ستارتي الغبرا

**بنبونه** · 2006-04-27, 03:04

السلام عليكم
خواتي انا مشكلتي ويا هالستاره
انا ستارتي ستايلها جديم من هذيل مال المجالس الكبار اللي يكون خشب مربع من فوق ملبس بقماش الستاره

ومشكلتها انها تجمع الغبار واااايد
بغيت ابدلها بس ذوق سي السيد مب راضي عايبتنه
والمشكله انها بغرفة النوم
وانا عندي حساسيه من الغبار ودايما اعاني
انظفها بالمكنسه الكهربائيه بس شغله متعبه

واوني امس بتفلسف خذت هاي ام الريش اللي تمسح الغبار وبدال ما اجحلها عميتها

الحجره خاااست من الغبار
وانا للاسف ما عندي غير غرفه وحمام بيت اهل زوجي..
شو الحل؟؟؟
وشو اسوي وياها
اتريا ردودكم
ويا على بالي اني ابلل فوطه وامسح فوقها مادري هالطريقه تنفع ولا لا؟؟

والغبار اللي يتجمع فوق الكبت كيف انظفه
اعاني من الغبار شغلته ما توقف ...

الحين بتقولون حجره وجيه هاي يوم بتطلع في بيت شو بتسوي:1 (25):

المزيد من آخر المواضيع من نفس القسم:

**أم الـغـالـي** · 2006-04-27, 20:13

عزيزتي

بالنسبه للستاير نحن اذا حبينا ننظفهن نغسلهن يعني نحدد فتره نشل فيها الستاره ونقتلعها من جذورها علشان نغسلها وتنظف وتصير جديده مشاء الله

**فرولة الإمارات** · 2006-04-29, 01:42

سلام عليج اختي
الحل هو تحددين يوم في الاسبوع يكون يوم التنظيف عندج طبعا قصدي ان كل يوم نظفي التنظيف العادي بس يوم التنظيف ونظفي بالمكينة الغبرة من على الستارة وفوق الكبت وبعدين تمسحين الليتات والبنكة اذا عندج و المكيف والحمام وجذية ما بيتراكم الغبار فوق بعض ويكون تنظيفة زهق وبتخفين عنفسج وانشاالله فاديتج

**بنبونه** · 2006-04-29, 22:49

مشكورين خواتي عالمرور

***أم اسمـــا*** · 2006-04-30, 01:38

اختي شوفي اذا الستارة من النوع اللي يتبطل كامل ويرجع يتركب
اذا عندج شيفون بطليه وغسليه لأنه هوه أكثر يجمع الغبار..
والستاره وديها اللاندري عسب ما تقفط<< تنكمش في الغسيل

أما الكبت سويلج يوم وهاتي فوطة مبللة ومسحيبها فوقه..

الحين بتقولون حجره وجيه هاي يوم بتطلع في بيت شو بتسوي

اختي شغلة الغبار شغلة.. عندج بيت ولا حجرة كلها شغلة تراها
انا عندي حجرة بس لكن شوفي كيف يتجمع الغبار.. انظف الصبح ..
[09]العصر القى الحجرة ممزورة غبار[/09]
وعلى هالحال الحمدلله من غير الصغارية وشغلهم روحه كوم

**بنبونه** · 2006-07-22, 07:58

الله يعطيكم العافيه

**غزال الدماني** · 2006-07-22, 08:09

هذا الغبار مسوي شغله

خدامتنا تمسح البلاط الصبح ... العصر ولا جنه حد منظف !!! يرد من اول ويديد

أما عن الستاير فالبنات ماقصرن وياج

والسموحه

**لوليانو** · 2007-10-13, 22:38

الله يعطيكم العافيه

الموضوع: ستارتي الغبرا

أدوات الموضوع

عرض

ستارتي الغبرا

المزيد من آخر المواضيع من نفس القسم:

المواضيع المتشابهه

انتي يا ذويقة ادخلي عطيني افكار ازين فيها ستارتي البيج لغرفة اطفال

ستارتي وبنتي والصبغ

اذا ستارتي حمرا مخمل -------ارجو الرد

تعالوا بقص عليكم حكايتي مع ستارتي