تصويت تأجيل آلمدآرس

**دنيـآ دنيَـه** · 2009-09-06, 06:03

آلسلـِآم علييييكم ورحمــِهـ آللـِهـ

مرحبآنـي آلسآع

حبيــِت آحطلكم رآبط آلتصويت

عسب آلتأجيل

آلصرآحـِهـ مآ نبي تأجيل ملينآ من قعـِدة آلبيت وآحس مآلهـ دآعي

http://www.emaratalyoum.com/Pages/default.aspx

هذآ آلرآبط

وآتمنى آلتصوتون ع آلي آتجوفونه صح

يعني بس المدارس هم الي بيمرضون

يعني الجامعات والكليات والدوامات مابيمرضوون

بليييز صوتوا صح

يعطيكم آلعآفيهـ

لـِآ هنتوآ

..<؛

المزيد من آخر المواضيع من نفس القسم:

**كافي جراح** · 2009-09-06, 06:08

شكرا اختي ع الرابط

**anoOna** · 2009-09-06, 06:12

هييه و الله صح كلامج جي بس المدارس بيمرضون و الجامعات و الدوامات و الي يرحون
المولات و يطلعون !!!!!
صدق ملينااا و مابا تأجيل و مانبا نضيع سنه كامله ع عمارنا

**الملكـة** · 2009-09-06, 06:16

حبيبتي محد قال عن قعدة البيت شي ...

بس الناس خايفة على عيالها ..

انا بنتي عمرها 3 سنوات ونص وهالسنة بتسير الروضة ..

خايفة على بنتي من هالمرض ولا هي مستانسة تبي تسير ..

ومثل ما الآية تقول ولا ترموا انفسكم الى التهلكة ..

يعني انا اطرش بنتي وانا حابستنها طول الصيف في البيت حتى السوق ما رمت اوصله بس عن المرض وآخرتها اطرشها الروضة تلقين سواق الباص ياي من السفر محد يدري عنه اذا هو حامل ولا لا ..

ونفس الشي بعض المدرسات يمكن سافرن ولا شي .. والفراشات بروحهن صوب ..

طبعاً غير اليهال اللي ممكن يكونوا حاملين المرض ومحد يدري عنهم ..

شو الكالف على عمرنا نطرش اعيالنا ونقعد نحاتيهم من يطلعون من الباب لين يدشون ..

الواحد يحفظ نفسه احسن ..

والمرض الحين موضوعه بسيط .. بالشتا راح ينتشر بشكل فظيع لانه البيئة الباردة بسرعة ينتشر فيها المرض ..

اسمحيلي حبيبتي اذا طولت عليج بس لا تجمعون بكلامكم وانتوا ما تدرون بظروف بعضكم ..

يمكن البعض يبون التأجيل للراحة ويمكن البعض يباها حفاظاً على سلامة اليهال ..

**8نوف8** · 2009-09-06, 06:20

توقعت تصويت رسمي

طلع تصويت الامارات اليوم !!

الله يحفظ اليميع

**هموسة الحراير** · 2009-09-06, 06:25

نتائج الاستفتاء للحين في جردية الإمارات اليوم

نعم في كل الإحوال
46.12 %

نعم حتى يتوفر اللقاح
35.29 %

كلا لأن المخاوف من الانتشار لاتقتصر على المدارس
11.51 %

قطعا لا
7.08 %

**غرنـوقهـ** · 2009-09-06, 06:33

تم التصويت

بس ملينا من قعدة البيت

واذا المرض الله كاتبنه بينا ترى بي لو كنا ف البيت حتى

المرض مثل النسمه ف الهوا

**دنيـآ دنيَـه** · 2009-09-06, 06:36

آلملكة :
آنزين فديتج بنتج في آلروضة يعني مآ تدرس ولآ تتعب يعني نحن آلي بتضيع علينآ آلسنة وآذآ ع روضة لآنه آلآطفآل مآعندهم منآعه يآجلون لهآ وخآصة آلتطعيم مآ بشملهم يعني لين متى نقعد في آلبيت لو في البيت لو مكتوب لج بصير

(( قل لن يصيبنا الا ماكتب الله لنا ))

سنه كآملة آتضيع علينآ مو حرآم وبعدين نحن آلي بنتعب وخآصة آلثنوية آلعآمة مآ بيقدرون يتنفسون
وآلسآئقين وآلفرشآت لأزم يفحصونهم قبل

وتسلمين ع المرور

آلله آلمستعآن

<؛

**anoOna** · 2009-09-06, 06:39

اذا ع الي فـ الروضه تراهم جي و لا جي مايتطعمون و اصلا مايدرسون دراسه
يعني خله يأجلولهم

اما نحنا ثنويه عامه مانبا نضيع علينا سنه !!
و تعتقدون اذا اجلوا المدارس بيخف المرض ؟؟

ترا حتى لو انتوا ف البيت بيكم بييكم لو اللله كاتب

يلا بنات كلكم صوتوا ضد تأجيل الدراسه ملينا الصراحه

**دنيـآ دنيَـه** · 2009-09-06, 06:53

anoOna

فديييتج ..خشمج
><

صح وآللـه آلتآجيل مآ بيبعد آلمرض بآلعكس بيزيد آلنآس بتمرض محبووسة في البيوت

<؛

**افناان** · 2009-09-06, 07:14

المشاركة الأصلية كتبت بواسطة anoOna

اذا ع الي فـ الروضه تراهم جي و لا جي مايتطعمون و اصلا مايدرسون دراسه
يعني خله يأجلولهم

اما نحنا ثنويه عامه مانبا نضيع علينا سنه !!
و تعتقدون اذا اجلوا المدارس بيخف المرض ؟؟

ترا حتى لو انتوا ف البيت بيكم بييكم لو اللله كاتب

يلا بنات كلكم صوتوا ضد تأجيل الدراسه ملينا الصراحه

انا بعد ضد التاجيييل

**m&mz** · 2009-09-06, 07:21

بنات اللي معارضات التأجيل

لا تفكرون بس بعماركم

نحنا نقول يأجلون بس لين يتوفر اللقاح ويجربونه لانيمكن يكون له اثار على صحةالناس
حتى الطلاب الكبار ,,,وفيه طلاب عندهم امراض اللي عنده ربو واللي عنده سكري والقلب ,,,المرض بيكون عليهم اشد خطوره ,, مافكرتو فيهم؟؟
انتو ملانين من البيت وتبون تدرسون بس فكرو شوي بأهاليكم اللي خايفين عليكم وبالطلاب المرضى شو بيستويبكم اذا تأجلت الدراسه شهر ؟؟ مابتخترب عليكم سنة كامله قلنا الا شهر

**روح بيبي** · 2009-09-06, 07:38

مي تو ثآنوية عآمة وصرآحة ما فيني تضيع عليه السنه ..!!

قلنآلهم أجزوا الصغآرية والكيجي يعني اللي ما يتحملون ..

بس نحن ثآنوية بيضغطوووووووونآ عقب وآآآآآآآآآآآآآآيد

وانا صوت تأجيل لين اللقآح يوصل ..

واصلآ بيوصل نص 9 ودوآمنهآ نهآية 9 يعني ما نبآ تأخير اكثر

والله يبعدنآ شر هالمرض والله يشفينآ يآرب

**دنيـآ دنيَـه** · 2009-09-06, 07:48

يعني آلنآس مآبتمرض آلآ بآلمدآرس

يعني آلكليآت هم لآزم يآجلون لهم لآنه هم مدرسيهم من آلخآرج آجآنب يعني عآدي يكونون حآملين آلمرض

آتمنى عدم آلتآجيل

**قصايد الهاملي** · 2009-09-06, 07:50

بس بس عاد يكفي اجلوا المدراس بما فيه الكفايه وماقصروا

ان شاء الله محد بيستويبه شي

واذا المرض الله كاتبنه بينا ترى بي لو كنا ف البيت حتى

المرض مثل النسمه ف الهوا

الموضوع: تصويت تأجيل آلمدآرس

أدوات الموضوع

عرض

تصويت تأجيل آلمدآرس

المزيد من آخر المواضيع من نفس القسم:

المواضيع المتشابهه

آلمدآرس الخآصـــة في رآآك ..

تصويت بشأن تأجيل المدارس لجريدة الامارات اليوم ادخلوا و صوتوا..

\\ آحلـــــــــــــــــى شنــط لبنـــــآت آلمدآرس و آلكليـآت .. الكمية محدوده \\