مرحبا السلام عليكم والرحمه
حريم وبنات .. اشحالكم عساكم ابخير !!
سامحوني تأخرت عليكم بهالموضوع .. بس لأني مريضه شوي .. ادعولي
رجعتلكم بتقرير رحلتنا الثالثة في صيف 2009 الى Paris
واللي حابه منكم اتشرفني في :
التقرير الأول إلى London
http://forum.uaewomen.net/showthread.php?t=530902
التقرير الثاني إلى Spain
http://forum.uaewomen.net/showthread.php?t=533048
هالتقرير بتكون فيه صور أكثر ان شاء الله .. ما ادري ليش صورت في باريس وايد خخخخخخ بس بعد اكيد ما بحط كل الصور .. لأنه الأهل فيها .. وان شاء الله تعيبكم الصور والتقرير ..
وعلى فكرة في شي وايد مهم انا نسيت اذكره في التقريرين اللي قبل .. وهو نوع الكام اللي استخدمتها في رحلاتي ورفيقة دربي اللي تسبقني خطوة لكل مكان ازوره ..
Nikon D60 ..
والعدسات المستخدمه Nikkor 18-55 mm
Sigma 18-125 mm
- - -
نبدأ بسم الله
آخر اسبوع من شهر 5 كنا في مدريد .. وأخر يوم من شهر 5 سافرنا من مطار Madrid الى مطار جارل دي قول Paris
وهذا مطار Madrid .. لاحظوا السقف من الخشب .. شبيه لمطار شنغهاي في الـChina
كالعادة سيارة السفارة استقبلتنا في مطار جارل دي قول Paris ومنها خذنا الدريول "محمد" هالمرة مغربي .. وسرنا للفندق .. نظام شقق فندقية .. موقعه في الـLa Defense
Frasers Suite Harmonie
ما رمت اصور واجهة الفندق واضح لأنه مكانه جي فالزحمه بين البنايات وجسور وطلعه ونزله خخخخخخخ
هذا المدخل ..
يطل الفندق على نهر السين من جهة ..
ومن جهة ثانية يطل على ساحة مرتفعه عن الشارع العام .. والمكان حلو للي عنده صغاريه .. يرومون يطلعون يلعبون في الساحة وماشي عليهم خوف لأنه ماشي سيايير ولا غيره .. وفي الساحة نوافير وقعدات مختلفة وقصات الشجر اشكال والبنايات وطبعا الاندرقراوند اللي يوديكم لسنتر باريس "الشانز"
البنايات الموجوده حوالين الفندق وفي الساحة اللي خبرتكم عنها .. كلها حديثة .. وهالمنطقة تعتبر باريس اليديده .. وعلى فكره ننزل من المحطة ونآخذ مترو للمحطة اللي عقبه "عكس اتجاه الشانز" .. نوصل مول "La Defense" مول حلو كبير فيه وايد محلات ومطاعم وسوبرماركت كبير "كنا نآخذ منه مؤونة الأكل"
اليوم الأول .. سرنا الشانز .. وقوس النصر بشوارعه الـ13 وجنون عبور السيارات فيه .. صورة أولى"الشارع المجنون"
تمشينا في الشانز .. وكم صورة لكم محل وكم مشهد ..
I LOVE PARIS .. من اسمه مبين شو عنده هالمحل !!
الـShade الأحمر "فوكت" << كوفي شوب راهي .. مشاهير العالم يشربون عنده كوفي ..
المزيد من آخر المواضيع من نفس القسم:
- بسافر لكن ،.........
- رحلة ^الدماني^ إلى عالم والت ديزني -...
- سكن فى كولون ارجوكن
- كافيه الكورن فليكس Cereal Killer Cafe في لندن
- رحلة الي إيطاليا
- رحـــلتنــا عــبــر الخــطــوط البـــريــة...
- رحلة ^الدماني^ الساحرة إلى مراكش الحمراء
- رحلتي الى ارض الجمال اوربا من 7 الى 28 /8...
- رحلتي إلـــى ماليزيــــا ( الرقم١ ) شعارها
- رحلة راهيه دوم الى نيويورك أرض الحرية :)
