دخيلكم اباكم بسرعه

**هدوء القلب** · 2007-04-05, 12:53

اشحالكم بنات شو اخباركم دخيلكم اباكم تخبروني شو انواع الاطعمه اللي لازم الام الحامل تجنبها خاصه في شهور الاولى من الحمل اللي لا قدر الله تسبب الاجهاض مثلا انا سمعت ان العسل والاناناس تسبب اسقاط الجنين وشو بعد حد يعرف شو الاطعمه الثانيه دخيلكم ساعدوني صحيح اني مب حامل بس بعد لا زم ناخذ الحيطه والحذر والسموحه

المزيد من آخر المواضيع من نفس القسم:

**أم الذيب** · 2007-04-05, 12:56

مرحبا اختي هدوء القلب

اما العسل بصراحة محد قالي انه يسبب اجهاض والرسول ومن قبله القرآن قالوا انه شفاء وانا كله كنت آكل عسل ما صار علي شيء الحمد لله

لكن اللي انا متاكده منه هووه القرفة اذا كلتيه بكميات كبيرة وخاصة في 3 شهور الاولى والاناناس بعد

لأنه ختيه قالتلي لو تبين الدورة تنزل بسرعه وتنقص ايامها كلي اناناس وفعلا انا جربت والله لا يرويكم خخخخخخخخخخخخخ

تحياتي

أم الذيب

**dubai girl** · 2007-04-05, 15:12

الزنجبيل و التونه والبابايا والشمام والجرجير والروبيان

**قوية ماتنصاد** · 2007-04-06, 01:59

درب درب درب

مرحبا بج هدوء القلب
نورتي المنتدى ..

طاب حالج ربي يعافيج

الله يسلمج هيه نعم بخصوص العسل ..
مجرب
في بداية الحمل هيه يسبب اجهاض .. وماعليج من اللي يقولج مايسبب اجهاض تراهم ما يبونج تحملين ...خخخخخخخخخخخخخخ

مااقصدكم أعضاء المنتدى أكيد

المهم اللي انا اعرفه ..
الأناناس
الشمام
العسل

تيك كير فديتج ...
وسوالم

**أم شمـه** · 2007-04-06, 02:12

هلا والله

فديتج الا سمعته انه يسبب الاجهاض الملفوف

**cute me** · 2007-04-06, 03:14

هلا الغاليه ...
اهم شي تحاشي التوابل والجرفه ...

**][ro7 al7b][** · 2007-04-06, 12:44

انا سمعت انه الانا ناس يسبب اجهاض..
ماعندي فكره..بعد..:22 (19):
الله يثبت حملج ان شاء الله...

**أنستازيا** · 2007-04-06, 13:49

اسئلي دكتورة أضمن لج وأحسن والله يرزقج الذرية الصالحة

**LuLeTa** · 2007-04-06, 13:53

ماادي بس انا الي اعرفه الانناس ماسمعت شي ثاني ممكن يسبب
بس انا اقولج ابتعدي عن اي شي يمشي البطن
من زهورات اعشاب وعسى الله يرزقج الذريه الصالحه وتترسين البييب عيال
=)

**Barbey** · 2007-04-06, 23:18

أناناس كيوي التمر السمك الربيان العسل و الأشياء الحاره وااايد بس ها كله ممنوع في حالة حدوث نزيف فقط أما إذا كان كلشي تمام فعادي أنا قاريه ورقه من عند أوراس فيها ها المعلومات

**قوية ماتنصاد** · 2007-04-08, 11:25

الماي يقولون هب زين للحوامل...

حرام عليكن مابقيتن شي .. كل شي قلتولها ممنوع ... الباجي اتقولولها " الماي هب زين للحوامل"
لوووول

وسوالم

**رقة وأنوثة** · 2007-04-10, 12:25

إذا أكلتي باعتدال إن شاء الله ما بيكون إلا الخير... ولا تغامرين في الحمل... يعني اللي خايفه منه بعدي عنه.

**التفاح الاخضر** · 2007-04-10, 12:58

لا تشربين زعتر لانه يهيج عنق الرحم هذا الكلام من فم دكتورة مصرية

**اليامي مريامي** · 2007-08-03, 17:10

بالتوفيق اختي

**مزمزنه** · 2007-08-14, 03:03

هلا الغاليه ... القرفه و الرشوفه و الاناناس ... و الفيفاي و الردبول و النط و الركض و اول ما اتحسي مبايضج تنغزج و بطنج من تحت يعورج بشرينا و الزعتر و و تمي على الفواكه و الخضره و اهم شي الحليب ترا نقص الكالسيوم يسوي مشاكل

الموضوع: دخيلكم اباكم بسرعه

أدوات الموضوع

عرض

دخيلكم اباكم بسرعه

المزيد من آخر المواضيع من نفس القسم:

المواضيع المتشابهه

تعالووو اباكم بسرعه

بنات اباكم تجاوبون ع سؤال ربيعتي دخيلكم..

بنات دخيلكم عالخاص اباكم

دشو بسرعه اباكم في بكلمة راس يا حريم

اباكم اشوروووون علي دخيلكم يالمدرسات و العضوات