معلومات للدايت وايد مفيييييده

**dala3rak** · 2009-09-05, 01:30

اول شي قبل ما اقول أي شي عن النظام هذا ... انا نزلت على هالنظام 6الى 7 كيلو بس ماستمريت عليه..ادري غبية ..وبصراحه انا وايد اهملت عمري الفترة الاخيرة ..انا عن نفسي انزل وزن بسسسسسرعه بس ما اعرف ليش صايره مهمله وايد...المهم
قبل كل شي واهم شي انك ماتحرم نفسك وظروري تدلع نفسك من ناحية نوع الوجبة..يعني التنويع ظروري عشان ماتمل...
بالنسبة للماي ..مب غلط انك تشرب ماي وايد قبل الاكل مع الاكل او بعد الاكل ..لان المعلومه اللي تقول ان الماي يزيد الوزن ويظهر الكرش غلللللط وانا سامعه دكتور يقول هالشي وانا بعد استغربت وايد لان طول عمري مقتنعه بهالمعلومه لكن طلعت غلط بالعكس الماي يصفي الجسم من الدهون وفي فترة الدايت ممكن يصير للواحد جفاف الماي يخليه احسن ولاتنسى انه يساعد على تليين البطن احححم..المهم بالنسبة للجاي الاخضر طبعا مايحتاي امدحه وايد تقدر تدخل قوقل وتقرى عن فوايده
الجاي الاخضر ابسط معلومة عنه انه يحرق الدهون وينزل السوائل من الجسم ويمنع الامساك ويوم تشرب منه كوب مثلا اتحس انك كل شوي تبا تروح الحمام..لاتخاف مب عشان العوده خخخخ لا بس اتحس ان كل شوي تبا تبول وسوري عالكلمه
هذا دليل على ان مفعوله وايد زين ويشغل الكلى ويحرق الدهون وتنزيل السوائل من الجسم معناته الوزن ينزل واول مابتلاحض انه ويهك بدا يظعف...المهم بالنسبه للسناك ..بين الوجبات يمكن تحس بيوع في عندك وايد شغلات ممكن تاكلها اذا حسيت انك يوعان ..عندك الشابورة تنباع في السوبر ماركت تكون خاصه مال دايت حتى في ككاو مال دايت تروم تاكله بس مب كل يوم او ممكن تشرب جاي اخضر كوب كبيييييييير...او تسويلك سلطة وتحط فيها كل انواع الخضرا اللي تحبها
المهم اني الحين عند الاشيا اللي بتحتاجها ولازم تشتريها من السوبرماركت
1سكر الدايت انا خذت السكر اللي مرسوم عليه بينك بانثر (النمر الوردي)
2كورن فليكس بتحصله في قسم الدايت.
3حليب nsvitaنسفيتا وااااااايد اوكي اذا بتشرب كل يوم الصبح كوب عشان البطن يعني عشان مايصيرلك امساك..
4الشابورة طبعا لاتنساها .
5تونا بس التونا اللي بالماي والملح مش بالزيت انتبه
6تركي مدخن بتلاقيه في قسم اللحوم قول للريال انك تبا تركي مدخن صدر سلايس يعني مرتاديلا(لانشون)خذ كيلو مثلا واحتفظ فيه فالفريزر عشان مايخترب لانه حده الاقصى 3 ايام فلو حطيته بالفريزر مابيخترب وبيتم فريش اسبوع...
7الجاي الاخضر اهم من كل شي
8خبز اسمر + توست اسمر اللي يكون غاااامج مب فاتح لان الفاتح مخلوط معاه طحين ابيض اما الغامج يكون كله الياف وعبارة عن نخالة القمح
9جبن سلايس مال دايت ومب قليل الدسم انتبه خذ منزوع الدسم
اهم شي يكون متوفر زيت زيتون وليمون حق السلطة معروف عن زيت الزيتون انه مب ثجيل مثل باجي الزيوت ومايرفع الكولسترول ولا يزيد الوزن اذا خذنا منه شووووي يعني مانكثروالليمون ظروري عشان تحب السلطة لان السلطة بدون ليمون ماتسوى..
10عصير برتقال بتلاقيه في علبة كرتون وفيه اكياس(مغلفات) يكون بقسم الدايت وفي انواع وايد مانغا اناناس ليمون جريب فروت خذ اللي تحبه

المهم خلصنا من الاغراض اللي لازم تشتريها اني عند الوجبات
بنبدا(((((( فالريوق))))))
مثلا بيضة مسلوقة مع شرايح طماط وخيار وكوب حليب نسفيتا اذا هذا مايشبعك ممكن تاكل شريحة توست وعليها شريحة جبن سلايس منزوع الدسم وممكن تتفنن وتحطها فجهاز التوستر بتحر والجبن بيذوب بتصير يييمي يميميم..
الظهر وقت(((((((( الغدى )))))))
صدر دياي مشوي بالفرن مع خضار مثل كوسا جزر قرنبيط بصل وفلفل اخضر +كوب رز لاتتحرى العيش يمتن على فكره الخبز فيه نشويات اكثر من العيش بس اهم شي انه ينغسل عدل ويكون ابيض من غير اضافات
وصحن سلطة كبيييييييييييييييييييير..وتقدر تشرب عصير برتقال بعد الغدى
ممكن فريش او معلب اكيد مال دايت مب العادي..
ااما(((((( العشى)))))))) وهذي اهم وجبة اللي لازم ماتكثر فيها
اذا كنت برع مع ربعك وناوين تتعشون برع ..اقترح عليهم تروحون مطعم يسوي مشاوي او اكل دايت او اقترح عليهم انكم تسوون باربيكيو
وتشوون دياي وخضرا وتسوون سلطه ..
اما اذا كنت في البيت
قول لحد يسلقلك (كوسا جزر ربع حبة بطاطس يقطين-يكون لونه برتقالي نفس يقطين الهالويين)وبعدين تحطهم في الخلاط وتظربهم ليييين مايصير خليط سائل وبعدين زيده شوية ماي لين ماتصير شرى الشوربه بعدين ردها واطبخها مره ثانيه وظيف عليها رشة ملح ورشة فلفل اسود والله ان هالشوربه احلى شوربه ذقتها بحياتي كانت حرمة خالي اتسويها واتجننت عليها..عاد اهني انت حر انشالله تشرب غالون ولا الجدر كاااامل مايهم لانها واااايد مفيده اشرب منها لين ماتشبع واتقول خلاص اكتفيت
بس لاتاكل أي شي ثاني الشوربه تكفي لان فيها بطاط ويقطين.
.................................................. ..............................
.................................................. ..............................
عشان ماتحس بالروتين وتمل من تكرار نوع الاكل هذا ترتيب ثاني

(((((الريوق))))) كوب حليب نسفيتا مع كورن فليكس الدايت واي شي ثاني خفيف تحبه شابورة او تفاحه او كوب عصير برتقال ..
(((((الغدى))))) في اليوم اللي بعده ممكن يسوونلك سمج مشوي تاكلة مع خبزاسمر او خبز ايراني وسلطة خضرا وممكن تستبدل الخبز بشوووووية عيش..
(((((العشى))))) تونه بالماي اخلطها مع سلطة وكلها مع خبز اسمر اذا تحب او خلهم في البيت يسوونلك تبوله او فتوش
او ممكن تاكل التركي المدخل اللي هو المرتاديلا مع توست اتسويها شرى البورغر واتحطها بجهاز الحميص الكبس(التوستر)..سولك مثلا هنتين واشرب معاهم حليب او عصير برتقال
طبعا هاي اختيارات مب اتسير تاكل كل الشغلات اللي ذكرتها هههه
المهم..................
في شي مهم لازم اتعرفه
ان لازم يوم واحد في الاسبوع يكون يوم مفتوح تاكل اللي تباه بس مب تنتحر من الاكل خخخخ اتعرف ليش لان يوم الواحد يغير نوع الاكل ويصير ياكل اكل مافيه دهون وايد هني جسمه يتراجع ومايصير يحرق اقوى لان كمية الاكل اختلفت عليه فيوم واحد تخريب يخلي الجسم يستعيد نشاطه ويرجع يحرق اظعاف هني بتكون قاعد تنظم سرعة الحرق بجسمك بالتالي يصير الحرق اكبر اححم اححم حسيت عمري دكتورة تغذية مالت علي...المهم بعد وقت اذا مليت من انواع الاكل خبرني بسويلك نوع ثاني واكلات خلهم في البيت يسوونلك اياها ...

اتمنى انكم تستفيدون منه...ولاتحرمونا من دعواتكم ^_^
هالترتيب كله ربيعتي كاتبتنه
يعني منقول من ربيعتي خخخ..ماعرف ليش احس انه بينحذف><"

الموضوع: معلومات للدايت وايد مفيييييده

أدوات الموضوع

عرض

معلومات للدايت وايد مفيييييده

المزيد من آخر المواضيع من نفس القسم:

المواضيع المتشابهه

اكتبي اسم المرض ويطلع لك معلومات عنه (مهم وايد)

معلومات وايد مفيده تعالي معااااي شوي...

مطاعم للدايت