المره هذي ظلمني

[أختها]

السلام عليكم

زوجي مو من النوع إلي يمد يده صحيح كانت بيننا مشاكل قبل لكن عمره ما ضربني حتى الفتره الأخيره تحسنت علاقتنا كثير خاصه بعد ماغير نظام عمله وبعد ماحملت

لكن إلي صار إنه من أسبوع تقريبآ طلع من البيت معصب من مكالمه جت على مبايله وطول الليل أتصل فيه وما يرد ولما تأخر الوقت خفت عليه وجلست استنى فيه في الصاله والعيال نايمين جمبي وأول ما دخل جلس يصرخ علي وسألني عن جوالي وأعطيته هوه وكسره قدامي وأخذ الأرضي وبرضه كسره بعصبيه وكان يسب ويصارخ لدرجة إني ما عرفت وش كان يقول ما حسيت إلا وهو يضربني حتى العيال صحوا على صوت الصراخ والتكسير مفزوعين وجلسوا يبكون وهو ولا همه ولا راعا حملي شدني من شعري وصفعني ما أدري كم مره كان بس يصرخ وأنا ما كنت فاهمه ساعتها حتى وش يقول

ولما علا صوت العيال أخذهم للغرفه الثانيه وصك عليهم الباب وأخذني لغرفتنا وسبني بكلام ماتعودته منه وقفل علي بالمفتاح وحبسني وترجيته يفتح طنشني ومن الألم نمت ما أدري كيف وبعد كم ساعه فتح الباب وراح
وقتها ماستوعبت وش إلي قاعد يصير وماقدرت أدافع عن نفسي لأني أول مره أشوفه بالحاله هذي

جلسنا ثلاث أيام مانكلم بعض ورابع يوم تكلم من نفسه وقال إنه كان فاقد أعصابه وماكان في وعيه وإنه نادم على إنه ضربني وإن حل مشكلتنا اننا ننفصل وإنه ما رح يندم على قراره ولما سألته وش ذنبي أعطاني مبايله أقرى مسجات وصلته وانصدمت من الي شفته وقريته وحلفت له مليون مره على المصحف إن الكلام هذا كذب وإني المره هذي مظلومه وإنه ضربني بدون مايتبين وحتى قلتله ياخذ جواله للشرطه ويشتكي هناك رفض وقال إن رحت وش بقول لهم والله حبيب المدام يراسلني وإنه سمعته أهم عنده من المسخره هذي
وضل مصر على الإنفصال بس قال إننا مارح نطلق علشاني بنت عمته وعلشان العيال وما أدري إيش وبيظل عايش معانا وزواجنا بيكون بس قدام الناس

أنا ما ألومه من حقه لكن ماتوصل للضرب وأنا حامل وبعدين هو ظلمني المره هذي صحيح الشخص هذا كنت أعرفه زمان لكن تركته برضه من زمان وتحت عينه والكلام إلي كاتبه تبلي وما صار حتى غيرت أرقامي وأبتعدت عنه وحاولت انشغل بزوجي وعيالي وبس حتى أهلي ابتعدت عنهم وعن مشاكلهم علشان أبقى لزوجي وأحافظ على نفسي وبيتي لكن وش أقول حسبي الله على الظالم

المشكله إني مو عارفه كيف أثبت لزوجي كذب الإنسان هذا ولا كيف أرجع ثقته أنا ما ودي إننا ننفصل أو ابتعد عنه لأنه حياتي تغيرت على يده وفي نفس الوقت ما ودي إن الشخص هذا يحقق هدفه بأنه يفرق بيني وبين زوجي خرب سمعتي قبل وألحين راجع يتبلى علشان يخرب بيتي

حتى عيد مثل الناس ما رح نعيد والسبه هالنذل أحس إني خسرت كل شي في الدنيا والسبب طيش وهبل خسرت كل شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية