بنتي وايد وايد تعااااااني من .........؟

**مجنونة ريلها** · 2009-09-03, 00:53

السلام عليكم بنات وحريمات شحالكم عساكم بخير بدخل على طول

بنات انا بنتي عمرها شهرين والله انها تتعصررر من الخاطر من بطنها لدرجة تصيحني يوم اشوفها جذا ماعارفه شسوي لها مغص مع غاااازات فظيعه المغص ارحم من الغاااازات تطلع هوااااء وايد وايد والله تكسر خاطري ارقدها غلى بطنها امسحها بزيت زيتون بس ماشي فايدة ابدا والله تعبت وكاسرة خاطري اللي سوت شي للمغص والاسهال ووالغازات ونفع عيالكم انفعونا به يزاكم الله الف خير لعل الله يكتب لكم الاجر والثواب الله يخليكم دلوني وخبروني لاني ام لاول مرة ماعندي اي خلفية من اشوفها تصيح من بطنها مااعرف شسوي بس اتم ارضعها وتسكت قالولي ييبيلها مغذي من الصيدلية وعطيها يبت لها واعطيها لان الحليب اللي ترضعه احيانا من صدري واحيانا صناعي كله تطلعه ترجعه وتخرجه براز عزككم الله دخيل والديكم ردوا علي شو اسوي وديتها لدكتور اطفال وقال عطيها ماي غريب بس ماتقبلته ابدا والشي الثاني من ربيتها بعملية طبعا وعينها كله تطلع وصخ وااااايد واااايد قالي الدكتور رمد ولادي فترة وبسير بس احين كملت شهرين وماسار اللي مرت بهالحالات تخبرني ولها دعوة باذن الله

اتريا ردودكم يالغالياتت.........؟؟؟؟؟؟

المزيد من آخر المواضيع من نفس القسم:

**روح الماضي** · 2009-09-03, 00:58

الله يشفيها يارب..

**ليل الامارات** · 2009-09-03, 00:58

ربي يشفي لج اياها ويعافيها كان ودي أساعد بس
ماعندي فكرة وحبيت علأقل أرفع لج الموضوع وانشالله البنات يفيدونج

**yaryora 1** · 2009-09-03, 01:02

عن الغازات أستخدمي ألها شاي امبرس الأخضر قصدي العلبه خضرا .. بس أهم شي أتكون الرضاعه دافيه عشان

تنفعها لاتخلينها بارده أو عاديه لانها ماتنفع .. وعندج النعناع مع ماي دافي ..وفي قطرات تحطيلها في ثمها أعتقد

أسمها أنفيكول ..أو شي جذيه أنتي سألي الصيدليه وبيخبرونج..وهذا تستخدمينه لين يكون البيبي بو3 شهور ..يعني عندنج شهر كامل ..

والمغص ..احلبي في عينها من حليب صدرج ...وتنظف عن تجربه لأن سببحان الله حليب الأم ..واااااايد فيه

فوايد ..بس أستمري لمده يومين على أنج تحلبين في عينها ..وتأكدي من نظافه عينها ..وبتشوفين الفرق ..

وأن شاء الله أنها بتكون بخير ..

**Fafi** · 2009-09-03, 01:06

اختي مافي احسن عن (( الجنبـــر )) .. هذا يبيعونــه العطاريــن الإيرانيين .. يكون شرات العييدان و فيهن صبار اتودنينه في الماي و اتشربين البيبي .. و بتطلع الغازات و العقاا اللي في بطنهاا كله و بترتاااح ..

وو بخصوص عيونهاا .. لازم اتودينهاا عند الدكتور اختي .. الله يحفظهــا إن شاء الله .. مب شرط اطفااال لو دكتور عيون بيكون احسن بس اسئليهم اذا يستقبل الرضـــع ..

**Dantail_85** · 2009-09-03, 01:06

الله يخليه لج يارب .. انا ولدي بعد جي .. غازات على مغص .. عن الغازات رقديه على بطنه وادهني آخر ظهر مع مساج خفيف ورقديه على ظهره وادهني بطنه بمساج خفيف بشكل دائري .. حطيله المطارات مال الماي الحار على بطنه يعني دفي بطنه ترى اهم شي ادفين بطنه عشان الهوا مايدش فيه .. وبعد كل رضعه ضروووووري اتخلينه يداسع ويطلع الهوا ..

هذا اللي عندي حبيبتي وعن عينه تقدرين تيبين كيس جاي لبتون تحطينه في ماي دافي وامسحي فيه عينه وان شاءالله يتحسن

**ام الودايم** · 2009-09-03, 01:08

حق الغازات عطيها ينسون وعينها مثل ماقالت الاخت احلبي في عينها

والله يشفيها ان شاءالله

**زعابية غاوية** · 2009-09-03, 01:08

أستخدمي لها مغلي الينسون ويه النعناع وااااااااااااايد زين للغازات..

أما ع المغص عندج دواء أنفاكول حطي جم قطره في الماي وخليها تشربه وشربيها ماي عسب يلين بطنها..

وحده قالت من الخوات عن (الجنبر) أنا استخدمته حق ولدي فتره واااااايد نفعه بس ماحبيت ريحته أبداً وفريته..هو شرات الخيار طويل لونه أسود من الداخل شرات الصبار(التمر الهندي)فيه حبه من الداخل تشيلين القشره لأنها سميكه والحبه إللي فيه ونفعيه فماي وشربيه لها.,.

وربي يخفف عنها..

**مجنونة ريلها** · 2009-09-03, 01:16

يزاكم الله الف خير والله ماقصرتوا الله يتقبل منكم صيامكم وقيامكم بس حبيت اعرف هالدواء انفاكول تصلح لها لان عمرها شهرين وبتدخل بالثالث باذن الله عادي مابتضر ...............؟ والجنبر شو هو عبارة عن شو ......., فديتكم

شاكرة لكم مروركم المحترم ............... يالغاليات.

**مجنونة ريلها** · 2009-09-03, 01:18

المشاركة الأصلية كتبت بواسطة yaryora 1

عن الغازات أستخدمي ألها شاي امبرس الأخضر قصدي العلبه خضرا .. بس أهم شي أتكون الرضاعه دافيه عشان

تنفعها لاتخلينها بارده أو عاديه لانها ماتنفع .. وعندج النعناع مع ماي دافي ..وفي قطرات تحطيلها في ثمها أعتقد

أسمها أنفيكول ..أو شي جذيه أنتي سألي الصيدليه وبيخبرونج..وهذا تستخدمينه لين يكون البيبي بو3 شهور ..يعني عندنج شهر كامل ..

والمغص ..احلبي في عينها من حليب صدرج ...وتنظف عن تجربه لأن سببحان الله حليب الأم ..واااااايد فيه

فوايد ..بس أستمري لمده يومين على أنج تحلبين في عينها ..وتأكدي من نظافه عينها ..وبتشوفين الفرق ..

وأن شاء الله أنها بتكون بخير ..

فديتج الغالية هذا شاي ولا شو ووين بحصله وينفع لها كرضيعه ولا لا اترياج الغالية

**فروحة2** · 2009-09-03, 01:26

يا اختي عادي لا تصيحين ولا شي ..

انا بنتي عمرها شهر 43 يوم ونفس الحالة لين الصبح عيوني مفججة ...

خذي لها انفاكول تعطينها قبل الؤضعة ب 20 او 15 دقيقة تقؤيبا وانا امي فدستها سوت لها جامبور فعلا ينظف البطن بس ما لين الحين ما خاز عنها ..

الحين اعطيها ماء الحلوة ،، اذا تعرفين مكان يبيعون ماي مصنع الكامل مال البحرين ،، نفس ها الماي استعملة واعطيها بالمرضعة لين رقم واحد ساعات بعد المغرب وساعات الصبح ...

يخفف عنهم بس ما يخوز لين ما يصير عمرهم 4 شهور تقريبا ،، وسوي نفسي كل ما تسهرني وتعبني اقول ما عليه كله باجرة ان شاء الله

**نبض قلبهـ** · 2009-09-03, 01:34

انفاكول احسن شي انا استخمه لبنتي عمرها 16 يوم

**الثلاثي المرح** · 2009-09-03, 01:41

عشان الغازات ما في احسن من ماي وشكر ( قند ) بس فوري الماي وبعدين حبة قند في مرضعة بيجون الصغيرة حطي رقمين ماي

**مجنونة ريلها** · 2009-09-03, 01:57

المشاركة الأصلية كتبت بواسطة الثلاثي المرح

عشان الغازات ما في احسن من ماي وشكر ( قند ) بس فوري الماي وبعدين حبة قند في مرضعة بيجون الصغيرة حطي رقمين ماي

الغالية ممكن اعرف شو القند ووين بحصله وشكثر اعطهااااااا ؟؟

**reem_toota** · 2009-09-03, 02:50

قطعي بصل وودنيه فزيت زيتون وافركي فيه ظهرهاااا بتظهر الغازات وبترتااااح

بشكارة اختي الاندونيسية جي سووت فولدي وعقبها ارتاح ورقد ...

هذا غير الينسون والشاي امبرس والمسااااج ... والاشيا اللي قالو عنها الخوات

واحرصي انج لازم ادسعينها عقب كل رضعه وربي يحفظها ويخليها لج انشالله ^__^

الموضوع: بنتي وايد وايد تعااااااني من .........؟

أدوات الموضوع

عرض

بنتي وايد وايد تعااااااني من .........؟

المزيد من آخر المواضيع من نفس القسم:

المواضيع المتشابهه

ظهري وايد يعورني يوم أوقف وايد ولا أيلس وايد

عندي شي مفيد وايد وايد وايد ..اتفضلوا