حالتي حاله من بعد هالحمل \

**خوول** · 2009-09-16, 03:00

السلام عليكم ورحمة الله وبركاته
ابا اكتب هني عشان افضفض ويمكن اشوف حلول او ردود اطيب خاطري شوي
خواتي انا ولله الحمد حامل بحملي الاول وانا في الاسبوع 29 تقريبا
والله كااااااارهه عمري ومستحيه من ريلي ,.,, اعرف انه شي عادي وانه معظم الحريم اللي يحملن يصير لهن نفس الشي بس انا ما ادري ليش متعقده ... تبون تعرفون شو سالفتي ؟
طول الله بعماركن انا قبل ما احمل وزني كان 74 كيلو وكان واااااايد مناسب مع طولي وجسمي كان وايد اوكي وعايبني انا وريلي (للعلم هالوزن وصلت له بعد ريجيم سنتين ومحافظة عليه).. و اول الحمل نزل وزني لل 72 تقريبا .. بس من دخلت الشهر الخامس ما ادري شو صار .. شكله جسمي تخبل كل اسبوع كيلو بالمعني الحرفي كل اسبوع كيلو الحين انا في الاسبوع 29 و وزني تقريبا 90

واااااااااااااااااااايد وايد متضايجه .. احاول اراقب اهلي بس ايووووووع وايد .. شو اسوي يا ناس ، بديت اسوي ريجيم بس مب قاسي بس بطلت النشويات والحلويات و وايد ايوع .. وبديت امشي شوي شوي
ادري اني هذربت وايد بس مسألة مضايجتني .. حتى عقدت بريلي من زود ما احاتي هالشي ..
وفوق هذا الاسمرار في مناطق الجسم .. و ولهتي على لبسي الاولي .. و خفة حركتي
احس بشكلي انخسف و ما البس بحالي .. اشوف عمري خسفة من حملت

بسكم وايد قرقت فوق روسكم
اسمحوا لي ,.,., بس يا ريت اذا وحده شرات حالتي تقول لي ..يمكن نواسي بعض
وسلام

المزيد من آخر المواضيع من نفس القسم:

**روح الماضي** · 2009-09-16, 03:05

يابنت الحلال ليش مضيقه بعمرج هالشي طبيعي انتي حامل ولازم يزيد وزنج والرجيم لاحقه عليه ان شاء الله عقب ماتربين ومع الرضاعه الرجيم بيكون اسهل ووزنج بيرد بسرعه ولا تنسين ان الحمل يخلي الحرمه تخزن سوائل بجسمها وهالشي وايد يزيد الوزن وعقب ماتربين ان شاء الله بيطلع هالماي...

تعوذي من الشيطان ترا الحامل احلى مافيها ربربتها وكروشتها الحلوه هاي اروحها تسوى ملاييييين ..

وتحملي كل شي عشان اللحظه الي بتشوفين فيها نونوتج الحلو....

**هدوية** · 2009-09-16, 03:17

فديتج والله الوضع اللي انت فيه ترا عادي.. اختي الكبيرة وقت ولادتها وصل وزنها 100 كيلو .. وانا بعد وايد زدت في حملي بس اللي خفف شهيتي السكري ياني في السابع وجان ايود عمري شوي عن الاكل ..

بس والله امسات قاعدة اطالع صورة لي مع ريلي وانا بالثامن .. ياربي عالخسافة والسواد .. والله شكلي يخرع ريلي احلى مني بوايد خشم وارم والويه اشلح معفن .. بس شو نسوي كله في سبيل اليهال واي فديتهم والله احلى شعور تعيشينه .. وبعد الولادة بيروح الوزن والسواد .. بس عليج بالرضاعة الطبيعية نصيييييييييييييييييييييييييييحة لاتقطعيها ترا والله ترتب الجسم

**حبيته بجنون** · 2009-09-16, 03:19

ليش مضايجه بعمرج فديتج؟؟ هالشي طبيعي يصير لكل ام

واحنا المتاخرات نتمنى هالشي يصير لنا اليوم قبل باجر ومايهم لو زاد الوزن او
تغير لون البشره اهم شي الضنى وريحته ويوم تشلينه بين ايدج
ااااااااااااااه احس احلى اللحظات.... بعدين بتشتاقين للحمال ولشكلج اللي مب عاجبنج الحين

دعواتج لنا وربي يحفظج والبيبي معاج بحفظه ورعايته ^^

**فـرح** · 2009-09-16, 03:26

عااادي حبيبتي وزنج بيرد نفس ما كان
بعد الولادة

**خوول** · 2009-09-16, 03:27

هييييييييه والله هذا الكلام اللي يبرد القلب

مشكورات فديتكن والله يسهل علي حملي و ولادتي ويخلي لكن عيالكن ويرزق كل وحده متزوجه يا رب
حالات الضيج والاكتئاب هاي تسير وترد علي
بس دعواتكم لي فهالعشر ا لاوخر
مشكورات فديتكن

**حلوه و مره** · 2009-09-16, 03:27

والله حبيبتي السالفه ما تسوى ولا تظايجين بعمرج ترا هالشي طبيعي يصير ولازم تقتنعين ان هذا كله عشان البيبي وعقب كل هذا بيزول انا حامل واول مره وكان وزني 50 وتخيلي الحينه صرت 70 يعني عشرين كيلو وانا الحينه فالثامن بس ان شاء الله عقب الربا برد جسمي حطي هالشي فبالج ان جسمج لازم يرد شرا ماكان واحسن بعد
ادعوووووووووووولي الله يسهل ولادتيه يارب ويسهل على كل حامل يارب

**خوول** · 2009-09-16, 03:32

شكورة فديتج
ان شاء الله يروح بالربى
و امي ناوية لي نية بعد ما اربي .... اون ريجيم قاسي بتسوي لي

**يالله أحبك** · 2009-09-16, 03:34

الله يسهل حملج وولادتج وولادة كل حامل يارب وتفرحون بلى عطاكم رب الكون ولد او بنت

وترى كل هالاشياء حبوبة عادية ولا ضايقين بعمرج وبيرد كل شى يوم تولدين

**الشوووخ** · 2009-09-16, 03:35

لا يالغالية لا تقولين هالرمسة وخاصة جدام ريلج لأنه لو هو مب ملاحظ بتخلينه يلاحظ ويفكر ...
بالعكس خليه يحس إنج محتاجه للأكل والتغذية المفيدة للبيبي ... والله يسهل عليج وبتشوفين إنه وزنج بيرد مثل قبل
إذا ما أهملتي نفسج ... أنا من النوع المليانة شوي يعني مب دبة في ولادتي الثانية عقب ما كملت 3 شهور كان بطني لاصق في ظهري ...
والحين !!!! الله يتمم حملي على خير إن شاء الله ...

**اغلى ناسي m** · 2009-09-16, 03:41

هالشي طبيعي انتي حامل ولازم يزيد وزنج والرجيم لاحقه عليه ان شاء

**سما دبي 2** · 2009-09-16, 04:01

الغااليه ترى هب زين الرجيم حززه الحمل واصلا مجرد شعوورج باليووع وانتي حامل اعرفي ان الياهل ناقصنه غذى وقله الاكل ياثر فاليااهل جيه ولا جيه بتمتنين فالحمل هاشي لاا مفر منه انا كان وزني 57 والحين 77 وانا فالشهر السابع الله يعييني بس مااقدر عاليووع يابووج المشكله احساس اليووع هاه داايم

**مشاعر الروح** · 2009-09-16, 04:08

سيمسيم والله يقومج بالسلامه

**n3noo3ah** · 2009-09-16, 04:24

زييييييييييين يوم في وحده حست فيني وحطت موضوع كنت ابغي احطه من زمااااااااااان
عيل انا شو اقوووووووول عن عمري
اول ما حملت وزني 84 والحين 94
كااااااااااااارهه عمري والسوااااااااااد حدث ولا حرج
وما اداني البس ولا احب اكشخ كله احس بعمري خسفه ومهما سويت ما بستوي حلووووووووة

نفس معاناتي

**ليدي برد** · 2009-09-16, 07:11

للرفعع

الموضوع: حالتي حاله من بعد هالحمل \

أدوات الموضوع

عرض

حالتي حاله من بعد هالحمل \

المزيد من آخر المواضيع من نفس القسم:

المواضيع المتشابهه

طمنووووووووووووني ... حالتي حاله دخييييلكم

حالتي حاله من البارحه

حالتي مب حاله

حالتي حاله

الناس عيد... وانا حالتي حاله..