للمتزوجات والي يعانون

[ام خالد وخلود]

هلا خواتي حبيت اسال كل وحده متزوجه شو شعورج اذا اكتشفتي ان ريلج مهما تلبسين او تكشخين او تتانقين عاااااااااااادي عنده يعني لاتعليق وانج من تزوجتي ولا عمرج سمعتي منه كلمة احبج ولا كلمه حلوه واذ رمستيه في هالموضوع قالج احنا نمثل فلم عشان اقولج احبج او اقولج كلام حلو وحتى اذا بغيتي تاخذين رايه مايعطيج راي يقولج خذي على ذوقج مايخصني انا ودومه ساكت ومايخصه في الرومانسيه ولا في شي ومهمها تسوين عمرج ماتسمعين منه حتى كلمة شكرا يعني سويتي او ماسويتي عادي المشكله تسمعين الناس تمدحج وكيف انتي مهتمه في نفسج وهو عااادي ماله اي راي او كلمه وعمره ماحسسج بقيمتج ابد حتى اذا مريتي محلات قمصان النوم بتاخذين لج شي قالج ماله داعي حق شو قمصان النوم يعني تحطيم نفسي الوحده فينا مهمها كانت تحب تسمع الكلمه الحلوه لو كلمه وحده فما بالج انج ماتسمعينها دوم شو الحل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[حبيبي 10]

حبيت ارفعلج الموضوع

ربي يهديه ان شاء الله ويسخره لج

[عنونــي]

الله يعين ما عنده رومنسية ابد هذا الريال

حاولي فيه ان شاء الله يستجيب لج والله يوفقج

[Miss.Feminine]

انا بقوول هذا ما يحبني اصلا ^_^

و ما بتم اتريا منه اي كلمه انا عندي ثقة بنفسي تهز جبال

و هو يمكن يحس انج فاقده هالثقه و تبين المديح من الناس و منه !!

عشان جيه يشوف الشخصية مهزوزه

[ام خالد وخلود]

انا مااستنى المديح من حد يالغاليه انا ابي احس اني انسانه متزوجه انا ليش متزوجه عشان بس اييب عيال واحمل واربي الوحده منا محتاجه حنان محتاجه الكلمه الحلوه والوحده اذا احتاجت تسمع كلام حلو مو عشان ماعندها ثقه في نفسها بالعكس مافيه حد في الدنيا مو محتاج يسمع كلام حلو حتى الياهل اذا بغيتي منه شي او يسوي شي رمسيه بكم كلمه حلوه بيسوي كل الي انتي تبينه

[Bent RAK]

الله يكون بعونج حبيبتي .. حبيبتي ممكن اتجيكين الخاص ^^

[عواشهـ]

هي صدقج الوحده مب بس تحمل واتيب عيال ..
((ما شاء الله ))
شوفي الغالية .. انا اول ما ازوجت حسيت ان ريلي من ها النوع من الرياييل .. يعني ما يهتم حق الرومنسية وايد .. فقمت من ايام الخطوبه .. اقوله كلمات حب وجي ومسجات جريئه لين ما وما ازقره غير حبيبي .. عقبها قم هو يتاقلم ويا الوضع ورد لي وما يزقرني غير حبيبي ..

الريال يا عمري .. على الي اتعودينه .. يعني اذا انتي من البدايه ما ترمسين وياه في ها السوالف خلاص هو بيتعود جي ..

انا بالعكس الحين يلي .. لو ما ابوسه وانا راكبه السياره يزعل .. لاني عودته على جي ..

((ما شاء الله ))

انتي شكلج معرسه من فترة طويلة .. لان عندج ما شاء الله عيال ..
بس بخبرج .. انتي اسوين حق ريلج ليالي رومنسية .. واتيبين له بين فترة وفترة هدية .. ؟؟

[بنوته18]

الله يعيييييييينج

[islam girl]

عادي حبيبتي وايد ريااايييل جيه

صرنا انحس أنه هالرومانسيه والدلع خيااال وبس بالأفلام

الله يعين

عليج بالاستفار أسرع دوااء

[مرت المحامي]

صـــراحه احــباااااااااااااط
الحــل .. انج تصــارحينه بهــذا الشي وتحسسينــه انه مب مهتــم فيج وانه إذا استمــر بهذا الأســلوب انتي بعد بتهملينــه ((مجــرد تخــويف)).
و تــذكــرينه ان الإنســان يحتــاج الحب و الإهتــمام والتشجيع ســواء" طفــل مــراهق ولا شيبــه وإذا مــا حصــله فالبيت يــدوره بــرع !!

[العوف]

حبيت ارفعلج الموضوع

ربي يهديه ان شاء الله ويسخره لج

[خيوط الزعفران]

حاولي الغالية انج تذوبينه بكلام الحب والغزل

وعسى ربي يهديه حقج

[ام يساف]

والله نفس الحاله اللي عندي

ابد ناشف

واذا غازلته او قلت له كلام حلو قام يتطنز

بالله عليكم من يقول لنا الكلام الحلو

جاهزين للتعليقات والتطنز بس

والله اسوي له كل شي ويدور على الشي اللي انا ماسويته

>>>خلوني ساكته

الله يعينج اختي

[رقيقة]

الله ايعينج

بس صدقيني معظم رياييلنا جي ونحن حاولنا وغيرنا

الريال على ما اتعودينه والولد على ما اتربينه

[MAHA21]

الله يعيييييينج