ماجستير إعلام

**شعر حرير** · 2009-09-10, 00:08

بنات دخيلكن وين أقدر أدرس ماجستير

أنا خريجة إعلام وين بحصل جامعه عندهم ماجستير إعلام

لاني دورت ف موقع التعليم العالي مالقيت غير جامعة الشارقة

يعني لازم اتغرب وادرس ف الخارج

هلي مب راضين ادرس ف الخارج , وأنا ميته ع الدراسه لاني لاشغله ولا مشغله

ع الاقل مااتم ف البيت واتحسر ع السنين اللي مرت من عمري

دخيلكن بنات اللي اتعرف عن الجامعات اللي فيها ماجستير إعلام ماتبخل علي

وادعوا لي يتحقق حلمي واحصل شهادة الماجستير ف أيدي , وأرضي ربي وهلي

المزيد من آخر المواضيع من نفس القسم:

**شعر حرير** · 2009-09-10, 00:25

وين الردود
والله قهر حتى المنح اللي للاعلام بس حق تخصص الترجمه
وأنا أبا أدرس إخراج
صح سوق العمل يبون ترجمه
بس الاخراج ف دمي
بنات وين اروح وين اقدر احقق حلمي

**[ صمت ]** · 2009-09-10, 00:32

للأسف ما عندي علم
بس بسأل ، جربتي دورين شغل
لاني ودي اعرف اللي يتخصصون اعلام عادة وين يشتغلون ؟
الله يوفقج يا رب و يحقق لج اللي في بالج ..

**كتوف حبك كتوف** · 2009-09-10, 00:43

ماشااءلله علييييييييييييييييييييييييييج اتمنى ادخل مجال الاعلام بس للاسف

........

الله يوفقج حبيبتي ... هاذاك اليوم شفت اعلان ف دبي عن جامعه الاعلام ف الجامعه الامريكيه لي ف دبي

><" حاولي تسالين مخرجه وتاخذين منها العلوم لي تبينهن !!.. لاني اشوف دايما يحطون ايميلاتهم

=]

**شعر حرير** · 2009-09-10, 00:50

مشكورة اختي صمت على ردج واسلوبج الراقي
اللي يدرس اعلام مجالاته واسعه
ممكن يشتغل ف التلفزيون أو الاذاعه او الصحافه وعندج أقسام العلاقات العامه والاعلام في أي مؤسسة او جهه حكوميه ، طبعا ع حسب المساقات اللي درسها الطالب
وبالنسبه للشغل دورت لينما عيزت
وطبعا ماحصلت ع جونا هذا غير ضربة الشمس وخساير حق الباركنات والبترول والغصه
بس كل تأخيره وفيها خيره
نحن طبعنا بس نتذمر ماندري انه لكل شي حكمه يمكن ماحصلت شغل عشان أكمل دراستي ويمكن مابوفق بين الاثنين

الله كريم

**شعر حرير** · 2009-09-10, 00:54

كتوف مشكوره غناتي
اسمج غريب
ان شاء الله والله يوفقج بعد

ماادري احس اني بدرس ف جامعة الشارجه رغم اني مب متشجعه
بس بتاكد أكثر من التعليم العالي اذا الماستر لكلية الاتصال من جامعة الشارجه معترف فيه ولا
وان شاء الله تتسهل اموري واحصل منحه دراسيه لاني من امارة بوظبي والشارجه يعطون حق جوازات الشارجه بس

**كول بيبي** · 2009-09-10, 09:37

شوفي جامعة محمد بن راشد للأعلام

**شعر حرير** · 2009-09-11, 02:27

هلا كول بيبي
غناتي ماحصلت اسم جامعة محمد بن راشد للاعلام ضمن الليسته المعترف فيها ف موقع التعليم العالي وحتى الديوان

واللي اعرفه انها توها يديده ف مااعتقد عندهم ماستر عندهم بس بكالوريوس

**najoool** · 2009-09-10, 09:50

اختيه انا سجلت فجامعه الشارجه وبعد ماخلصت الرسوم وكل شي

ردوا عليه انه الاولويه للي معدلهم 3 و اللي اقل لازم يخضعون لشروط ومنها التوفل الله يغربل عدوهم

**شعر حرير** · 2009-09-11, 02:29

نجول ثانكس ع مرورج
معروف الماستر اغلب الجامعات ماتقبل اقل من 3
وبعد ازيدج من الشعر بيت جامعة الشارجه عندهم اولويه حق اللي ماخذين البكالوريوس من عندهم

**الذربة** · 2009-09-12, 01:38

جامعة زايد فيها ماجستير إعلام وسياحة .. ما عندي تفاصيل عنه .. بس اتصلي فيهم واسأليهم .. وادخلي موقعهم قسم الgraduate studies .. www.zu.ac.ae

**شعر حرير** · 2009-09-13, 01:17

شكرا الذربه
بس غاليه جامعة زايد
الماجستير عندهم ف حدود 120 ألف

**قلبي أمي** · 2009-09-13, 03:31

بس فيه ماجستير بالعربي طارحينه في جامعة الشارجة

**^حلـى قلبـي^** · 2009-09-13, 08:51

انا بعد ودي بماجسيتر اعلام وانا خريجه جامعه الشارجه بس مب متحمسه ارجع ادرس فيها وفوق هذا معدلي 2.85 يعني توفل وحاله .. ف محتاره وين ادرس ؟؟ وماقدر ع تكاليف تكسر الظهر ولو اداوم بعد بقدر ع التكاليف

**ميميته** · 2009-09-13, 20:08

><

اوف من هالمعدل اللي مسوي ازمه ف حياتي
,,

صرآحه انا قريت شوي عن ( اكاديميه نيويورك للأفلام ) في دبي ,, حسيت انها انسب مكآن
لكن يبالج تروحين وتسألين عنهمم ,, واذا تقدرين تاخذينه ولا لا ,, وردي خبرينآ =)

الا صج انتي خريجه اعلام اي جامعه !!

اذا من جامعه الامارات عندي لج مليون الف سؤال ^.^ أولهآ وين ادربتي قبل التخررج !؟؟

:$ السموووحه

الموضوع: ماجستير إعلام

أدوات الموضوع

عرض

العرض المتطور

ماجستير إعلام

المزيد من آخر المواضيع من نفس القسم:

المواضيع المتشابهه

. بنـات كلـيات التقنيـة ., ( تخـصص إعلام )

طالبة ماجستير صارت خريجة ماجستير

محتاره في تخصص الماجستير وانا خريجة إعلام

قانون ولا إعلام ولا إدارة