شو اسوي معاه

[الراضية المرضية]

السلام عليكم خواتي

مشكلتي اهي ريلي

ما يحبني احط مكياج خاصة الروج حتىانه اول ما شافني يوم العرس قالي اغسلي ويهج حتى انه ما رضى يشوف البوم العرس
و لا يباني البس كعب
و لا البس بنطلونات و جريمة ان لبست بنطلون جنز
و لا يريدني اروح الصالون

شو اسوي معاه .. احس اني صرت غبرا ..

كيف اتزين عيل .. خبروني ؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ساحرة العيون]

هو من ايام الملجة جذي ولا الحين
ليش ما تحاولين اترمسينه بالزين وقوليله انج اتسوين هالشي له بروحه مو حد ثاني وانتي تقدرين اتاثرين عليه باسلوبج
الله يكون في عونج

[الراضية المرضية]

انحن ما عندنا ملجة زواج على طول يعني ما شفته إلا بعد العرس
المهم إن هذا الموضوع عنده من المحرمات :1 (82): و مب من كثر التدين لكن تفكيره جذيه و الله المستعان

[شمس الامارااات]

مثل ما قالتلج اختي
حاولي اتكلمينه ان ها الشي له هو بس
في وايد رياييل جي يحطوم اوامر ويحرمون الي يبونه بدون سبب
الله يعينج

[يا ورد]

حي الله الراضيه المرضيه

الغلا شحالج ...

على حسب الكلام اللي اشوفه احس عندج مشكلتين

اللي هي المكياج ...واللبس

اول شي بنبدا في اللبس ...لان هالمسأله هينه

لغاليه انتي اول شي لازم تطاوعينه في هالشي .... شحلاتها الحرمه بالتنوره و القميص

او الجلابيات ...

صدقيني البنطلون امر مب وايد مهم عشان يسوي مشاكل بينج وبين ريلج....

السالفه الثانيه المكياج ...هذا يباله يلسه بينج وبينه و تعرفين الاسباب

و حاولي تقنعينه انج تتعدلين عشانه هو وعشان اتمين حلوه بعيونه

واذا بتحطين حطي شي خفيف ...مثل الجحال البسيط و الايدشو الخفيف وقلوس شويه

والله ايسر لج امورج =)

[قهوه]

حي الله الراضيه المرضيه

الغلا شحالج ...

على حسب الكلام اللي اشوفه احس عندج مشكلتين

اللي هي المكياج ...واللبس

اول شي بنبدا في اللبس ...لان هالمسأله هينه

لغاليه انتي اول شي لازم تطاوعينه في هالشي .... شحلاتها الحرمه بالتنوره و القميص

او الجلابيات ...

صدقيني البنطلون امر مب وايد مهم عشان يسوي مشاكل بينج وبين ريلج....

السالفه الثانيه المكياج ...هذا يباله يلسه بينج وبينه و تعرفين الاسباب

و حاولي تقنعينه انج تتعدلين عشانه هو وعشان اتمين حلوه بعيونه

واذا بتحطين حطي شي خفيف ...مثل الجحال البسيط و الايدشو الخفيف وقلوس شويه

والله ايسر لج امورج =)

كلامج صحيح

[لاليك]

الله يعينج اختي..
موضوع اللبس انا مع اختي العضوه يا ورد...
وبخصوص المكياج حبيبتي في ريايل ما يحبون الوان ع ويه الحرمه يشوفون الجمال الرباني احلى بمليون مره من المكياج..بيني وبينج انا معاه بهالنقطه..
بس انتي بأسلوبج ودلعج تقدرين تغيرين هالشي فيه..يعني مثلا" ابدي بمكياج خفيف ما يبين وايد..الريايل ما يلاحظون يعني بيشوف فيج شي تغير بس ما بيكتشف..ويوم بيسألج قوليليه انج متعدله بيعجبه.. وعقب بيخليج وانتي عاد بالتديج عوديه..

وبخصوص الصالون خلي الحرمه تيج البيت لا تروحين..جي لا تزعلينه ولا تحسين عمرج غبرا لوووول..

[Lipsy]

حبييتبي اللبس مقدوور عليييه وحتى المكيااج ترا الشباااب يحطون في بالهم انهم من البداايه يكونوون شدييدين عشان باجر يقول لو خليتها تحط مكيااج بس في البييت بيطور وبيصيير يوم تطلع بعد عشان جيييه يمنعه من البدااايه لاتلوومينه الغاليه بس من الي يشوفونه ومايباج اتكونين شرااتهن كلنا شرااتج هذا لا وماتحطيين بعدين صكووو ...والله يهديييه ويصلح بينكم

[الأميرة2]

الغالية..اذا تقصدين ما يحب البناطلين بالطلعات فهذا مختلف عن البيت

شوفي بالضبط الي يظايجه

اذا في البيت عادي..هالسوالف اتيي بالتفاهم
واذا يقصد بالطلعات بعد..يمكن لان عباتج مفتوحه او يحسها تحدد جسمج
واكيد هو لو ماتهمينه ما بيعطيج هالملاحظات وبيشله في خاطره وبيتنرفز من اقل الامور

الرياييل بالذات الي ما تكون شي فترة تفاهم بينهم وبين حريمهم ايام الملجه يكونون كلهم نفس تفكير ريلج

لا تحاتين..هذي سوالف سطحية ومش مهمه

اما عن المكياج..فشوفي الكشيخات..مكياجهم ما يبين ان مكياج

ليش لان الحينه الدنيا ماااشيه على الالوان الهادية جدا الي ما تنحس

كريم اسا او بودرة..وجحال ومسكرة وجلوس لحمي

وشووووفي كيف انتي قمر..انتي اكيييد قمر بس بينور ويهج اكثر بالسمبل وشوي شوي

يمكن يتغير

اهم شي انتي في بداية حياتج ولا تخلين هالامور البسيطه تنغص عليج ايامج

والسموووووحه

[L@dy M@ke_Up]

حاولي تحطين مكياج خفيف ما يبين وبخصوص الملابس ولبس الجينز ..
تراها هب أكبر المشاكل
شحلات الفساتين وملابس الدلع

[في قلب زوجي]

انا ريلي تقريبا نفسه احط المكياج اله الروج مااحط!!!!!!! وطبعاً خفيف مكياجي

وعن البنطلون عادي عنده الى بشرط ! البس نفس لبس كويتي القميص طويل الين تحت الركبه عادي و عبايتي يا مفتوحه ولا امسكره ع الطرف

[الراضية المرضية]

مشكورات خواتي على الردود و ما قصرتوا الصراحة جميعكم
ريلي عنده قناعة أنه اللي تحط مكياج هى حرمه من الدرجة الثانية على حد تعبيره
يقول الجحال يكفي و أنا من طبعي حتى قبل الزواج ما احط مكياج إلا على أخف الخفيف

الشئ الثاني أنا ما البس بناطلين بره البيت بس داخل البيت و مش معقول اتم بالتنورة و القميص أو الجلابية طول وقتي و ما البس الجنز إلا نادر لكن بنطلونات القطن الناعم
لكن المشكلة يوم نسير نزور هله و كل حريم اخوانه كاشخات بالمكياج و انا لا .. شوي مربكة

على العموم مشكورات مرة ثانية و يزاكن الله خير و باحاول اتفاهم معاه و عسى خير

[العذوب]

مشكورات خواتي على الردود و ما قصرتوا الصراحة جميعكم
ريلي عنده قناعة أنه اللي تحط مكياج هى حرمه من الدرجة الثانية على حد تعبيرهيقول الجحال يكفي و أنا من طبعي حتى قبل الزواج ما احط مكياج إلا على أخف الخفيف

الشئ الثاني أنا ما البس بناطلين بره البيت بس داخل البيت و مش معقول اتم بالتنورة و القميص أو الجلابية طول وقتي و ما البس الجنز إلا نادر لكن بنطلونات القطن الناعم
لكن المشكلة يوم نسير نزور هله و كل حريم اخوانه كاشخات بالمكياج و انا لا .. شوي مربكة

على العموم مشكورات مرة ثانية و يزاكن الله خير و باحاول اتفاهم معاه و عسى خير

شوفي حبوبة .. كنت بقول لج إن قناعة زوجج هي الغلط موب إنتي ..

والسالفة هذي عايشتها فترة طويلة مع خطيبي وللأسف أنا اللي جنيت على نفسي وتركت الميك أب في البداية من كثر ما حبيته ..

شوفي الغناة .. مسألة الالحاح ما بتفيد ... والحنّة ما بتغير شيء


إنتي عليج بالعكس ..

يعني خلي الانتقاد والتوجيه ايي من برا ..


شوفي ..

سيري عن خواته .. واطلبي منهن يعقن نغزات عليه في زياراتكم ويقولون له : فلان بلاها حرمتك غبرا؟؟

والا فلان اتجمل في حرمتك وودها الصالون .. عنبووه حنا ماف ايدها وهي عروس



خلي الانتقاد من أهله موب من أهلج .. لأنه إذا يا من أهلج بيكون قوي في حقه


وإذا سرتي عرس .. خذي الميك أب في الشنطة وقبل لا تحدرين سيري الحمام اتمكيجي .. وإنتي ظاهره اغلسيه .. ع الاقل جدام الحريم




سالفة البنطلون بقولج الحل فيها


البسي بيجامات طفولية وبناطلين قطن أشكاال البيبي .. وشوي شوي البسي جينز


عموما مسألة البنطلون موب بذيج الاهمية ..


الميك أب هذا الحل المناسب .. والصالون بعد ..


اطلبي خدمة المنازل .. ممكن يكون حل مؤقت ..



وبالتفاهم كل شيء يستوي



إنتي بس فكري بحلول ثانية غير الحنّة والرنّة لأن الريال يعاااند

[fno0on]

الله يعينج والصراااحة ساعات يكونووون بداية العرس جي وعقب عادي بالاقناع لا تسكتين واتقووولين ان شا الله...

حاولي مرة ومرتين وثلاث

[قرموشة]

اقول تراج معوره راسج بلا ويع
وسويه من الحبه ابه
ابويه طيعي ريلج لنه جنتج ونارج
وما عليج من كلام الناس الي ما يودي ولا ايب
شوه محلى الجحال بعيونج وتفنني فيه مب لزم اي شدواء كل الالون تقول مهرج طالعه
ولا لون خفيف هادي وقلوس لمعه على الخفيف
وعلى سالفة البنطلين هذي وجهة نظره ولازم تحترمينها
يمكن ما يحب تنكشفين على الناس بهل البس