طلعت ام البنت هنديه!!

**أم السلاطين2** · 2009-08-24, 20:58

السلام عليكم
خواتي أنا مب عضوه يديده على هالمنتذى الطيب أنا سجلت باسم يديد عشان أعرض. مشكله من كثر مشاغلي مب قادره أحصل لها حل فبغيت المشوره منكن يزاكن
الله خير .
خواتي أنا انسانه ملتزمه ومربيه عيالي أحسن تربيه والكل يشهد وأنا انسانه اجتماعيه وأحب الخير
ولأني ارتاد يوميا على حلقه قرأن في الشارجه اتعرفت على وايد بنات خيرات واتعرفت على أهاليهن وهذا اللي خلا ثقة الناس وأهلي وجماعتي
تزداد فيني ويشاوروني في أمورهم . ووايد من هلي ومعارفي يطلبون مني بحكم اني اجتماعيه ادور عرايس لعيالهم أو حتى يوم يخطبون من بيت ناس
يتخبروني عن أخلاقهم والحمد لله زوجت كم واحد من أهلنا وكلهم مرتاحين .
بس المشكله انه وحده من انسابنا رمستني إذا أعرف بنات زينات لاخوانها الثنين واحد
أرمل عمره33 والثاني عمره 26. المهم. حزتها ين بنتين على بالي اختهم عندي فالحلقه تحفظ قرأن وهي معرسه والشاهد الله سمعتهن ذهب
وإخلاق وتربيه وبنات عرب العوده 31سنه والثانيه 26سنه خبرت الحرمه عنهن واتشجعت لهن لأنهن من صوبي وتثق فيني والله يهديها اتشرعت وخبرت خوانها
انها حصلت لهم بنات واستانسوا خص الأرمل حليله بس المشكله انه طلعت أم النات هنديه أنا شفتها كم مره
وسولفت وياها والله مايبين عليها هنديه لأمن رمستها البدويه ولاشكلها ولبسها وطبعها. المهم مااعرف شو أقول للحرمه الحين هم مزهبين ويبون يروحون بيت النات ويشوفونهن. والأولاد وايد متحمسين
ولو درى أبوهم انه أم البنات هنديه بيرفض لأنه ماطاع ايزوج أعياله لبات عمهم لأنه أمهن هنديه وبتستوي مشاكل والأولاد أخاف يعاندون أبوهم وتستوي مشاكل من ورئ هالسالفه شورو عليه عقلي مب قادر يفكر

ياناس ليش الدنيا جيه ليش بنت الهنديه ولا المصريه ولا العيميه مالها رب شو هالعنصريه
نحنا عيال عرب أصل وفصل وافتخر انه مرت اخوي أمها هنديه وأنا اخترتها لخويه والله شكثر بنات أمهاتهن هنديات أعرفهن قمه فكل شيء وأنا من اليوم نصيرتهن ههههه

المزيد من آخر المواضيع من نفس القسم:

**أم مها11ري** · 2009-08-24, 21:01

والله ماعرف شوو اقولج
بس بدعي ان الله ايسر الامووور والي فيها الخير الله ياتي بها ان شاء الله

**Fatma.FA** · 2009-08-24, 21:03

اختي لو شو ما صار او بيصير

لازم تقولينلهم قبل ما يروحون

وانهم يعندون احسن من انهم يفتشلون يدام الحرمة

يوم بيعرفون اصلها

والسموحهـ ...

**UAEGIRL08** · 2009-08-24, 21:03

الله ييسر امورهم يارب

**سود المدامع** · 2009-08-24, 21:04

والله ماعرف شو اقولج ..صح لا فرق بين عربي واعجمي ..لاكن هالعنصريه في اغلب البيوت

انا من شوري انج تخبرين الحرمه قبل مايروحون بيت الناس ..فضحه لو راحوا وبعدين كنسلوا

قولي لها ترى ام البنات هنديه ..

دام البنات زينات شو يخص الام والله حرااام عليهم ..

هذا الي عندي ...

**الــعــاااش** · 2009-08-24, 21:06

؛

ختيه اللي عليج سويتيه والباجي على ربج... ان كان لهن نصيب فالله بيسهل كل الامور بلمح البصر وان ماشي نصيب بتشوفين الاب بيعترض او يمكن يغيرون رايهم الشباب ..

الله يوفقج

،

**هذه قصتي** · 2009-08-24, 21:07

الله ييسر امورهم يارب

**Om 7aMda** · 2009-08-24, 21:11

ختيه الغاليه لازم يعرفون ..

والرياييل بياخذون البنات ما بياخذون الام ..!!!

الله يهديهم بس شو هالاشيا السخيفه اللي يدققون عليها ..!!

**لولو23** · 2009-08-24, 21:12

احس السالفه عاديه يااختيه .. لا تكبرين الموضوعين ولا تحاتييين
انتي خبريهم اذا كان خير لهم ترى الموضوع بيمشى ..
اعرف ناس عرب .. بدايه ماطاع الابو ان ولدهم ياخذه بنت عرب بس امها مصريه..
في النهايه وافق وقال هاي هي العمه اللي بتحميج يابنتي وبتصونج ..
والحين مستانسين على العمه المصريه وايد ..

**skydriver** · 2009-08-24, 21:17

و الله ما عرف شو أقولج .. بس ياما بنات أعرفهم أمهن هنديات و مااشاء الله عليهن فأخلاقهن أحسن عن غيرهن في البلاد .. بس انتي الي عليج انج اتخبريهم و لا تشيلين هموم غيرج ,, سويتي الي عليج و بس.. دورهم هم الي يقنعون ابوهم و يتصرفون فهالأمور .. يعني مالج ذنب ..

و حاولي بعد ادوربن لهم حد ثاني ..و خل هم يشوفون الأنسب .. بس ما يروحوون سيييدة يرمسونهم ~

**Miyabi** · 2009-08-24, 21:22

قوليلهم ان امهات البنات مش مواطنة من البداية وقبل ما يرمسون أهالي البنات عسب ما تصير مشاكل

**هادية الطبع** · 2009-08-24, 21:35

انتي سويتي خير فيهم والي الله كاتبنه بيتسوي
لا تشغلين بالج الحمدالله انج ما اسرعتي ولا خبرتي ام البنات عقب اهل الرياييل يرفضون

**قنيصة شوا&ـين** · 2009-08-24, 21:43

قوليلهم من ألحين قبل ما يطيح الفاس براس ..
يعني قبل ما يلوموج ..
ليش ما خبرتينا وما اعرف شو . .
خبري الأم اتخبر الاب والأولاد واتفهمهم لا فرق بين عربي ولا أعجمي إلا بتقوى هم بياخذو البنات مب أمهن أهم شي محترمات ومتربيات عدل ,,,
.. بري ذمتج ..
والله يهدي ابوهمـ
..
بتوفيق غناتي ..

**// نُـون..~** · 2009-08-24, 22:01

خبريهم قبل مآبيستويبج شي

**ميمي مشاكل** · 2009-08-24, 22:06

خبريهم والله ايسر امورهم

الموضوع: طلعت ام البنت هنديه!!

أدوات الموضوع

عرض

طلعت ام البنت هنديه!!

المزيد من آخر المواضيع من نفس القسم:

المواضيع المتشابهه

{ خذ البنت المدلعة ولاتاخذ البنت الي مادلعت }

طلعت .....

حنايه هنديه+حلاوه+ خيط + طبخ اكلات هنديه ._ تروح لاي مكان فالعين بس

ولد يستهبل على بنت في التلفون ... طلعت البنت اهبل منه ...!!!!