خوان ريلي:(

**اوتاري** · 2009-09-23, 03:40

مرحبا الغاليات شخباركم عساكم بخيرر

يمكن تقلون مشكلتي تافهه او مكبرتنها واييد اشيا بتخطر فبالكم بس ابا الراي منكمورجاااااااااااااااااءا رجاااااااااءا لي عندها رد يسم تحتفظ به لني انسانه حامل ومستويه اعصابي فمخي>>>قد اعذر من انذر

مشكلتي يا خوااااااااااتي خوان ريلي الشباب جم واحد مب الكل الله يعلم هم طيبييييييييييييييييييييييين وماعليهم كلام وهم عيال خالوه فما مبينا شي ابد بس لي يضايجني منهم سالفة مطبخ وطبيخ انا يوم كنت فبيت اهلي من النوع لي يحب يطبخ ويجرب اي شي اشوفه والحمدالله يعني اعرف اطبخ وعقب يوم عرست ماكنت متعوده ع جو بيت خالوه لن علاقتنا فعمومتي اكثر المهم ماشااااااااااااااءالله تبارك الرحمن دوم يتيمعون اللهم لاحسسسسد خصه وقت المناسبات وتلاقون المطبخ معتفس الحريم كل وحده تطبخ من صوب فالبدايه كنت استحي بشكل مب طبييييعي منهم كلهم حته الريل شوي شوي تعودت وحسيت يعني لازم اسوي شي اول رمضان كنت ادش وياهم المطبخ واسوي اي شي حته لو سويت بس شوي شوي حسيت وااااااااايد نسوي وينجب فقمت اسالهم شو بسون وع حسب ردهم يا اسوي سويت يا طبخه والأخت تمووووووووووت ولاحد يعلق ع شي مسوتنه خخخخ يعني الواحد ياكل ومايرمس حلو والا غيره بس تعبوووووني لي يحب الخضره ولي مايحب لي يحب البهارات ولي مايحب يعني طفرت بمعني الكلمه ماحس شي يعيبهم ابد عذااااب الله يعين حريمهم

المهم عقب بطلت اطبخ فمطبخ الاهل خصه فرمضان واااااااااااايد زحمه والشباب رايحين رادين من اليوع فرمست ريلي يعدل لي المطبخ التحضيري لي حذال ملحقي وحليله ماقصر عدله ورتبه وخذنا كل شي ورديت اسوي خفايف فيه ورمضان ها الحمدالله الله رزقني وحملت وبصراحه اتعب وااااااااااااايد بسبه الحمل والدكتوره مرمستني ابد ما اتحرك ولا اسوي مجهود والريل طبعا مكمل عليها الحين مشكلتي خوانه هم مايعرفون بسالفة حملي لنه مب مبين عليه وماااايخلوني فحالي ما اسلم بسبة سالفة الطبيخ يحسسوني اني ابد ماطبخت من يت وانا بس لو ادش اسبح احس روحي بتطلع احينه شو اسوي هم شباب والله اوقات اتلووووووم وماعرف بشو ارد عليهم ومن منظوري انا بصراحه هالامور ماتخص الريايل احيدها للحريم بس هم يحبون يقفطوني اوقات اطنشهم واقات ما اروم ع لسانهم خصه ان كنت تعبانه

للعلم مطبخي التحضري هالسنه الأهل ماخذينه لأغراضهم يعني مافيه مجال اطبخ فيه او استخدم الفرن احينه شو الشووور هم عبالهم انا مابا اطبخ وبنفس الوقت ماحب ادش اطبخ فمطبخ فيه 10 انا من النوع لي احب اريح عمري يعني مب الكل فوق راسي شو ها وشو محطيه وشوو وشووو صراحه تعذيب طلباتهم..

بلييزززززززززززز لاتقولون مشكله تافهه بس جد احسها مأزمتني وبصراحه عفت الأكل والسبه هالشي

اتريا النصايح ومابا مغثه والا بعصب ترا

المزيد من آخر المواضيع من نفس القسم:

**كلي عطا** · 2009-09-23, 03:45

عزيزتي أنتي مب مجبورة تطبيخين لهم ..

جان تبين تطبيخين اطبخي لج ولريلج ...

ولا تعورين راسج أكثر عن جذه .. اهتمي بعمرج انتي الحينه لأنج حامل ... اهم ما عليج نفسج وريلج ...

**بدايه درب** · 2009-09-23, 06:58

المشاركة الأصلية كتبت بواسطة كلي عطا

عزيزتي أنتي مب مجبورة تطبيخين لهم ..

جان تبين تطبيخين اطبخي لج ولريلج ...

ولا تعورين راسج أكثر عن جذه .. اهتمي بعمرج انتي الحينه لأنج حامل ... اهم ما عليج نفسج وريلج ...

100%

**اوتاري** · 2009-09-23, 04:09

34 فضوووول بس حدرتن الموضوع عنبواااا ليش جي طالبه بيت شعبي هب راي ع العموووووووووم مشكووورات تعبتن عماركن وحدرتن

كلي عطا تلسميلي فديتج وربي يوفقج ويسر امووووووورج

**دلوعة زوجي** · 2009-09-23, 04:30

المشاركة الأصلية كتبت بواسطة اوتاري

34 فضوووول بس حدرتن الموضوع عنبواااا ليش جي طالبه بيت شعبي هب راي ع العموووووووووم مشكووورات تعبتن عماركن وحدرتن

كلي عطا تلسميلي فديتج وربي يوفقج ويسر امووووووورج

هددددددي اعصآآآآبج أوتآآآآري

يمكن الزوار قروا موضوعج مايرومون يردون عليج مب العضوآآآآت ،، حطيلهم عذر فديتج قبل لاتتسرعين

**أم سـ ع ـيـد** · 2009-09-23, 04:15

غناتي هاتيها من الاخير وقوليلهم ريلي حالف عليه ما احدر المطبخ خخخخخخخخ مايبغي ريحتي طباخ ماعليج لا تستحين ...

فديتج ترا هم بعد مايستحون كله يطلبونه ولايقدرون انتي انسانه بس مجبوره في ريلج هب على الكل ...

لا تعورين راسج بالتفكير اهم شي صحتج ...

الله يرزقج بالذريه الصالحه ويقومج بالسلامه ...

**F®asha** · 2009-09-23, 04:16

خلي ريلج يقولهم انج حامل وتعبانه
ما فيها شي
بالعكس جيه بيقدرون وبيستحون يعلقون

**فرفووشة** · 2009-09-23, 04:17

يمكن هالتوتر والحساسية والحاله النفسية الي انتي فيها من الحمل

واصلن انتي مب مجبوره تطبخين حق حد ولا حتا حق عمرج

بس من باب الاحترام والذوق وعاداتنا انج تساعدين ولو شووي

هم شو يخصهم فيج انتي طبختي ولا لا؟

ماعليج منهم المهم ريلج راضي ,, واذا هم يضايقونج كلمي ريلج عشان يحطهم فالصوره وترتاحين

والله يسهل عليج ويرزقج بالذرية الصالحه

**مهاوي الغوى** · 2009-09-23, 05:31

المشاركة الأصلية كتبت بواسطة فرفووشة

يمكن هالتوتر والحساسية والحاله النفسية الي انتي فيها من الحمل

واصلن انتي مب مجبوره تطبخين حق حد ولا حتا حق عمرج

بس من باب الاحترام والذوق وعاداتنا انج تساعدين ولو شووي

هم شو يخصهم فيج انتي طبختي ولا لا؟

ماعليج منهم المهم ريلج راضي ,, واذا هم يضايقونج كلمي ريلج عشان يحطهم فالصوره وترتاحين

والله يسهل عليج ويرزقج بالذرية الصالحه

**بلوندي** · 2009-09-23, 04:19

الله يعنيج حبوبتيه ..

مايحتاي أتعبين عمرج وتفكرين وإنتي حامل ..

طنشي وريحي عمرج وهب مجبوره تطبخين لهم اللي يبا شي يسويه روحه ولا يطلب من خواته ..

وقولي إنج حامل عشان ماتلومين بحد ...

**اوتاري** · 2009-09-23, 04:22

خلاص حبيتكم وسامحتكم صج ما اتون الا بالعين الحمره خخخخ

تسلمووووون فديتكم ع الردود الطيبه والله يعيناا

وربي يرزق كل محرومه بالذريه الصالحه جريب ان شااااءالله

**حبيته بجنون** · 2009-09-23, 04:29

تصدقين تقريبا مشكلتج شراتي حاليا
صرت اكره اني ادخل المطبخ وفيه 10 انفاااار!!!
عندي مطبخ تحضيري واسوي فيه اشيا خفيفه على قدي انا وريلي وبس

بصراحه في رمضان ماحبيت اني ادخل المطبخ لانه زحمه من الخاطر ومن غير زحمة الخدم!!
وانا اول مره ارمض معاهم يعني كان شي يديد عليه انا بصراحه وحده تموووت في الطبيخ
يعني لو اسوي شي بصراحه يعجبهم وياكلونه ويمدحوووون ويشجعوني بس في رمضان تعبت
وكنت اخذ كورس علاج وماقدرت اخاطر واوقف في المطبخ والكل كان ينغزني ويحسسني اني كاني ضيفه اروح لهم وقت الاكل وبس!!! وصرت ماقعد معاهم الا اذا ريلي موجود واذا ريلي مداوم تراني افطر على عصير وحبة سمبوسه وخلاااص!! وعقب امشي حالي باي شي عشان مايقولون اني اروح صوبهم للاكل وبس

وبعد رمضان ان شاءالله ناويه ادخل المطبخ وارجع له مره ثانيه لاني احب اطبخ لريلي وطباخي يعجبه
سواء من غدا ولا عشا....

وانتي ماعليج من شي اهم شي راحتج لين تزول عنج مرحلة الخطر وعقب سوي اللي تبينه
واللي ماتبينه عقيه بحر

**بنوتـــهـ** · 2009-09-23, 04:29

لا تعصبيين عزيزتي !!

خلي الطبخ ليين ماتولدييين .. عشاان تتقلبييين كل شي برووح رياضيه !!

بخصووص أخواان ريلج طنشييهم - شكلهم يحبون ينكتوون ولايدخلوون في مواضيع مالهم خص فيهـآآ شرات ماقلتي - فما علييج طنشي !!

وربي ييسر لج ^^

**دلوعة زوجي** · 2009-09-23, 04:33

اول شي مبرووووووك ع الحمل >> ربي يثبته لج ويسهل ولاااااادتج واترربين بالسلاااامه يارب

حآآآآآآآآسه فيج حبوبتي // وعلى فكره مشكلتج أبد مب كبيره وتنحل بكل بسآآآآآطه

الزم ماعليج صحتج + ريلج
ريلج امقدر ظرووووووفج ،، وصحتج انج اتريحين وماتتحركين ،، فريحي عمرج فديتج وخلي ريلج يفهمهم إنج حآآآآمل واكيد بيعذروونج

ولوووووو لوووووو لوووووو ماعذروج وتموا يفرون رمسه >> طبيييييييهم << ترى فترة الحمل تتغير هرمونآآآآت الجسم والنفسيه تلعب دووور
ولاتعوري رااسج ونفسيتج >> أهم شي بو الشبآآآآآآب فاهم الوضع ورآآآآآآضي

وربي يوووفقج ويسسسسسسعدج ويا بو الشبآب
وايسر أمورج واشوووفج دوووووووم مستآآآآآآآآآآنسه وشآآآآآآآآىقه الحلج

**اوتاري** · 2009-09-23, 05:04

تسلموووووووووووون ع الردود فديتكم وع قولتهم برقد ع اليمب لي يريحني

دلووووووعهزين ماقلت اسمج بالغلط خخخخخخخخ نورتي مشكلتي اقصد موضوعي وشوفتج ذكرتني بالذي مضى في ذاك الزمان

وماشاءالله بيوصل اخووو لبو سنيده

ربي يتمم لج ع خيييييير

حبيته بجنون ترا اقولج انا شراتج احب اطبخ واجرب اي شي يديد بس طلباتهم غير شكل يعني واحد منهم لو بقول مسويه معطرونه بدياي طبعا الدياي تقريبا قطع ومفروم صغااار تعالي هني يحط حططط اونه وين الدياي لي في:\ يعني احط الديايه بكبرها عسب يبين هع ولا تعالي للبرجر حد يباه بس لحمه البرجر والخبز وحد بس اللحم ويا البطاطا ونادر لو يبون فيه خضره هالخضره ازمة حياتهم يعني اشيا غريبه عجيبه بس بسوي طااااف لين يشرف ولي العهد وعقبها خيران شاءالله

وتمسووووون على خييييييير يا بنياااات وياحريمات وعفى الله عما سلف دعواتكم لي وللي فبطني وباباته الله يحفظهم لي

الموضوع: خوان ريلي:(

أدوات الموضوع

عرض

العرض المتطور

خوان ريلي:(

المزيد من آخر المواضيع من نفس القسم:

المواضيع المتشابهه

خوان شما تدروون شو معناها ؟؟!!

ريلي يبانا نكون خوان بس

إللي عندها خوان كشيخة......تحدر

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش