ملجة قبل العرس بشهرين..

[UM HAZZA3]

السلام عليكم حبوبات

بنات انا بغيت اسألكم واشوف وجهات النظر .. في موضوع الملجة اللي تتحدد قبل العرس بشي بسيط

كل وحده تحط نفسها مكان هالعروس .. محددين العرس في يناير .. تمام ؟؟ .. ومحددين الملجة قبل

العرس ب3 شهور وعاطينها بيزات الزهاب 100,000 حلوو؟؟ ... وهي تقريبا جاهزة كم كل شي باقي

اشياء بسيطة ... وطبعا مثل ما الكل يعرف ان الذهب صاااااااير ناااااااار ... وهي خذت ذهب مب انها

ما خذت بس شي يسد العين والريال قال انه بيملج وبصريح العباره قال ما بنسوي حفلة بنسوي عشا

للاهل كلهم .. وبنملج .. لين هني كل الامور طيبة ... حزت الحزة ام العروس ما اعترضت بس عقب

قالت لا والله لازم اييب طقم ويلبسها .. ونبا نسوي حفلة احنا نبا نفرح.. طيب ليش ما قلتي له هالكلام

وقت اللي سالتيه متى بتملج وقالج متى وانه ما بيسوي حفله لانه ما عنده يدفع هني وعقب كم شهر

يرجع يدفع حق العرس ... علما انها تعرف انه يبا يملج بس عسب صندوق الزواج والا ما بيملج

بيخليها عرس مره وحده لو عليه .. احتشرت على البنيه وسوت لها قصة يحليلها والكل يقولها ان ما

في داعي اييب طقم ويلبسها واصلن ماشي حفلة وبعدين قبل العرس بشي بسيط والريال قال ما عنده

حق حفله حاليا العرس وبس .." وهو صادق ما بيمديه يملج الا العرس عالباب "... المهم واللي صار

جدموا العرس شهر .. رجعت وقالت نفس الكلام ومب راضيه تقتنع .. رابطه قدر البنت عند الريال بالطقم

هذا علما انه مب مقصر عالبنية في زهابها ..

قولولي وبامانة ضرورية سالفة الطقم ؟؟؟

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية