يئست من وزني

[great lady2]

اتصدقون بنات ابغي أضعف بس كيف ما أدري؟ لأن شهيتي مفتوحة بطريقة عجيبه من الاكتئاب خاصة لأني نزلت وزني العام 15 كيلو بالريجيم والتمارين بالنادي ووصلت 75 والحين رد 89 واحاول اسوي ريجيم بس ما استحمل اسبوع وارد آكل ..المفروض أكون 62 اتخيلوا كم زايدة ..يزاكم الله خير ادعو لي اقاوم الأكل خاصة الكاكاو عشان اضعف وألحق اسوي فستان لعرس ولد اختي شهر 6 _والكل معزوم_ والله صايرة وايد عصبيه وحزينة على حالي ...بنات شو أسوي

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ذهب]

هلا الغاليه..الله يعينج ترانا كلنا في الهوا سوا.بصراحه صار 3 اسابيع اتبع ريجيم بس مخففه

من الاكل وامشي وايد واشرب شاي الريجيم ومسجله في نادي الرياضه والله يعينا ويعينج..

بس ماعليج غير تحسين ارادتج وصدقيني بتنجحين وبتضعيفين 100%

[عائشه الظاهري]

الله يعينج حبيبتي أنا زايده عن وزني الطبيعي 8 كيلو وميته قهر وأريد انزلهم مب عارفه كيف
والله بلاوي بس شو نسوي

[great lady2]

اتمنى يا رب.. ومشكورة وايد اخواتي على الرد وان شاء الله تردون للوزن المناسب

[عين القطى]

اتصدقون بنات ابغي أضعف بس كيف ما أدري؟ لأن شهيتي مفتوحة بطريقة عجيبه من الاكتئاب خاصة لأني نزلت وزني العام 15 كيلو بالريجيم والتمارين بالنادي ووصلت 75 والحين رد 89 واحاول اسوي ريجيم بس ما استحمل اسبوع وارد آكل ..المفروض أكون 62 اتخيلوا كم زايدة ..يزاكم الله خير ادعو لي اقاوم الأكل خاصة الكاكاو عشان اضعف وألحق اسوي فستان لعرس ولد اختي شهر 6 _والكل معزوم_ والله صايرة وايد عصبيه وحزينة على حالي ...بنات شو أسوي

الغاليه صدقيني ما بينفعج الأكل انا كنت مثلج ماقدر امسك عمري عن الأكل
ومن شهرين بديت ألعب رياضه ومشي ورجيم ونزلت الحمدلله 7 كيلو
وخاطري بعدني انزل 5 كيلو وبنزلهن ان شاء الله لو استمر سنه على الرجيم ماعندي المشكله
واللي مخلني مصره على تنزيل الوزن احساسي من داخل تغير لما نزل وزني شوي حسيت براحه نفسيه وحسيت اني نظيفه من الأكل واتصدقين كرهت الأكل
ويا اختي الحلويات تستمتعين بأكلها بس ترا مول مالها فايده لج بس تزيد الوزن وللعلم الكاكاو من المسببات الرئيسيه لسرطان والعياذ بالله
وهذي النصايح الي اتبعتها وقت رجيمي
1- حاولي يكون اكلج صحي
2- ابتعدي كليا عن الدهون والمقالي
3-اشربي الحليب المنزوع الدسم لان الكاسيوم ينزل الوزن
4- ابتعدي عن الاجبان الصفراء لان كلها دهون
5-كلي الخضراوات باعتدال
6-كلي الاناناس والكيوي بكثره
7- ابتعدي كليا عن الارز
8- ابتعدي كليا عن الخبز والصمون


رجيمي اللي اتبعته خلال الشهرين
اتبعت اول اسبوع رجيم التمر والحليب
باقي الشهرين
كان فطوري الدائم كوب ميراميه بدون سكر وبعد ساعه كوب حليب منزوع الدسم
الغداء
شابوره + جبنه المراعي البيضاء قليلة الدسم + 1 طماطم صغيره

العصر
كوب شاي حليب ريمبو قليل الدسم + سكر اسمر

العشاء
أناناس + كيوي
أو كوب حليب خالي من الدسم

ملاحظه كنت اسوي يوم مفتوح كل 4 أيام او كل اسبوع آكل فيه شوي عيش عن خاطري

وخلي عندج عزيمه الصحة فوق كل شي ولاحقه على الاكل ما بيخلص من الدنيا
وبالتوفيق

[¯`•.شوق_دبي¯`•.]

ضعفوني معاكم وزني 66 بصيييييييييييييح لاتذكروني حلاتي وانا 55
اي ناد تروحون بنات ؟؟ :1 (25):
اوني خذت لي شاي الاخصر عشن اشربه طعمه مب شيييييييييييييييييي مااقدر اقاوم شربته بس مرتين ووقفت :1 (7)

[ساحرة العيون]

الله يعينج الغالية بس ليش ما تسيرين النادي

[تراجي]

عزيزتي اذا ما عندج القولون او التهاب المعده فابعد كل وجبة عليج

ملعقة خل التفاح
ملعقة خل الحصرم
ماء
تضعي ملعقة خل التفاح وملقعة خل الحصرم في فنجان وتضيفي عليهم ماء حتى يمتلي الفنجان ثم تشربيه بعد كل وجبه يعني بعد الاكل استمري عليه وراح تلاحظي انج راح نص وزنج

[Bent_elsharjah]

هيه والله الوزن الزايد مصيبه ..انا بعد وزني 66 ولازم اكون 56 لانه طولي 158, المشكله في الهيازه الرياضه والمشي ... يعني اول شي لازم نتريض او نمشي ساعه في اليوم او حتى ساعتين ...

[شجون83]

انا بعد ابى اضعف المتن مب شي عليي لاني عريضه عند الجتوف احينه وزنيي 55 وانا ابغيه يستوي 48 شو الحل

[شوق دبي]

انا بعد اريد اضعف الحينه صرت اكل كل شي وما اروم امسك عمري

وزني صار 68 وابا استوي 55 اتخيلو بس المأساه

["مرحبانيه"]

هذا الجهاز تلاقونه عند كل المحلات يشد البطن واشكال وايد منه تبدا اسعاره ب 350 درهم لين 1000 والي ماتروم تشتريه :22 (9): :22 (9): يمكن عشر دراهم او 15 بالكثير خذوه
وشغلو ميووزك ونطووووو

الرياضه شي اساسي وبتلاحظون وزنكم ينزل نزول ثابت بس مبين واضح عليكم اهم شي فليل ماتتعشون متأخر يعني ع7 او 8 بالكثر اذا ترقدون 10:30 او 11:00

الريوق ماتنسونه ابدا وعليكم بالكرون فلكس الي فيه حبوب القمح بتشوفون مكتوب 0% سعرات حراريه وطعمه وااااااايد حلو انا احطه من فليل مع حليب في مله والصبح اكله يم يمييييييي :1 (21):

[الحصباه]

هلا اختي بغيت اعرف شو خل الحصرم ؟ وين احصله؟

[Candle]

آااااااااااااااااااااااااااااااااااااااااااااه معاناه

[دكان الفريج]

حالتي حالتج اختي انا بعد وزني ان 86 وصلت 75 بس لازم يوصل 62 الله يعينا على انفسنا والحين انا مسويه رجيم ممكن تقولين خفيف شو رايج نبتدي مع بعض يعني نسوي مسابقة الي تنزل اكثر خلال هذا الشهر اذا تردين راسليني على الخاص