعود عليه شوي
وفي الفترة الاخيرة قام يتكلم بسوالف (......) افهموا انتو عاد
وانا يوم يكلمني جيه احاول اغير الموضوع بأي طريقة لاني استحي بطريقة ما تتصورونها
ويوم يحس اني تضايقت من كلامه يتعذر بحجة انه ريلي وهالكلام عادي بينا بس انا الصراحة
ابدا مب متقبلة هالشي ، و الأدهى و الأمر من كل هذا انه يطلب مني انه يستوي هالشي بينا بالفون
الصراحة يتني صدمة ما تخيلته يطلب مني هالشي .. مادري ليش مستعيل مع انه باقي على عرسنا شهر واسبوع
طبعا انا رفضت و هو زعل مني والحين من يومين ما يكلمني
مب عارفه شو اسوي المفروض انا الي ازعل مب هو لاني ما غلطت
الحين مادري شو الحل ومب عارفه كيف اراضيه لاني احس انه هو المفروض يتصل مب انا
لاني مب غلطانه

ساعدوني دخيلكم انا وايد احبه وما اقدر اصبر عنه شو اسوي الحين بهالمشكله
هاليومين الي طافوا احسهم شهرين

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية