مساعده؟؟؟؟

**makira** · 2009-09-20, 21:43

السلام عليكم
يا بنات ابا حد يشجعني يقولي كم كلمه تقنعني اني اضعف وتقوى ارادتي
مشكلتي ماعندي اراده انا عمري 15 سنه وطولي 156 ووزني 70
لا تقولون انتي صغيرة عيشي حياتج كل البنات الي قدي ضعاف الا انا متينه ما اقدر البس واكشخ
مثل باقي البنات بس اجوفهم واحط فخاطري واقول متى بستوي جي
حتى امايه اضعف عني والدكتوره قالتلي اذا تميتي جي عادي يستويلج لا قدر الله سكري
حرااااااااااااااااااااام والله بعدني صغيره وابا اعيش حياتي ماشاءالله انا في كل شي اوكي
الا اني متينه ساعدووووووووووني الله يخليكم واذا وحده عندها دايت وهي مجربتنه ينقص كيلوين
في الأسبوع تكتبلي

المزيد من آخر المواضيع من نفس القسم:

**uaepanda** · 2009-09-20, 22:07

بالعكس زين انج تنتبهين على وزنج الحين

صحياً قالتلي المدربة تنزلين كيلو كل اسبوع
واربع كيلو لين 5 كيلو في الشهر ..
وصدقيني الوزن اللي ينزل شوي شوي ما يرد بسرعة ..
لأنج تحرقين المخزون وهذا يحتاج جهد ..

رأيي تخففين اكلج .. تخففين الخبز ..
يعني كلي سندويشة وحدة في اليوم ..
وكلي مشاوي على الغدى .. وسلطة ..
والعشاء خليه شوربة ولا لبن ولا سلطه ..
وألعبي رياضة لو مشي نص ساعة ..
صدقيني بتخسين ..

وربي يوفقج
^_^

**makira** · 2009-09-20, 22:55

شكرا ع مرورج

**cuta** · 2009-09-20, 23:28

حطي شي فراسج وامشي عشانه
هدف معيين يحمسج ومحد بيعرفه غيرج انتي
محد يقدر يحمسج قد ما انتي بتحمسين عمرج بينج وبين نفسج يوم بتحطين اهدافج اللي تبين توصلين لها قدام عينج وتمشين بخطى الدايت عسب توصلين لها

وما بزيد على كلام باندا الامارات شرات ما قالت نظام الاكل والدايت هو المهم

وربي يوفقج

**أم مغاوي** · 2009-09-21, 00:09

راجعي اخصائيه تغذيه على الاقل بتراقب وياج جدا مفيد للي ماعندهن اراده

بتخافين بتحسين حد بيحاسبج وان في حد لازم بيشوف نتيجتج

اسهل طريقه ودري العيش وكلي مشاوووووووي ان شاءالله صحنين بس بدون خبز

وروب ولبن عصائر على طول بينزل الوزن يوم اليمعه بس كلي عيش

وامشي تحركي او شاركي في جيم

الحمد الله انتي انتبهتي على عمرج من وقت

ماترييتي لين توصلين العشرين وتندمين عقب

من الحين حاولي تسيطرين على وزنج

مايبالج تنزلين وايد بس 20 تقريبا

خلي هدفج كل اسبوع تنزلين اكثر شي 2 كيلو
في الشهر اربع اسابيع ======== اربعه ضرب 2 يساوي 8 كيلو

يعني في خلال شهرين او ثلاث تقريبا بتوصلين للوزن المطلوب ان شاءالله

واذا مانزلتي مثل الخطه عادي المهم مع الرياضه

بتقل قياساتج اللي بيشوفج بيقول ضعفتي

وثيابج بتوسع وهذا الاهم

والاحلى فيه وزنج مايرد بسرعه

انا قبل سنوات شاركت في جيم شهرين نزلت 8 كيلو بس
لكن المقاسات نزلت

وتم وزني ثابت سنتين تقريبا مازاد

سهله مع التخطيط السليم والاستمرار ربي بيوفقج

**makira** · 2009-09-21, 01:09

مشكووووووووووووووووووورييييييييين على النصايح
الله يوفقكم انشاءالله

الموضوع: مساعده؟؟؟؟

أدوات الموضوع

عرض

مساعده؟؟؟؟

المزيد من آخر المواضيع من نفس القسم:

المواضيع المتشابهه

طلب مساعده

طلب مساعده

ابي مساعده