المهر......

**اذكروا الله** · 2009-09-05, 14:48

امهات المؤمنين كان مهرهن 400 درهم انصح اختج تسوي نفس الشي

واذا على الزهبة تشوف شو تحتاج عشان تغطي تجهيزات العرس

**أم فطامي 2009** · 2009-09-05, 14:59

أب أب

بس انصحيها ماتزيد ع 100 الف لانه الاسراف حرااام وحلو تبدا بدايه ورب العالمن راضي عنها

**بهلولة** · 2009-09-05, 15:04

مهري كان 20000 مثل ما القانون حدد
والمؤخر لا شئ
والزهبة عبارة عن شنطة فيها كم قطعة على كم عطر

بس الحمد لله رب العالمين بارك لي في ريلي وعيالي
وعوضني عن كل شي
الحمد لله الحمد لله الحمد لله

**دلوعي** · 2009-09-05, 15:09

الله يتمم عليج بالخير ويوفقج يااااااااااااااااااااااااااارب

**قلب تعبان** · 2009-09-05, 15:09

ما عرف والله بس لا تكلفين ع الريال واااااااااااايد

**عذبه راك** · 2009-09-05, 15:16

عندنا المهر 20 والزهبه 50 وفي ناس يبون 200 الف *____*

ومصاريف العرس من فندق وهالسوالف عالمعرس وعلى حسب الاتفاق ..

**lollypop.84** · 2009-09-05, 15:24

المشاركة الأصلية كتبت بواسطة مس UAE

100 ألف يكفي ...

للزهبه والمهر ...اذا بغا الريال يزيد من عنده فخير وبركهـ ...
ولا تنسين بهل 100 بتاخذين الذهب وفستان وشغل الصالونات ...

والله يوفقج ان شاء الله

**نور حياتي** · 2009-09-05, 15:59

انا اشوف 80 الف مهر و زهبة و ذهب يكفي و يزيد

اهم شي تسوي لها لسته بالاشياء اللي تبغيها وما تكثر

وصدقيني اقلهم مهرا اكثرهن بركا

** حليوة ** · 2009-09-05, 16:36

أنا إختي كان مهرها 50 ألف + الزهبة وأخواني ما اشترطوا على الريال شي المهم يعيش إختي
معززة مكرمة ........... وعاد أنا ارتبشت ما بيسدن البيزات ملابس وذهب وتجهيزات العروس واااايد
يبالها بيزات وإحنا السوق عندنا غالي مب نفس قبل ...... وآخر شي سوينا لسته بالأغراض
ولا كثرنا فالملابس لأنه بعد العرس بشهر ونص بيكون العيد وبتشتري إللي تباه ما دامها عند ريلها
وتصدقن زاد من البزات 10 ألاف وأم المعرس خذت مقاسات الملابس وسوت زهبة بروحها لإختي
وشلتها تختار قطع للتفصيل وتجهيزات ليلة العرس من فستان وغيره كان على أهل المعرس .......... والحمد الله إختي عايشة مرتاحة بيت ريلها

**ارماااني انا** · 2009-09-05, 16:48

انا بس مالجه

المهر 250000

طبعا طقم الالماس كان عليه وساعه كارتير الماس كلفه 77000

**هنوف القلب** · 2009-09-05, 16:54

اعوذ بالله !!

اللي مهرها 120 الف وزهبتها 40 الف !!!!!

وقسمآ بالله ما ألوم الشباب يوم ما يبغون يعرسوون أو ياخذوون أجنبيات..

غرتكم الدنيا ونسيتوا كلام أطهر خلق الله ( أقلهن مهورآ .. أكثرهن بركة ) ..

وبعدين المفرووض نحكم عقوولنا .. ليش أكلف ع الريال وهو بيصير ريلي .. ليش أثقل عليه بالطلبات والديوون !!

مع احترامي للكل .. ترى البنت ما تتثمن بمهرها وزهبتها .. !!

الله يهدينا ويصلح امورنا

**قصة فلانة** · 2009-09-05, 17:44

مهري 150 الف ..

100 الف زهبة ..

50 الف مهر .. << ريلي محدد المهر و الزهبة

بس الاحسن 100 الف .. هذا مهر خواتي ..

و السموحة ..

**القمر 2002** · 2009-09-05, 17:45

لو انا مابيهمني كم يعطيني لأني مافكر بالفلوس لكن اعتقد 100الف وتحت مهر وزهبه معقول والحمدالله عندنا الخير وزياده لكن مانقول نقدر ندفع والله موسع علينا الاسراف مذموم والواحد يفكر بعقله ويعمل لآخرته مب لدنياه فقط

بعض البنات ماترضى بالقليل بس عشان تقول مهري كان ومهري كان عقلهن صغيييييييير هذا بيكون ريلج لازم من البدايه ماتثقلين عليه واشوف الي تطلب واهلها يطلبون اسمحوووووووولي مب شايفين خير وتفكيرهم بالفلوس

**ريحه المسك** · 2009-09-05, 18:22

مهري 20 وزهبتي 40 واهلي ساعدوني وزادوني وهو بعد زادني

بس ليش اختج مسويه سالفه المهر لج والزهبه بعد ماله داعي تكبر الموضوع وتذكري اقلهن مهرا اكثرهن بركه

**بـنـوتـه** · 2009-09-05, 18:34

100 ألف المهر مع الزهبه مع تجهيزات ليلة الحنا مع الذهب ..

الموضوع: المهر......

أدوات الموضوع

عرض

المواضيع المتشابهه

المهر

المهر

المهر !!!!!

المهر