محتاره وين اتميج؟!!؟؟!!

[redmoon]

السلام عليكن ورحمة الله وبركاته

اشحالكن؟

بسالكن وين اتمكيج حق عرسي؟ عند شمس والا عند هيفا؟ ولا عند منو؟

والله محتاااااااااره واريد احجز قبل ما يقولون لي ماشي حجز

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

[اسامي الحلوه]

الصرااحه اناااا وايد نصحزني اتمكيج عند ندى الي ظاهره من صالون مورا الكريم اساس مالهاااا روعه الصارحه انا شفت ع وحده من اهلنا؟والحين حجزت عندها مكياج وشعر ب4500

[redmoon]

اختي كانت مسويه مكياجها عندها يوم عرسها بس ها كان سنه 2004 بشهر واحد يعني الحين من اكثر من 3 سنوات، بس انا ما احس انها غير من ملامح اختي يعني ابدا ما برزت شي فيها

بس خبريني ها سعر بالقاعه والا بالصالون؟ واذا بتييج بتييج على وين لان بعضهم يسعرون على حسب المنطقة؟ والبروفه مجانيه والا عليها سعر؟ وياليت اذا بسعر تخبريني بكم؟
واخر طلب ياليت اطرشين لي رقمها على الخاص لان من فتره ادوره، قلت بجرب مكياجها اذا تغير والا لا؟ وبعدين الا هي بروفه مب خسرانه وايد

اسمحيلي عاد اسئلتي ووووووووااااايد

[شذى الألحان]

مرحبااا السااااع


انا ثنتين من اهلنا تعدلن عند نبيــله

واتووقع الاغلبيــه يعرفووونها

مكياااجها مااا عليه كلااام صرااااحه

كااان خياااالي

وناويه احجز عندها ف العرس ^_^

وكانت يايه لين راااك ب 3500

[أكذب من اسراب]

هيفا صفر ماعليها كلام سيري عندها ...*_*

[redmoon]

مشكورات على الردد

[الجنيبيه دوت]

فاطمه آل علي بعد ما عليها كلام انصج فيها

[DUBAI_FM]

زرينه في صالون ايمان

[redmoon]

ياليت ال عندها صور لفاطمة و زرينه تحطها

[قلب دار الحي]

زرينه مكياجها مستوي ارف نصيحه لا اتسيرين عندها .. وحده انعرفها ماشاء الله عليها حلوه بس والله شو خسفتها يوم العرس.. قبل كانت اتمكيج حلو الحينه بصراحه لا..
جربي ريحانه احلى بعد هي في صالون ايمان بجميرا.. حتى ندى مكياجها حلو

[shamoos]

زررررريييييييييييييييييييييييييينة لا لا لا ، مكياجها فيلم رعب والله ما ابالغ اختي سوت عندها يوم عرس ربيعتها وسوت اسبيشل بعد ، طلعتها مثل نازك السلحدار في مسلسل ليالي الحلمية. بوصفلكم بالتفصيل:

كريم الأساس: مليوون طبقة
الشادو: مسحوب لين الاذن
الي لاينر: كان حاطينه باصبع الابهام
الروج: الالوان الغامجة مال الثمانينات أو ايام عرس امي يمكن، يعني مب ال Glossy
البلاشر: كانه صافعنها جني اعوذ بالله
الرموش: مكشة مرت ابو سندريللا
و كل شي ولا اللماعي (جليتر) نسيت اخبركم كانه ليتات عيد الالوان مال هنوووود (ديولي)

باختصار طلعتها حيزبووووونة مع ان اختي حلوة فديتها، وبعدين غسلت ويهها وروحها تمكيجت

تبين بصراحة المكياج الراقي ، روحي عند نبيلة أو عايدة المازمي

[مبتسمه]

عذبه ما في غيرها وإن شاء بتطلعين قمر . عن تجربه .

[فديت أمي وأبوي]

الحين زرينة طلع مكياجها يخرع؟؟
ما احيد ماشاء الله عليها تنطلب في اعراس الكبارية وكم مرة شايفة مكياجها

هيفا صفر مكياجها ثابت على الجميع ما تغيره بس حلو ونظيف وعلى فكرة حسب الشكل اذا ملامحج حلوه بتكونين احلى

ندى شفت مكياجها من شهر ما عيبني مول لاني ما احب احكم على الشي مرة وحده فيمكن ربيعتي ملامحها صعبة على ندى

المازمي لا تعليق ما عجبني لاني شافة مكياجها من سنتين يمكن الحين مكياجها صار ارقى واحلى لكن للامانة ما شفتها للحين

عذبة مكياجها حلو بس تراها تبالغ في الالوان وكريم الاساس والحين الموضة الخفيف البسيط مب الدفاشة

من فترة حاضرين عرس وحده ابوها من كبارية دبي
تخيلو العروس كيف مكياجها .... كريم اساس حلو ومرتب وآلاينر وروج احمر فاقع بسسسسسسسسسسسسسسس وتسريحة فرنسية الي هي الامواج
وكانت ماشاء الله عليها طالعة كلاسيك وراقية والكل تم يتكلم عن اناقتها وبساطتها

لان الناس الحين ابتعدوا عن الالوان الثجيلة والسموكي المبالغ فيه
حلاة الشي البسيط والي يبرز ملامح العروس بشكل جميل

لان في عرايس الله يهديهم عيونهم ما تبان من كثر الشدو الي على عيونهم


احيد مرة شفت البوم وحده معرسة كانت جميلة وبيضاء وشعرها اسود ماشاء الله عليها
مكياجها خفيييييييييييف لدرجة كبيرة ولابسة عدسات زرقاء لون بيبي بوي وشكلها يجنن
تحسين انها صغيرونه وهادية وايد عجبني شكلها وستايلها

[redmoon]

انزين كم رقم عذبه وهي من وين؟ وبكم تسوي المكياج ويا التسريحه؟ وياليت اذا في صور تحطونها؟

ومشكوورات على الردود وبانتظار اراء البقيه