متضايقة ...

**جاري الإنتظار** · 2009-09-03, 02:53

السلام عليكم خواتي الغاليات

بصراحة متضايقة وايد وايد

سويت سونار و بالصدفة طلع عندي تكيس ف المبيض اليمين بحجم 5 سم

مت مت من الصياح

بنات هل صدق التكيس يأثر وايد ع الحمل ؟ هل ممكن ما اييب عيال ؟

ابغي اجابة شافية اللي كان عندها تكيس تساعدني و تخبرني

وشو كان العلاج بالضبط

و يا ريت تعطوني مستشفى زين ف الشارجة او دبي او اي مكان ما يهمني

اهم شي اني اكون بخير

والله يرزقنا و يرزقكم ان شاء الله

المزيد من آخر المواضيع من نفس القسم:

**جاري الإنتظار** · 2009-09-03, 02:54

للرفع ،

**جاري الإنتظار** · 2009-09-03, 02:57

للرفع

**العوش99** · 2009-09-03, 03:01

لا حبوبه لا تتضايقين ولا شي

ربيعتي عندها تكس كبير والله

ورغم هذا يابت بنتين ماشاء الله

لا تخافين حبيبتي عليج بالمردقوووووووووووووووووووش وسوي حجامه وبتروح ان شاء الله ولا يمنع الحمل ولا شي

**جاري الإنتظار** · 2009-09-03, 03:10

المشاركة الأصلية كتبت بواسطة العوش99

لا حبوبه لا تتضايقين ولا شي

ربيعتي عندها تكس كبير والله

ورغم هذا يابت بنتين ماشاء الله

لا تخافين حبيبتي عليج بالمردقوووووووووووووووووووش وسوي حجامه وبتروح ان شاء الله ولا يمنع الحمل ولا شي

شو المردقوووش اول مرة اسمع فيه ؟

**ويلاه121** · 2009-09-03, 03:33

عندج المستشفى الملكي عند دكتوره سودانيه فنااااااااانه

وعليج بالحيامه

**ريان الحب** · 2009-09-03, 04:55

للرفع

**@غرشوبه@** · 2009-09-03, 06:42

كلنا نعاني منه ,, الغاليه توكلي ع الله ربي يشفيج ,, وألزمي الأستغفار ,,’’

**3e6er** · 2009-09-03, 09:28

اختي تكيس ولا كيس ؟؟

في فرق ... كيس وحجمه 5 جربي تاخذين ادوية يمكن يطيح وفي منهم يقولون يطيح مع الدورة

واذا ما طاح اظن يسوووون منظار والله اعلم

الله يوفقج ان شاء الله

**nano1984** · 2009-09-03, 10:29

أختي هذا موب تكيس هذا كيس ...
ومثل ما قالت الأخت 3e6er يروح بالدورة أو من خلال المنظار ...
وأنتي الدكتورة شو وصفت لج علاج ؟
بالنسبة للتكيس كنت أعاني منه وسويت له منظار ..

**صغيرونه123** · 2009-09-03, 10:30

ان شالله خير لاتخافين انتي تكيس وانا الهرمون ان شالله نتشافه منه بسرعه

**صغيرونه123** · 2009-09-03, 10:31

انصحج اتروحين عند وحده تمسح باستمرار اخت اربيعتي تمت تمسح دايما وحملت ماشالله ان شالله انتي تحملين كطم كملتي من زواجج

**Hno0odah** · 2009-09-03, 12:17

على حسب كل جسم يا الغاليه
انا فيني تكيس ولليوم ما حملت وصارلي الحين سنه ونص تقريبا وما حملت

بس لا اتخافين سمعت ان في وااايد حريم يحملون وهم فيهم الاكياس
يعني ما عليج خوف

**om_ahmed** · 2009-09-03, 13:21

حبوبه لا تخافين علاجه سهل ومرات مايحتاج علاج وينزل مع الدوره اليايه

**نجمة اسهيل22** · 2009-09-03, 14:45

مرحباااا
الغاليه لاتخاااافييين
اذا كنتي متينه ضعفي وشربي مرمريه وقللي من السكرياااات...وصدقيني بتحملييين...

الموضوع: متضايقة ...

أدوات الموضوع

عرض

متضايقة ...

المزيد من آخر المواضيع من نفس القسم:

المواضيع المتشابهه

حيل متضايقة

متضايقة من ربيعتي

انا متضايقة من ريلي

متضايقة :(