شو يعني " فتانة " ؟

**LOUSHE** · 2009-08-31, 09:50

السلام عليكن و الرحمة . .

شحالكن الغاليات .. مبارك عليكن الشهر . .

خواتي .. ممكن حد يوضحلي .. المعنى الصحيح لـ " فتانة " . . ؟

يعني لم يقولون فلانة فتانة و فلانة فتانة . .!

أنا الي أعرفه أنه الفتانة هي الي تنشر الاشاعات أو تنقل الكلام بنية سيئة . .

هاذا الي اعرفه و الي تعملته .. !! المعنى صحيح ولا انا غلطانة و مب فاهمة الكلمة ؟!

وربي خواتي تعبت نفسيتي من كثر ما قالو عني فتانة فالمدرسة ..

أنا مب فتانة وربي يشهد . .

متى بدت هالرمسة تنتشر .. من كنت فالاعدادية ..

يقولكن .. الصف كله " غش " فالامتحان . . معاداي و كمن بنية . .

وربي انقهرت .. قلت حرااام الابلة تظلمنا بالدرجات ..

سرت خبرتها و انا مقهورة .. ما كانت نيتي أني أقلب الابلة عليهن .. أو انتقم ولا شي ..

بس أبغي أخذ حقي .. يعني أنا اذاكر و اتعب و هن ياخذن الدرجات بالساهل ؟ ؟ , ,

تحملت هالكلام منهن .. ما تم صف الا وقال عني فتانة و انا وربي يشهد مب فتااانة . .

اذا كان المعنى بنفس الي ذكرته فوق ..

اوكي مب مشكلة إذا هالكلام يا من بنات صفيه بتحمل ..

لكن إنه الرمسة تظهر من بنات ما يعرفني حتى ؟؟؟

الله يسلمكن .. ربيع اخوي . .

بالصدفة طلع يرمس وحدة من بنات المدرسة .. اكبر عنيه البنت ..

معاي فالباص .. بس لا ارمسها ولا ترمسني .. ما يخصني فيها .. ولا اعرفها ..

المهم .. سايرة الاخت و قايلتله ( ربيع اخوي ) اونه فلانة بنت فلان هاي فمدرستنا ..

فتانة خبرت الادارة انه نحن مهربين فونات و جذا ..

و انا والله يا بناات وربي يشهد ما خبرت و لا ادري بالموضوع حتى ..

قسمن بالله حسيت بغصة لم خبرنيي اخوي .. استحيييت منه .. احس به افتشل يدام ربيعه ..

وانا والله وربي يشهد اني ما خبرت و لا لي ايييد فالموضوع . .

أعرف البنات الي خبرن .. بس وربي يشهد ما يخصني ..

يعني نهاية السنة وصلني خبر انه فلانة و فلانة اشتكو عهالقروب و كذا .. والخ ..

المغزى من الموضوع ..

خواتي انا غلطانة ؟؟ غلطت بشي ؟؟ انا فتانة ؟ ولا اتوهم اني العكس ؟؟

والله المدارس قريب بتفتح و انا نفسيتي موول .. ماتحمل رمسة زيادة . .

كفاية كلام و كفاية اشاعات . . !! حسبي الله و نعم الوكيل ..

يعني لو بتحمل كلامهن و بقول خليج احسن منهن و طنشي ..

بس جزء مني مب مقتنع .. مب مرتاح .. من كمن سنة انا عهالموال ..

القصة تنعاد و الحركات و النغزات مكانها ،، ادريبكن بتقولن هن يغارن منج و جذا ..

ولا مقهورات و الخ .. ادري والله بس احس بخنقة ..

مابي أنتقل و أريحهن .. حالي من حالهن أبغي أدرس فالمدرسة الي تعيبني ..

يمكن السالفة بسيطة و ما تستاهل .. لكن محتاية كلام يهديني ..

السموحة طولت عليكن بس وربي من الغصة الي فيني ..

( أستغر الله العظيم )

المزيد من آخر المواضيع من نفس القسم:

**الأصالة** · 2009-08-31, 10:05

شو أقولج....
المعني الي انتي كتبتيه صح الفتنه هو نقل الكلام وانج اتسوين مشاكل بنقلج هالكلام
بس انج خبرتي المدرسه على الغش انا ما اعتبرها فتنه بالعكس والله اعتبرها شجاعة منج وانج ما ترضين بالغلط

ما عليج من حد دام انج شايفه عمرج صح
وحاولي اتوقفينهم عند حدهم بس بالكلمة الطيبه
والسموحه

**السعادة ال** · 2009-08-31, 10:07

فديتج لا تزعلين ولا هم يحزنون خليهم يولون إنتي لا فتانه ولا شي والساكت عن الحق شيطان أخرس ... أنا لو مكانج ما بعبرهم ولا بضايج نفسي عادي .... إضحكي وإستانسي حياتي ولا تكدرين خاطرج عشان غشاشات لووووووول... والله ذكرتيني بأيام المدرسة ....

**LOUSHE** · 2009-08-31, 10:12

المشاركة الأصلية كتبت بواسطة الأصالة

شو أقولج....
المعني الي انتي كتبتيه صح الفتنه هو نقل الكلام وانج اتسوين مشاكل بنقلج هالكلام
بس انج خبرتي المدرسه على الغش انا ما اعتبرها فتنه بالعكس والله اعتبرها شجاعة منج وانج ما ترضين بالغلط

ما عليج من حد دام انج شايفه عمرج صح
وحاولي اتوقفينهم عند حدهم بس بالكلمة الطيبه
والسموحه

تسلمين الغلا .. وربي قمت أشك بعمري قلت ليكون أنا فتانة . .
و أونه نيتي زينة !! الله يعيني بس ..
سلمتي مرة ثانية ..

**LOUSHE** · 2009-08-31, 10:15

المشاركة الأصلية كتبت بواسطة السعادة ال

فديتج لا تزعلين ولا هم يحزنون خليهم يولون إنتي لا فتانه ولا شي والساكت عن الحق شيطان أخرس ... أنا لو مكانج ما بعبرهم ولا بضايج نفسي عادي .... إضحكي وإستانسي حياتي ولا تكدرين خاطرج عشان غشاشات لووووووول... والله ذكرتيني بأيام المدرسة ....

الغالية .. وربي ياما طنشت .. وعادي عايشة حياتي ..
المشكلة انهن وراي وراي .. يعني يتعمدن يمرن الصف و يعقن نغزات ..
كم بتحمل مرة مرتين .. ثلاث .. بس مب سنة و سنتين عاد >< . .
والله انهن غشاشات شو بنقول هههه سلمتي غلاية عالطلة . .

**دستورة الحب** · 2009-08-31, 10:23

والله انج مسوتلهن ساااااالفه

حقرييييهن الحقران يقطع المصراااان

وضحكي وسولفي عادي ماعليج منهم

**zooz1** · 2009-08-31, 10:38

تعرفين شو..غايظيهن زيادة وقوليلهن هي انا فتانة.. فتانة لاني اشوف الغلط وما اسكت عنه.. وانتن لو يايات تدرسن وتعلمتن شي مفيد جان عرفتن معنى كلمة فتانة بس فالحات تنقلن الرمسة وتسون اعماركن شي..نصكن غشاشات والنص الثاني غبيات

ولا غيري مدرستج اذا ترومين

**ام رشوودي** · 2009-08-31, 10:40

( أستغر الله العظيم )

**سآرونه..~ْ** · 2009-09-11, 23:12

لاتعلييق والله ..!

بس حبيت آقووولج شــي ..

وآثــق الخطـــى’ يمـــشى ملكآ ...]

انتي مب وآثقه من عمرج طنشيييهم ..

بالعكس امشي ورآآسج مرفووع ..

سمعي من هنيه وطلعي من هنآك ..

مآعليج من هالسخآفه .!

وربج مآبيقصــر فيهم ""

لاهنتٍ

**نك نيم** · 2009-09-11, 23:19

حياااااااتي انتي لوووووشي ..

ماعلييييييييج من رمستهن ... امبونه بني آدم مايحب الانسان الحقّاني .

معنى فتانه الي انا فاهمتنه .. نفس اللي فبالج ..

وانتي خلج واثقه من نفسج ولا تهزج رمستهن ...

يقولون عنج فتانه .. احسن عن لا ينقال عنهن .. غشاشات .. او , راعيات سوابق وفونات . صح ولا ؟

**شموخ النفوس** · 2009-09-11, 23:26

مشاء الله عليج ما توقعت بنت بالمدرسة عندها اسلوب حلو بالطرح و التفكير ...
اقولج (ظزززززز بالتافهات ) اللي ما عندهم هدف بالحياة و يبون السهل بارد مبرد...
بس نصيحة خذي الحذر ...و توكلي ع ربج ..انتي صح

**Rwaz** · 2009-09-11, 23:33

انحطيت ب مواقف مشابهة
الله فوق وعارف شو بقلبج
وحطي هالكلام ف بالج
وواثق الخطى يمشي ملكا
كلامهم لا يودي ولا ييب سوووي طااف
وخليج واثقة من عمرج ^^

**هادية الطبع** · 2009-09-11, 23:54

انتي الصح وهم الغلط
من حقج تشتكين عليهم لانج انتي الي تذاكرين وتتعبين وهم ياخذون الشي عالبارد
لا تسويلهم سالفه ولا تحرقين اعصابج واذا قالولج فتانه سيري عند المعلمه وخبريها بكل التفاصيل وهل التصرف الي سويته يدل على انج فتانه ولا لا عسب تاخذ حقج واتوقفهم عند حدهم

انتي مب فتانه انته انسانه حقانيه

**مينا القلب** · 2009-09-12, 00:20

والله انج عجبتيني ماخفت من وما تريتي حد ياخذلج حقج .. ماغلطتي فديتج انتي ع حق وربي يوفقج واحقريهن صراحه تفكيرهن ولا شي

**ام سلطان AJM** · 2009-09-12, 00:33

انتي الصح ولا تخلينهم يهزون ثقتج بنفسج

عيل الرسوول عليه الصلاة والسلام مدينه كامله كانت تقول عنه انه ساحر و جذاب

بس دام الواحد على الحق لا تحاتين ^^

الموضوع: شو يعني " فتانة " ؟

أدوات الموضوع

عرض

شو يعني " فتانة " ؟

المزيد من آخر المواضيع من نفس القسم:

المواضيع المتشابهه

""""""""بنات زايد ابي مساعده منكم الكل يدش لوسمحتواا """""

""""""""" دعائكم يا بنات جزاكم الله خير """""""""""""""