الوحاااام متعبني

**الدنيا لحظة** · 2009-09-20, 23:19

انا حامل وللمرة الثانية والوحااااام وايد متعبني مع انه في المرة الاولى مب هالكثر كارهة الكل ريلي وولدي وغرفتي والبيت وكل شي وكله تعبانه وابي ارقد وماقدر اكل ولا اشرب شي حتى المااااي كارهته وازوعه بليز اللي عندها طريقة تخوز اللوعة تخبرني لاني خذت حبوب من الدكتورة ومافادات فيني بس الابر تريحني فشو رايكم عادي اخذ ابر كل فترة والا لا بليز تعباااانة وابي مساعدتكم

المزيد من آخر المواضيع من نفس القسم:

**اسعد تعيسه** · 2009-09-20, 23:26

اذا فيه راحت ما تاثر..دكتوره كاتبتلج اياها خذيها..

اما الوحام ماله دواء غير الصبر

**دلع بو راشد** · 2009-09-20, 23:34

نفس ما قالت ختى الي قبلي الوحاام ماله علاج الا الصبررر ..

انا كنت نفسج بآآخر حمل ليه .. بس روحت للدكتوره ووصفتلي حبوب آخذهن قبل الاكل بص سااعه .. جيه قدرت آآكل ..

وانتي مداام الاابر تريح اسألي الكتوره اذا تقدرين تآآخذينهن كل فتره واذآ مالهن ضرر ع البيبي ..

الله يتمم عليج ..

**حبيته بجنون** · 2009-09-20, 23:35

الغاليه انا ماماتي كانت تمص عصير مثلج عسب يخف عنها الوحام
وعلى ايامنا كان هذاك المثلج الطوييييييييل فيه الوان وتتم تمصه كل ماحست بلوعه
وتقول فعلا يخفف عنها

جربي مابتخسرين شي

ربي يسهل عليج

**العمر الجديد** · 2009-09-21, 00:06

الله يعينج إختي على الوحام وربي يعدي هالأيام على خير ..

الحال من بعضه ما إلنا إلا الصبر الله يهون عليج يااارب ..

**ام الودايم** · 2009-09-21, 00:36

انا آخذ حبوب حق اللوعة الصراحة وايد وايد ريحتني

واقولون بعد اتنقعين زنجبيل في ماي من االليل لين الصبح وعقب تشربينه استكانة بعد كل وجبة اخفف اللوعة

**أم يوسف 85** · 2009-09-21, 04:48

والله يا الغالية
انتي سألي دكتورتج واكيد اهية بتقولج اذا عادي تاخينهم ولا
احسن يا الغالية علشان تتطمنين

**اسيره الليل** · 2009-09-21, 08:04

سألي دكتورتج واكيد اهية بتقولج اذا عادي تاخينهم ولا
احسن يا الغالية علشان تتطمنين

**fashions** · 2009-09-21, 09:41

عادي حبوبه كل الحريم كذا .. وحطي في بالك انها فتره وان شاء الله تعدي .. احتسبي الاجر ياقلبي ..والوحام مايفيد معاه شي ..

الموضوع: الوحاااام متعبني

أدوات الموضوع

عرض

الوحاااام متعبني

المزيد من آخر المواضيع من نفس القسم:

المواضيع المتشابهه

الوحاااام وماادراكي ماالوحااام

(معقووولة يعتبر نوع من أنواع الوحاااام؟؟)

الوحاااام في الشهر الأول !!

الوحاااام ؟؟؟؟

ياحوااامل ويااامعرسااات..شاركونا بتجاربكم...الوحاااام وما ادراكي ما الوحام...