الالام الرجل.....!

[العسسل]

هلا بالشيخات مبروك عليكم الشهر
انا الحين بالشهر السادس ... واحس دايما لما انام اييني الم في اريولي فضيع الصراحه ما اقدر ارقد مثل التشنج وكله اتم احرك اريولي لين ما انام .....! ويقوللي من الثجل ....!
اللي عندها خبره وعلاج اتخبرني دخيلكم لاني وايد اتعب من ها الموضوع .........!

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[::ملاك::]

هذا طبيعي حبوبة،، حتى الدكاترة بيقولنلج هالشيء..
حطي مطارة على المكان اللي فيه التشنج أو الشد عشان بخفف عليج
وقبل الرقاد حركي ريلج عشان الدم يتحرك،،

[روح البدر]

انا كنت مثلج ووووووووووووووايد اعاني من ريولي ولحد احين
بس احين اخف لاني بديت امشي من الشهر الثامن والحمد الله
وايد خف عني خاصة بالحوض والشد العضلي اللي فريلي
بس عليج بالحركة شوي عشان يتحرك الدم عندج فريلج
وبي يعافيج

[العسسل]

تسلمون خواتي عل المرور

[( نـــــوره )]

حاولي تتحركين وتمشين وبأذن الله بيخوز لاتمين في النهار كله يالسه وربي يخفف عنج يااااااااااااااارب وترا ها الألم عادي كلنا نعاني منه .

[الكاشخــة]

الله يعافيج إختي
عليج بالحركه قد ما تقدرين تحركي
علشان يتحرك الدم في جسمج وإن شاء الله ما عليج إلا العافية