النوم ..><

**MAHA21** · 2009-09-25, 16:12

الله يعييييييييينج

**أحب أمي** · 2009-09-25, 16:13

المشاركة الأصلية كتبت بواسطة آلـ غ ـنـــج

اوكي لا ترقدين فالليل
والصبح يوم بييج ارقاد لا ترقدين اشغلي عمرج بشي يطيـّر الرقاد
حاولي ما ترقدين ليييييييييييييييين عقب صلاة العشا
وعقب خلاص بتكونين منتهيه وبترقدين الليل بطووووووووووله وبتنشين وقت صلاة الفجر بتكونين شبعانه رقاد
وجذا بتكونين عدلتي رقادج

ولو انتي من النوع اللي ما يقدر يواصل اليوم بطوله
ارقدي الصبح ووووحطي المنبه ع الساعه 10 واغصبي عمرج تنشين
جي بتكونين رقدتي يمكن 3 ساعات او 4 وماشبعتي
نشي وجابليييييييي اهلج طول النهار ومن يعدييييييج الساعه 9 فليل او 10 بتكونين مدوخه وفيييج رقاد
وبترقدين الليل كله

ماشي غير هالحليين << عن تجربه . ,

نفس الرأي

**المـHــآ** · 2009-09-25, 17:03

والله اني شرات حالتج
اشرب دوا الزجام يدوخني ,, والحينه امخلص

ويوم بغيت اسير اشتريلي امي ما رضت

وخاصتا انه من يوم الاحد دوآمآت[ المدارس ]
والله مب عارفه شو اسوي

**Hno0odah** · 2009-09-25, 17:23

الله يكون بعونجاما انا من عرست وعافان الله ارقادي زاااايد وصايره انام اكثر من اني اقعد

**فتاة_البدو** · 2009-10-01, 06:00

انا نفسج والله

ونفس الحاله بالضبط معني حاااااااولت كل الطرق مافاد اتم الليل فاجه عيوني ومعني هب راقده وايد في النهار << كله من الارق

**Miss ECON** · 2009-10-01, 06:24

حتى انا
الله يعينا

استغفر الله العظيم واتوب اليه

**daray.ma6afi** · 2009-10-01, 06:42

طريقة مجرررررربه
لا تشربين فوق الكوبين شاي او نسكافيه يعني واحد الصبح وواحد العصر وستوووب خلاص
امشي كل يوم نص ساعه واذا آلة مشي خليها سريعه (التعب والرياضه ايخوز الأرق)
تمي منسدحه حتى لو مايتج النومه وصدقيني شعور النشه عالصبح احلى شعور

**حبيته بجنون** · 2009-10-01, 08:10

نفس المشكله ماقدر ارقد مووول مادري ليش
بس يوم ريلي عندي ارقد واذا ماياني الرقاد اتقلب خخخخخخخ
والله عادي اتم 6 ساعات بس اتقلب

**وزاويزو** · 2009-10-01, 09:04

حاولي تمشين لو نص ساعه بعد ما تتعشين خفيف علشان يجدد الاكسجين في الدوره الدمويه وعقب اخذى شور دافي وحطي مرطب وابدي بالترطيب من اسفل الساقين لين فوق واهم شىء الاقدام ركزى المساج على اسفل القدم لمده خمس دقايق ولبسي دلاغ قطن ناعم وانخشى في الحاف واستغفري وسبحى بلمسباح وبييج النوم علطول

**LADY 4 DUBAI** · 2009-10-01, 09:32

ماشاء اللهـ حلول الخوات حلوهـ هههههههههههه ...

ان شاء اللهـ يتعدل رقادج ...(:

||

**الأصالة** · 2009-10-01, 10:28

والله صدقج معاناه اذا ما نمتي فالليل صار لي يومين ما ارقد
ويت البارحه وقلت لا خلاص لازم احل هاي المشكله
وسرت الدوام بدون رقاد اليوم اللي قبله ولما رديت البيت رقدت ساعه وحده بس ونشيت ع صلاة المغرب
كليت وطلعت وتميت امشي وامشي لين ما حسيت اني هلكانه رديت البيت ع الساعه 11 ع الساعه 12 رقدت ولله الحمد لين صلاة الفير

**غربة~** · 2009-10-01, 10:44

كنت أظن اني الوحيدة اللي تعاني هالكثر من سالفة الأرق << خخخخ
اكتشفت ان الكل جيه !!

مشكلتي شراتج بالضبط بس أنا أمي محلفتني ما أبلع و لا حبة منوم!
<< و أنا منطمة و أقول : سمعا و طاعة

ومن سنتين بس أرقد 3 ساعات فاليوم من عقب صلاة الفير لين س 7 أو 8 الصبح لأن عندي دوام فالجامعة ،
و خاصة اني فالسكن يعني كل أسبوع تتغي الشبرية و ما أروم أتعود على هالشيء..

لكن يوم أكون فالبيت ، صح ان ما اييني ارقاااد طول الليل ، لكن أرقد من عقب الفير لين س12 أو س1 الظهر << انجاز ..
(خواتي يوم يعرفون اني سهرانة طول الليل ، يقولون لأميه : عندنا حارس فالغرفة خ خ خ خ )

الله يكون فالعون ..

مرات أنسدح ع الشبرية الساعة 11 أو 12 .. و ما ألاقي روحي راقدة و لا حتى مغفية ، مع إني الحمد لله محافظة ع الأذكار و الاستغفار لكن الأفكار اللي ما اتحل ع راسي إلا قبل النوم تييب لي الأرق فما أرقد ..

و مرة قلت بعوض عقب ما أرد من الكلية ....
قعدت أتجلب من الساعة 11 الصبح لين 7 و ربع المغرب ..
بس أصلي و أرد .. أصلي و أرد ..
و ما شيء فايدة .. عقب بروحي مليت من التجلب ع الشبرية بدون فايدة ..

و حتى يوم وحدة من اربيعاتي تقوللي شو فخاطرج أدعيلج فصلاتي؟
أقولها : إني أرقد 7 ساعات ع الأقل يوميا !!!

الله يصبرنا ..

**ام سالم** · 2009-10-01, 13:14

الله المستعان

شوفن خواتي في اسباب وحلول متعدده

واللي ينطبق على وحده يمكن ما ينفع مع الثانية

التوتر، قلة النوم، اضطرابات النوم, القلق .....الخ

1)قللي من استخددام الاجهزة الكهربائية كلها اي شيء في كهرباء ابتعدي عنه وقت النوم
وخلال اليوم ابتعدي عنه او قللي من استخدامها

يعني حجرة النوم المفروض ما يكون فيها يتلفزيون، مسجل، كومبيوتر واذا لازم فيها المفروض يسكل قبل وقت النوم بفتره طويله علشان الاشعاعات والموجات

الموبايل لازم يتسكر واذا لابد منه خليه ابعيد يعني عالميزتواليت التسريحه يعني

كل شيء امره فكري انتي اي شيء فيه موجات كهربائية نو نو نو

خلال النهار قللي من استخدام الاجهزة الكهربائيه وبتشوفين العجب صدقيني

2)لا تشربين منبهات(قهوة، شاي، غازات، عصائر فيها شكر المصنعه...الخ)
من العصر او المغرب على حسب طبيعة جسمج انتي ادرى

3) اقر القرآن الاذكار كرري اي دعاء هب شرط وقت النوم لأ خلي السانج دايم يلهج بالذكر

4) اتحركي يعني رياضة خفيفة او اشتغلي في التبيت اشوي او نظفي حجرتج يعني ابذلي مجهود

هذا اللي ايحظرني الحينه بس انتي لا تقولين سويت وما فاد ولا مافي فايده

انتي عزمي وصدقيني طبقي الخطوات كلها وبتشوفين العجببببببببببب

**بنفسجية الهوى** · 2009-10-01, 13:27

،‘

شحالج الطيبة

حاسة فيج وكنت شراتج

وحاولت بكل الطرق

بس الحمد لله الحين تعدل رقادي وان شا االله يثبت على جيه =)

حلي يطولي بعمرج تدعين بكـل صلاة انه رقادج يتعدل

و تفائلي انه بيتعدل ،‘

وربج كريم ^،^

وربي يحفظج عزيزتي

،‘

**Mona Murdhi** · 2009-10-01, 13:27

كلنا في الهوا سوااا..

انا من امس لي اليوم راقده بس 3 ساعات و نص ..

3 نمت 6 و نص قمت

والحين احاول ما انام العصر

أبي اعدل رقادي

الاحد مدارسنا ..

الموضوع: النوم ..><

أدوات الموضوع

عرض

المواضيع المتشابهه

أضرار النوم على البطن والوضع الصحيح أثناء النوم؟؟

نعال النوم وقمصان النوم

النوم الليلي ينشِّط الذهن ولا يعوِّضه النوم النهاري

هل النوم بجانب الزوجة في الفراش يتعارض مع الطّهارة المشروعة قبل النوم .}