مكاتب السياحة

**الخيال3** · 2007-04-10, 02:03

سلام بنات منو تعرف مكتب سياحي في الامارات مضمون واسعاره معقوله

المزيد من آخر المواضيع من نفس القسم:

**ام السنافي** · 2007-04-10, 12:35

وعليكم السلام
مضمون عمير للعطلات...نحن متعاملين معاه.
الامارات للعطلات بس اسعاره غاليه.
مكتب الاتحاد للطيران بدوأ يسون عروض مع الرحلات.

**الخيال3** · 2007-04-10, 16:31

عمير للعطلات في اي امارة ؟

**ام السنافي** · 2007-04-10, 19:52

المشاركة الأصلية كتبت بواسطة الخيال3

عمير للعطلات في اي امارة ؟

في بوظبي طولى عمرج.

**الخيال3** · 2007-04-11, 00:12

أم السنافي
تسلمين الغالية

**Amore** · 2007-04-11, 01:03

مايحتاي حبيبتي مكتب سياحي

احجزي تذاكرج من شركه الطيران مباشره و السكن احجزي الي يناسبج من النت بيكون عندج خيارات اوسع من الي تقدمها مكاتب السياحه

**دانتيلة** · 2007-04-11, 09:37

يريت الي جربت تحجز من في الفندق من النت كيف او هل في حد حجز من النت او شوة الاسعار تختلف عن مكتب السياحي يعني ارخص ولا نفس الشي

**ام السنافي** · 2007-04-11, 12:17

خواتى بالنسبه للحجز في نت تختلف حسب المواقع،وأظمن شي موقع الفندق من نت بس شوى غالى،اما المكاتب السياحيه أرخص لان عندهم عروض من الفنادق.
عن نفسي اذا بلاد ازورها اول مره أحب احجز من مكتب السياحى اظمن وابرك عشان ما اتبهدل.
وفيه نقطه ثانيه كل مطار فيه مكاتب سياحيه يعطون اسعار حلوه للفنادق بس حسب الدوله الى انتى رايحه الها.
أم غريبه في رحلتها لماليزيا حجزت كل شي من نت،حتى الفندق والحمد الله توفجت في الرحله.
وسلمتوا.

**missing** · 2007-04-11, 13:39

احنا نحجز لاول ليله من المكتب وبعدين ندبر عمارنا ...لانه هناك ارخص ...

بس السنه الماضيه..رحنا تنايلند ..حجزنا بالنت ...لانه المكتب مالقا لنا حجز بالفندق اللي

بغيناه ....بوسط النايت بزار وحتى يوم وصلنا هناك .....وحبينا نكمل في الفندق ..مالقينا

حجز عندهم كل الغرف فل....وبعد وااااايد اغلى من سعر النت..

طلعنا لمكتب الانترنت اللي عدالهم ...وحجزنا ...وبالسعر اللي خذيناه قبل

يعني ارخص من سعر الفندق .!!!

وبعد الموقع ...يجمع نقاط ..يعني كل ماحجزنا اكثر عن طريقهم ....نوفر اكثر....

**الخيال3** · 2007-04-11, 15:11

السنة اللي طافت سرنا تايلاند وحجزنا عن طريق النت وكان ارخص وايد المشكلة في النت انج تحطين رقم الفيزا وهذا الشي مب مضمون دايما ، السنة حابة اسير اوروبا وبغيت أسوي بكج عن طريق مكتب سياحي يعني احس أريح بدال ما يدور راسنا هناك ويا الحجوزات تسيرين وكل شي جاهز

**أم شماء** · 2007-04-11, 18:23

في شهر العسل حجزنا عن طريق "الشامسي للسفريات " في دبي عدال دوار السمكة وبصراحة ارتحنا وكانت أسعاره مناسبة واختارلنا موقع الفندق في نص المدينة كل شيء عدالنا السوق والمطاعم والحدايق والملاهي لدرجة ان ما استخدمنا الموصلات غير مرة وحدة...
مع العلم ان رحلتنا كانت الى فيينا

**الخيال3** · 2007-04-12, 02:30

ام شماء
تسلمين على الافادة

**أم شماء** · 2007-04-12, 15:39

الله يسلمج عزيزتي

**Female81** · 2009-12-07, 13:23

مكتب Dream adventure في دبي تعاملهم سهل واسعارهم مناسبه ومضمونين

**حماديه** · 2009-12-08, 13:20

مكتب القواضي للسفريات بخورفكان متوفر عندهم كل شي ويحجزون لكم كل شي حتى المواصلات وتعالمهم زين.

الموضوع: مكاتب السياحة

أدوات الموضوع

عرض