بغيت مساعدتكم للمزوجات

[**المياسه**]

السلام عليكم بغيت مساعدتكم أنا في اول زواجي بس في ورطه زوجي مضايق مني لأني معرف أرتب البيت وملابسه وأنا بيت أهلي متعوده على الشغاله معنه ياب حقي شغاله وبعد متعوده عليها وهو يبغاني أنا أرتب ملابسه وأنا معرف لملابس اريايل خاصه الدشداشه ولفروخه معرف وين أحطيها ورتبها وسمعت من وحده أنه الحرمه تختار الملابس لريلها لما يبغا يطلع وأنا معرف

ومنكم السموحه..........

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[كلي_جاذبيه]

غريبه شي بسيط مثل هذا ماتعرفينه
عيل شو تعرفين ؟؟؟؟؟؟؟؟؟؟؟؟؟؟؟

[Im Here]

الرياييل ملابسهم بسيطة ( كندورة - غتره - عقال - وزار - فانيلة - قحفية - بنطلوون - قميص - شورت )

قسمي الكبت ع هالاساس وبس

ما يباله شي حبيبتي

[كلى دلال]

السلام عليكم ورحمة الله وبركاته



بس على فكره ممكن هو يريد ترتيب معين انتى اساليه شو الترتيب الى يباه بس بطريقه غير مباشره علشان ما يحس انج ما تعرفين .


بس لو ما يبى ترتيب ممعين فترا وحده من الخوات قسمت لج كيف يكون الكبيت مرتب ولا تنسين تعطرين الملابس باج تدخنينها قبل ما تدخلينها الكبت واتحملى على الدخون والملابس ولا تنسين دوم تراقبى الخدامه يوم تغسل الملابس كيف تغسلها يعنى بالكلوركس والصابون وهل يناسب ملابسه الصابون الى ييبه مثلا شيكى على ملابسه نظيفه ولا لاء كلها من داخليه وخارجيه او رياضه روايحها ومن هذا القبيل ويوم الخدامه بتكويها شيكى عليها محترقه اذا محترقه اعزليها عن الملابس وحطى في بالج انج تاخذين ايداد يوم تكونين في السوق وخذى المقاس من الفانيله من فوق او ملابس الرياضه من بداية الفانيله بتعرفين وطبعا مع الايام بتتعودين .

اما بالنسبه للبيت فلازم تعرفين انه خلاص انج طلعتى من بيت اهلج ومو كل شي على الخدامه يعنى الحين ابدى تقومين من الصبح تسوين الريوق وتبدين تتعلمين انج تطبخين لو اشياء بسيطه ودايما الاماكن الى ييلس فيها لازم تكون نظيفه ومعطره ولازم تتدخين البيت ومن الحين تعودى تشرفين على الخدامه وعلى فكره الملابس اذا حصلتى فيها وصخ وديها الغسال او قوليله انه الملا بس ما تنظف ولازم توديها الغسال علشان انا ما ارضى انه ملابس ريلى تكون وصخه وغيره وانتى زوجه وتعرفين كيف تتصرفين

اما بالنسبه للبيت اسالى ربيعه مقربه لج متزوجه بس بشكل غير مباشر يعنى كيف الترتيب وغيره للبيت .

ولو كتبتى في النت بيطلع لج بعد لترتيب البيت ووهذه بعض المواقع الى بتساعدج

مثل هذا الموقع حصلت لج صفحه كل وحده من الخوات تقول تجربتها في ترتيب البيت

http://www.66n.com/forums/showthread.php?t=75780



http://forum.********.com/t74171.html

http://bafree.net/forums/archive/index.php/t-28926.html

http://forums.fatakat.com/thread195177-19

http://www.66n.com/forums/showthread.php?t=171525

نصيحه لوجه الله شكله ريلج ما يحب شغل الشغالات فاذا تبين راحته ابدى تتعلمين انتى تشتغلى في البيت لانه مثل هذه الاشياء تتراكم ومع مرور الزمن تصبح من الاشياء الرئيسه للطلاق والله يحفضج ان شاء الله .
ولا تنسين حاولى تتعرفين على طبيعة ريلج زين ووووووايد لانه شكله من النوع اى شكله يحب اشياء محدده

[**المياسه**]

شكرا على المشاركه