ريلي والموت

**منال الشريف** · 2009-09-20, 00:53

السلام عليكم

بنات صارت حق ريلي سالفه تخوف والسالفه وما فيها إنه ريلي من أسبوع سوا حادث فظيع يقول بدون سبب السياره تمت اتلف به وسط الشارع على خط بوظبي العين وفجأة انجلبت فيه ثلاث أربع جلبات وآخر شي اسكنت عطرف الشارع

يقول السياره ما اتشاهد ومستويه قوطي وما يعرف كيف طلع منها ما صارله شي يا غير إيدينه انكسرت لكن إلي مخوفنه إنه طول ما السياره يالسه تنجلب به كان هو يالس يغني مقطع من أغنيه كان يسمعها وهو يسوق ويقول كلما انجلبت السياره جلبه كلما صوته تم يرتفع زياده وإنه يحاول يسكت ويقول شي ثاني وألا يدعي ما رام كان يحس إنع عقله يقوله أسكت بس لسانه يتحرك اروحه

ويوم طلع من السياره كان يتنافظ حتى من الرهبه ما رام يوقف عريوله ويلس فالشارع وكان بعده يغني ويتنافظ وواحد من الريياييل إلي وقفوا سياييرهم يوم شافه على هالحال يلس حذاه يقوله تعوذ من إبليس ويقوله كلام يردده ويقول إنه غمض عيونه و تم يقول شرات الريال فجأه سكت ويلس يحمد ربه إنه ما مات ذيج الساعه ويقول إلي قاهرنه إنه شي ناس كانوا يصورون إلي صار وهو صوته كان وايد عالي وهو يالس فالشارع حذا السياره ويتنافظ ويغني

يوم خبرني بالسالفه خفت وثلاث أيام ما رمت أرقد لأني أنا إلي معلمتنه عالأغاني من كثر ما أشغلهم وايد في البيت والسياره حتى عيالنا محفظينهم أغاني وايد بس هو حلف عليه من هالك اليوم ينه الأغاني ما تدخل البيت وأنا من خوفي من الي صار وافقت بدون ما أناقش
أصعب شي لو كان مات على هاك الحال

نحن عايشين حياتنا عادي لا ملتزمين ولا متحررين وسط بس ادعولنا الله يهدينا نحن محتاجين

الله يحسن خاتمتنا وخواتيمكم أجمعين

المزيد من آخر المواضيع من نفس القسم:

**رعبوبة99** · 2009-09-20, 00:56

الله يهدي ويحفظ يميع المسلمين والمسلمات ياارب

**Bluebutterfly** · 2009-09-20, 23:29

المشاركة الأصلية كتبت بواسطة رعبوبة99

الله يهدي ويحفظ يميع المسلمين والمسلمات ياارب

**جلكسي وردي** · 2009-11-15, 18:39

المشاركة الأصلية كتبت بواسطة رعبوبة99

الله يهدي ويحفظ يميع المسلمين والمسلمات ياارب

**AL-Doomah** · 2009-09-20, 00:57

تستاهلين سلامة ريلج ختيه ><!

الحمدلله ربي سلمه

والله يهديكم ويهدينا

**حرمه يديده** · 2009-11-17, 15:28

المشاركة الأصلية كتبت بواسطة AL-Doomah

تستاهلين سلامة ريلج ختيه ><!

الحمدلله ربي سلمه

والله يهديكم ويهدينا

**منال الشريف** · 2009-09-20, 01:00

الله يسلمكم يارب ويهدينا أجمعين

**غاايه** · 2009-09-20, 01:03

الحمدالله ع سلامته
الله يهدي الجميييييييع يااارب

**shamma** · 2009-09-25, 04:41

المشاركة الأصلية كتبت بواسطة غاايه

الحمدالله ع سلامته
الله يهدي الجميييييييع يااارب

**عائشة الكندي** · 2009-09-20, 01:03

خليه يودر هالاغاني اللي ما تنفع

ويسال الله الهدايه وحسن الخاتمه ..

**still night** · 2009-09-20, 01:05

حبوبة سبحان الله هذه يمكن انذار حق ريلج وحقكم الله يهديكم ويهدي الجميع والحمد الله عالسلامة

**خزامة** · 2009-09-20, 01:24

المشاركة الأصلية كتبت بواسطة still night

حبوبة سبحان الله هذه يمكن انذار حق ريلج وحقكم الله يهديكم ويهدي الجميع والحمد الله عالسلامة

الحمدلله على سلامته،،والله يحسن خاتمتنا،،
وان شا الله يكون لكم من الحادث عظه،،وسبب للهدايه،،
الله يوفقكم ويثبتكم،،

ذكرتني باللي مات وكان يردد هل ترى الحب سكاري مثلنا!!! عفانا الله!!
بس الحمدلله ربج يبالكم الخير !!!

**اللهم اغفر لنا** · 2009-09-20, 01:27

المشاركة الأصلية كتبت بواسطة still night

حبوبة سبحان الله هذه يمكن انذار حق ريلج وحقكم الله يهديكم ويهدي الجميع والحمد الله عالسلامة

**cute uae** · 2009-09-20, 01:29

المشاركة الأصلية كتبت بواسطة still night

حبوبة سبحان الله هذه يمكن انذار حق ريلج وحقكم الله يهديكم ويهدي الجميع والحمد الله عالسلامة

سبحان الله

الحمدلله على سلامة ريلج يا أختي

**~همس العين~** · 2009-09-20, 15:20

على سلامة ريلج ..

و ذكرتيني بقصة قريتها و شفتها مقطع فيديو وايد مؤثرة

(هذا الرابط : http://www.o2oo.com/flash/taif.htm )

و يللا ^^ ،، ابدوا بداية يديدة و صفحة يديدة و اتركوا عنكم الاغاني اللي ماتفيد ^^ ،،

و نسأل الله حسن الخاتمة

الموضوع: ريلي والموت

أدوات الموضوع

عرض

العرض المتطور

ريلي والموت

المزيد من آخر المواضيع من نفس القسم:

المواضيع المتشابهه

عيون احمد بين الحياة والموت

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش

بين الحياه والموت...ارجوكم