أجمــــــــل يــــــــوم فــــــــــي حيـــــــــــاتي .. عسى ربي لايغير علينا ..

**الناعمة_999** · 2009-09-21, 23:43

السلام عليكم ورحمة الله وبركــــــــاته ..

احبك..

يا من سرق قلبي مني
يا من غير لي حياتي
يا من احببته من كل قلبي
يا من قادني الى الخيال

......
حبيبي..

أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي
.........
تواعدنا..

ان نبقى سوياً مدى الحياة
ان نجعل حبنا يفوق الخيال
ان نكتب قصة حبنا في كل مكان
ان نغسل قلوبنا من نهر العذاب

أجمــــــــل وأحلـــــــــــى يـــــــوم بحيـــــــــاتي ..
كان بتاريخ 23 - 1 - 2008

أكيـــــد كل بنت مستانسه في بيت أهلها ومدللة ومعززة ومكرمة .. وبالبداية تخاف من سالفة انها تترك أهلها وتعيش مع فارس الأحلام ..
أنا بالبداية كنت وااااااااااايد خايفة .. وااايد أفكر .. بس والله لما تعيشون هاي اللحظات تنسون الخوف .. ومع الأيام يصير كل شي عادي .. وتحلى أيامكم .. وبتقولون وينه هذا مايا من قبل عسب يغير حياتي لووووول ..

المهم بحط لكم صور عرسية .. وان شالله تعيبكم ..

أول شي صور الفستــــــان .. كــــــــــــــــــــــان روووووووووووووووووعــــة .. هالكلمة قليلة عليه ..

كـــلكم تعرفون المصمم الإماراتي إلي صمم أغلى فستان في العالم .. وفستانه المشهور معروض الحينه في بريطانيا .. اظن وصل سعره 3 ملايين او أكثر .. وقال انه بيتبرع بهالمبلغ للجمعيات الخيريه ومابيلمس ولا فلس منه ..

ماشالله عليه .. مصمم وأستاذ قمه في الأدب .. ويراعي بنات بلاده بالأسعار .. ماقصر معايه .. الله يرزقة كل خير ويوفقه ...

والله لما دخلت عليه وشفت تصاميمه تخبلت .. قلت له خلاص أحمد أنا ابا البس هالفساتين كلها .. كان خاطريه ألبس فساتينه كلها .. لانها صدق فخمه وراااااقية ..

ثاني شي الكوشة ..

كان لونها وردي + ذهبي ..

وهـــــــــــاي أحلـــــــــــى كيـــــــــكة وأحلـــــــــى سويـــــــــت العمــــــــــر ..

وهــــــاي الشبكة .. والمسكة ( طبعا انا اخترت مسكة ناعمة وبسيطة وأقدر أشلها بإيد وحده على جنب عسب فخامة الفستان تبين أكثر .. لانه لو أخترت باقة او مسكة فخمه وكبيره وتنمسك بايدين بتغطي على الفستان .. ) .. وهذا النعال إلي لبسته .. ياربي تقولون طابوقه .. كان ودي ألبس جوتي كلاسك شوي .. بس مساعدة المصمم ما طاعت وقالت لي انه هالجوتي أنسب وبيحافظ على التوازن عسب ما اطيح لوول .. )

تحنيت عند الحناية فاطمة .. وحناها كان رووووعة ..

والتصوير كان عند استوديو خالدة .. فديتها المصورة اللبنانية ميرفت ماقصرت معايه .. خلت ألبومي يهبببل ... بس الصراحه حركاتها شوي تحرج .. أهم شي عندها الرومانسية والدلع .. لوول

وهييـــــل أحلى ثنيـــــــــن ..

الله لا يحرمني منك ,, ومن حلاك ومن دلالك,,
ماتمنى غير شوفك ,, مبتسم مرتاح بالك ,,
أنت في بالي الأول والأخير ,, لو تغيب شوي توحشني كثير

بدونك العالم ما هو عالم ..

دعواتكم لي لاني حامل وبالشهر الثامن :-) .. والله بيرزقني بولد ^_^ و بسميه محمد ( حمودي ) .. بإذن الله ..

عاد الحينه يالسه اتزهب حق البيبي ^_^ وناسه لوول ..

وبالنهايه أتمنى لكل بنت انها تعرس والله يرزقها بولد الحلال وتعيش أحلى الأيام إلي أنا أعيشها ..

والسموحه منكم ترانية تعبت لين مانزلت هالموضوع ..

الموضوع: أجمــــــــل يــــــــوم فــــــــــي حيـــــــــــاتي .. عسى ربي لايغير علينا ..

أدوات الموضوع

عرض

مشاهدة المواضيع

أجمــــــــل يــــــــوم فــــــــــي حيـــــــــــاتي .. عسى ربي لايغير علينا ..

المزيد من آخر المواضيع من نفس القسم:

المواضيع المتشابهه

,,,متى اول يــــــــوم من ذي الحجـــــــه ؟؟,,,

كـــــــــــم يــــــــوم تعيش الـــ؟؟؟؟

نصيحة لكل الحريم والبنات- إن الله لايغير مابقوم حتى يغيروا مابأنفسهم

طـــــلـــعـــــة بــــنـــوتــــــيـــــة يــــــــوم الـــــــعــــيــــــــــــد

فــــــــــي عيوني