ممكن خواتي !!؟؟ محتايه شوركن ..

**om3laawi** · 2009-09-01, 02:07

هلا الغالــــــــيات ..

بخبركن مشكلتي انا من فتره قولن شهرين طلعت سياره اوك ، واسبوع اللي طاف سرت فيها بوظبي ودعمت دعمه قويه الصراحه والحمدلله الله ستر وماشي اصابات بس تعورت سيارتي وسياره الهندي المسكين وانا الغلطانه تراني ما عرف بشوارع بوظبي عدل ...

المشكله مب هني خواتي المشكله اني مب رايمه اسووووووووووق ويايني احباط فظييييييييع ماعرف شو اسوي ؟؟ كله اقول بلاني احس اني نسيت السواقه مول .. البارحه مارمت اظهر من الفتحه وتميت واقفه ساعه واللي وراي سبني سب واليوم وقفت ع الدوار مارمت اتحرك .. والله ماعرف شو اسوي؟؟ ساعدني خواتي بليز ولا تنسني من دعواتكن .

المزيد من آخر المواضيع من نفس القسم:

**دلوعه فزاع** · 2009-09-01, 02:09

فديتج حبوبه الحمدالله على سلامتج ويمكن شي شاغل تفكيرج وانتي تسوقين مب مركزه حاولي تركزين فديتج

**أم ود!د** · 2009-09-01, 02:10

"لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شيء قدير"

**اغلى ناسي m** · 2009-09-01, 02:11

الحمدلله ع السلامه حبيبتي
وثاني شي شلى هالافكار من بالج وتوكلى على الله

**dnyailwalah** · 2009-09-01, 02:11

عادي توكلي بس على الله

**عيوني UAE** · 2009-09-01, 02:12

مرحبا ام علآوي .. شكله الحآدث حبطج وسوى لج عقده بس قبل حمدلله ع السلآمه.. ومع مرور الآيام بتنسين وبتردين اتسوقين زين بس الحين بعدج زايغه من حادث وخايفه تكرريها ..

**هواجس الزيودي** · 2009-09-01, 02:15

الحمدالله ع السلامه الغالية

الغالية يوم بتظهرين ركزي بالسواقه عدل انسي اللي صار

**كلي_جاذبيه** · 2009-09-01, 02:23

اهم شي انج بخير
وصح الواحد اذا مر بتجربه ممكن تأثر فيه
انتي حاولي تنسين الموضوع وركزي عشان مايتكرر الموضوع الله لا يقول
قوي قلبج ولا تخافين

**جزيرة الأمان** · 2009-09-01, 02:31

أول شي الحمد لله على السلامة،،،،

وشكلج يا علاوي تأثرت من الحادث،،، ليش ما تريحين نفسج شوي من السواقة عسب تنسين اللي صاار،، وإذا اتضريتي اسمعي قرآن وإنتِ تسوقين إذا كان ما يشغلج عن السواقة،،،،،

**om3laawi** · 2009-09-01, 02:33

ثانكس ع هالردود الطيبه والله الوحده يوم تحس جيه عندها خوات ترتاح وايد .. يزاكن الله الف الف خير .

**زم_قمر_ان** · 2009-09-01, 02:35

الله يعينج

**عنـ؛دي** · 2009-09-01, 02:46

اختى ... اناا بقولج عن شي صار لى ..خذت سياره ع قدى كنت مستااانسه فيهاا وايد لدرجت انى يوم حطيت المفتاح ما عرفت اشغلهااا .. نسيت كل شي يخص السوااااقه ..لين اليوم يتمصخرون على و ع سوااااااقتى .. كرهت السواقه حت انى قمت اونى ادرب عمرى .. اروح الشغل مع الدرويل يعنى تميت مده وانا عندى سياره و الليسن ... وبعد قمت اسرع من كثر خوفي ليما توهقت بشي .. بسيط مره و مرتين .. حسيت عمرى سويت جريمه معنهااا ربي سلمنى حوادث سخيفه وايد .. بس هم كبروااا الموضوع و كل يوم اشوف الاهل يقولون شلواا عنهاا المفتااح الحين ما بقولج انى ما اخاف احين انااا صرت حذره اكثر عن قبل .. ع قولت اخوانى عبالى ان شارع شارع ابوى ...

**بنوته89** · 2009-09-01, 02:49

ردي ادربي فديتج ..
ولا خلي حد من خوااانج يدربج ولو معرسه ريلج . .
يمكن ترتاااحي اكثر وياااهم

والله يسهلهاا انشاء الله

**فديتني حبوبة** · 2009-09-01, 03:04

الحمد لله ع سلامتج أول...السيارة تولي والمهم أنت بخير...مثل ما امي دوم ترددلي..
أختي تر السواقة سهلة وااايد...بس بالممارسة راح تحسين ها الشي...
أنا مثلج بعد ما استلمت السيارة بأسبوعين دعمت دعمة قوية من الزين....دمرت السيارة...وظليت محبطة وخايفة أركب السيارة شهرأو اكثر...وبدها خذتها وسقتها كمن اسبوع وحادث ثاني...وتدمرت نفسيتي وكرهت نفسي...والوظيفة...وتصلحت السيارة وخليتها في البيت شهر أخاف أسوقها...سنة أنا على ها الحال...

المهم ...تر الخوف والانقطاع عن السواقة فترة طويلة جيه..يخليج خايفة وناسية ومب واثقة من نفسج....
حبيبتي محد سلم من الحوادث_إلا من رحم الله-
المهم تتعلمين من تجربتج، وغلطتج، حاولي لا تطلعين في أوقات الزحمة وااايد...يعني الحين رمضان بعد العشا صراحة موووول ما أطلع وأنا من كم سنة اسوق...
لما أروح الدوام كنت في البداية اطلع بوقت حتى أتلافى الزحمة....والحمد لله مشت اموري...
أختي بالخبرة وكثرة الممارسة راح تتعلمين وااايد، فلا تنحبطين ولا يصيبج اليأس...
توكلي على ربج، وتحملي على عمرج،وتر معظم حوادثنا يا أختي من السرعة وهذا الشر الي دومنا نسويه...نسرع...مستعيلين...ونجاوز حتى والله ما نتأخر عن الدوام..أون موعد....بس في التأني الســـــــــــــــلامة

ونصيحة من اختج...لا تطلعين لبوظبي بروحج....خلج في منطقتج أحسن لج...والمناطق البعيدة دبري حد من أهلج..
ولا تنسي دايما دعاء الخروج من المنزل....ودعاء الركوب...وأوصيج لا تطلعين من البيت صبح أو مسا وأنت ما قارية أذكارج...على الأقل المعوذات وآية الكرسي

والله يوفقج

**onlyAHuman** · 2009-09-01, 03:25

هالشي طبيعي يستوي بعد الحادث والحمدلله على سلامتج حبيبتي
بس سمي بالرحمن قبل ماتظهرين من البيت واقري الدعاء والله يحفظج

الموضوع: ممكن خواتي !!؟؟ محتايه شوركن ..

أدوات الموضوع

عرض

ممكن خواتي !!؟؟ محتايه شوركن ..

المزيد من آخر المواضيع من نفس القسم:

المواضيع المتشابهه

الي بتجرح بالرمسه لا ترد// محتايه شوركن بليز

عزيزاتي محتايه شوركن !!

ممكن شوركن خواتي؟

شوركن ... خواتي ... لا تطنشن ..^_^